AFP កាលពីពេល ថ្មីៗកន្លងមកផ្សាយថា និស្សិតអីុរ៉ង់ជាង៣០នាក់ដែលចូលរួមក្នុងពិធីជប់លៀងបញ្ចប់ការសិក្សានៅទីក្រុងមួយនាភាគខាងជើងប្រទេសត្រូវសមត្ថកិច្ចចាប់ខ្លួន និងដាក់ទណ្ឌកម្មដោយវាយម្នាក់៩៩រំពាត់
AFP កាលពីពេល ថ្មីៗកន្លងមកផ្សាយថា និស្សិតអីុរ៉ង់ជាង៣០នាក់ដែលចូលរួមក្នុងពិធីជប់លៀងបញ្ចប់ការសិក្សានៅទីក្រុងមួយនាភាគខាងជើងប្រទេសត្រូវសមត្ថកិច្ចចាប់ខ្លួន និងដាក់ទណ្ឌកម្មដោយវាយម្នាក់៩៩រំពាត់ ពីបទល្មើសទំនៀមទម្លាប់របស់ប្រទេស ។
សារព័ត៌មានរបស់អីុរ៉ង់ កាលពីថ្ងៃទី២៧ ឧសភា ២០១៦ ផ្សាយថា ក្រោយពីមានបណ្តឹងថា យុវជនជាច្រើននាក់នាំគ្នាសប្បាយក្នុងពិធីជប់លៀងនៅភូមិគ្រឹះដ៏ស្រស់ស្អាតមួយក្នុងក្រុងកាស់វីននោះ សមត្ថកិច្ចក៏ចាប់ខ្លួនពួកគេ ។
លោកអេស្មាអីុល សាដេគី នីយ៉ារ៉ាគី ចៅហ្វាយក្រុងកាស់វីន និយាយថា យុវជនទាំងនោះត្រូវតុលាការសម្រេចដាក់ទោសដោយក្នុងម្នាក់វាយ៩៩រពាត់ ។
ប៉ូលិសគ្រប់គ្រងផ្នែកចរិយាធម៌បានប្រតិបត្តិទោសភ្លាម ដើម្បីទុកជាគំរូដល់យុវជនផ្សេងទៀត ។
លោកនីយ៉ារ៉ាគី និយាយថា ក្នុងចំណោមយុវជនទាំងនោះភាគច្រើនដោះអាវ ផឹកស្រា និងបញ្ចេញកិរិយាមិនសមរម្យប៉ះពាល់ដល់អារម្មណ៍អ្នកផ្សេង ដូច្នេះពួកគេត្រូវទទួលទោសដើម្បីជាការព្រមាន និងជាគំរូដល់យុវជនផ្សងទៀត ។
ការរាំច្រៀងនៅឡូកឡំគ្នារវាងបុរស និងស្ត្រី គឺជារឿងហាមឃាត់នៅអីុរ៉ង់ ។ ប្រសិនបើនារីមិនពាក់ក្រណាត់ឃ្លុំក្បាល និងមានគ្រឿងស្រវឹងនៅឡូកឡាំក៏ជារឿងត្រូវហាមឃាត់ដែរ ។
លោកនីយ៉ារ៉ាក់ ព្រមានបិទភោជនីយដ្ឋាន ឬហាងអាហារណាដែលបណ្តោយឱ្យមានការរៀបចំពិធីជប់លៀង និងអ្នកចូលរួមមានទាំងបុរសនិងស្ត្រីនៅលាយឡំគ្នា ឬមានគ្រឿងស្រវឹង ៕
ចែករំលែកព័តមាននេះ