អាកប្បកិរិយាមិនល្អ ២ យ៉ាងដែលឪពុកម្តាយគួរឆាប់កែប្រែកូន
- ភ្នំពេញ
រាជធានីភ្នំពេញ ៖ ប្រសិនបើឪពុកម្តាយទាំងឡាយ ដែលបានជួបប្រទះនូវអាកប្បកិរិយាមិនល្អ ២ យ៉ាងនេះរបស់កូន គួរឆាប់កែប្រែពួកគេហើយ ។ ១. ក្មេងឧហ្សាហ៍ខឹងច្រើន…
រាជធានីភ្នំពេញ ៖ ប្រសិនបើឪពុកម្តាយទាំងឡាយ ដែលបានជួបប្រទះនូវអាកប្បកិរិយាមិនល្អ ២ យ៉ាងនេះរបស់កូន គួរឆាប់កែប្រែពួកគេហើយ ។ ១. ក្មេងឧហ្សាហ៍ខឹងច្រើន…
រាជធានីភ្នំពេញ ៖ ប្រសិនបើឪពុកម្តាយទាំងឡាយ ដែលបានជួបប្រទះនូវអាកប្បកិរិយាមិនល្អ ២ យ៉ាងនេះរបស់កូន គួរឆាប់កែប្រែពួកគេហើយ ។
១. ក្មេងឧហ្សាហ៍ខឹងច្រើន ៖ អារម្មណ៍ឆេវឆាវ ឬការមួរម៉ៅច្រើនកើតមានជាទូទៅចំពោះកុមារដែលមានអាយុពី ២ ទៅ ៣ ឆ្នាំ ។ ពួកគេបង្ហាញអាកប្បកិរិយានេះនៅពេលដែលពួកគេមិនទទួលបានអ្វីដែលពួកគេចង់បាន ។ កុមារភាគច្រើនមានអាកប្បកិរិយាមិនល្អនេះកាន់តែខ្លាំងក្លានៅពេលពួកគេទៅសាលារៀន ហើយវានៅតែបន្ត និងនាំឱ្យមានបញ្ហាខឹងសម្បារ ។ មូលហេតុទូទៅនៃកំហឹង និងការឆាប់ខឹងចំពោះកុមាររួមមាន ៖ ការមិនទទួលបានអ្វីដែលពួកគេចង់បាន និងការធ្វើអ្វីមួយដែលពួកគេមិនចូលចិត្ត ។
តើធ្វើដូចម្តេចដើម្បីគ្រប់គ្រងកំហឹងដែលមិនអាចគ្រប់គ្រងនៅក្នុងចិត្តគំនិតកូនរបស់អ្នក ?
របៀបដែលអ្នកឆ្លើយតបចំពោះកូនដែលខឹងធ្វើឱ្យមានភាពខុសគ្នាយ៉ាងខ្លាំងក្នុងការកែប្រែអាកប្បកិរិយារបស់ពួកគេ ។ ពេលណាដែលគេខឹង ព្រោះមិនបានអ្វីដែលខ្លួនចង់បាន ចូរកុំធ្វើឱ្យគេស្ងប់ ។ ព្យាយាមមិនអើពើនឹងភាពតានតឹង ឬការខឹងរបស់កូន ហើយនៅស្ងៀមរហូតដល់ពួកគេដឹងពីកំហុសរបស់ខ្លួន ។ កុំឆ្លើយតបពាក្យមិនពីរោះស្តាប់ ឬព្យាយាមដាក់ទោសគេ ។ អនុញ្ញាតឱ្យពួកគេដឹងថា គេនឹងមានផលវិបាកសម្រាប់អាកប្បកិរិយាបែបនេះ ។ ត្រូវមានភាពជាប់លាប់ក្នុងការខិតខំប្រឹងប្រែងរបស់អ្នក ។ នៅពេលដែលពួកគេយល់ថា អាកប្បកិរិយាបែបនេះមិនសមរម្យ ពួកគេនឹងព្យាយាមផ្លាស់ប្តូរដោយខ្លួនឯង ។
២. ការពន្យារពេល ៖ មិនថា ជាការងារសម្អាតបន្ទប់ធម្មតារបស់ពួកគេ ឬកិច្ចការផ្ទះខ្លះដែលពួកគេត្រូវធ្វើនោះទេ ការផ្អាក ឬពន្យារពេលធ្វើអ្វីមួយ គឺជាទម្លាប់ទូទៅក្នុងចំណោមកុមារ ។ វាអាចកើតឡើងដោយសារពួកគេមិនចាប់អារម្មណ៍នឹងកិច្ចការ ឬរវល់លេងហ្គេមរបស់ពួកគេ និងអ្វីៗផ្សេងទៀត ។ កុមារខ្លះខ្ជិលធ្វើកិច្ចការឱ្យបានទាន់ពេល ។
តើធ្វើដូចម្តេចដើម្បីការពារការពន្យារពេល ?
ប្រាប់ពួកគេថា ហេតុអ្វីបានជាការពន្យារពេលមិនមែនជាទម្លាប់ល្អ ហើយបង្ហាញពួកគេនូវគំរូរបស់មនុស្សក្នុងគ្រួសារដែលពួកគេធ្វើការងារទាន់ពេល ។ ប្រសិនបើវាដោយ សារតែពួកគេមិនចាប់អារម្មណ៍ សូមព្យាយាមធ្វើឱ្យវារីករាយ ដោយបន្ថែមធាតុរីករាយមួយចំនួន ។ រៀបចំកាលវិភាគសកម្មភាពរបស់ពួកគេ ដើម្បីកុំឱ្យពួកគេចំណាយពេលខុស ឬធ្វើអ្វីមួយគ្មានប្រយោជន៍ច្រើនពេក ។ យ៉ាងណាមិញ ចូរសរសើរពួកគេ នៅពេលពួកគេបញ្ចប់ភារកិច្ចទាន់ពេលវេលា ៕
អត្ថបទនេះផលិតឡើងក្រោមកិច្ចសហប្រតិបត្តិការជាមួយសាលារៀនវ៉េស្ទឡាញន៍ និង សាលារៀនណត្សឡាញន៍ ។ សាលារៀនវ៉េស្ទឡាញន៍ និងសាលារៀនណត្ស ឡាញន៍ ផ្តល់ជូនសេវាកម្មអប់រំមត្តេយ្យភាសាខែ្មរ និងអង់គ្លេស ចំណេះទូទៅខ្មែរ ភាសាចិន និងភាសាអង់គ្លេស និងបន្តទទួលចុះឈ្មោះសិស្ស សម្រាប់កម្មវិធីចំណេះទូទៅខ្មែរ ទី ១ ដល់ ទី ១២ ។
សាលារៀនជូននូវវេទិកា និងមធ្យោបាយសិក្សាយ៉ាងសម្បូរបែប ជាមួយនឹងប្រព័ន្ធគ្រប់គ្រងសាលារៀន ប្រព័ន្ធគ្រប់គ្រងការសិក្សា និងអេបសាលារៀន ជូនដល់មាតាបិតាសិស្ស និងសិស្សានុសិស្ស ក្នុងការគ្រប់គ្រងការសិក្សា និងតាមដានព័ត៌មានសិក្សារបស់បុត្រធីតាផងដែរ ។ សម្រាប់ព័ត៌មានបន្ថែម សូមទំនាក់ទំនងទូរស័ព្ទលេខ ៖ ០៩២ ៨៨៨ ៤៩៩ / ០១៥ ៨០៥ ១២៣ ។
ចែករំលែកព័តមាននេះ