ខ្លាចមនុស្ស«លោភ» ?
នៅស្រុកខ្មែរយើង…ទីផ្សារណាក៏ដោយ ឱ្យតែមានការរុះរើសាងសង់ថ្មី…ឱ្យតែមានឈ្មោះថា ធ្វើការអភិវឌ្ឍ…គ្មានដែលបានសុខស្រួលទេ…សុទ្ធតែមានរឿង !… គំរូជាក់ស្តែងកន្លងមក…
នៅស្រុកខ្មែរយើង…ទីផ្សារណាក៏ដោយ ឱ្យតែមានការរុះរើសាងសង់ថ្មី…ឱ្យតែមានឈ្មោះថា ធ្វើការអភិវឌ្ឍ…គ្មានដែលបានសុខស្រួលទេ…សុទ្ធតែមានរឿង !… គំរូជាក់ស្តែងកន្លងមក…
នៅស្រុកខ្មែរយើង…ទីផ្សារណាក៏ដោយ ឱ្យតែមានការរុះរើសាងសង់ថ្មី…ឱ្យតែមានឈ្មោះថា ធ្វើការអភិវឌ្ឍ…គ្មានដែលបានសុខស្រួលទេ…សុទ្ធតែមានរឿង !…
គំរូជាក់ស្តែងកន្លងមក…ដំបូងគេផ្សារអូឡាំពិក…បន្តបន្ទាប់មកផ្សារដេប៉ូ…ផ្សារអូរឫស្សី…។ល។
ពេលរបស់ដែលគេឱ្យឈ្មោះថាអភិវឌ្ឍន៍ស្អីគេនោះបានរួចរាល់…កើតមានបញ្ហាបះបោរ…ទឹកភ្នែក ទឹកសម្បោ…។ ទម្រាំបានស្ងប់ស្ងៀម…ទម្រាំបានត្រូវគ្នា វាបានក្លាយជាបទពិសោធ…ជាគំរូយ៉ាងអាក្រក់សម្រាប់ការអភិវឌ្ឍក្រោយៗទៀត ។
ធម្មតាទេ…អ្នកដែលដើរតួអភិវឌ្ឍ…តែងមើលឃើញផលប្រយោជន៍…ផលមុនគេគឺខ្លួនឯង…កើបយកចំណេញលើទីតាំងចាស់…ដូចជាផ្សារដេប៉ូជាដើម…ទីផ្សារក្លាយជាលំនៅឋានស្ទើរអស់ ដែលឯកជនជាអ្នកគ្រប់គ្រង ។ល។ សង្ស័យលែងជារបស់រដ្ឋទៅហើយ…។
នយោបាយថ្មី…ចង់អភិវឌ្ឍឱ្យវាស្អាត វាទាន់សម័យ…ទាល់តែម្ចាស់អាជីវករគ្រប់គ្នាយល់ព្រម…បើយល់ព្រមឱ្យសាងសង់ថ្មី គឺរដ្ឋជាអ្នកធ្វើ…
ទោះបីនយោបាយថ្មី ផ្សព្វផ្សាយបែបនេះក្តី…អាជីវករទាំងឡាយជាម្ចាស់តូប…ម្ចាស់ទីតាំង…លែងជឿជាក់ហើយ…លែងហ៊ានប្រថុយប្រថានហើយ…ព្រោះនយោបាយចាស់វានៅក្នុងអារម្មណ៍នៅឡើយ ។ ហ៊ានឱ្យអភិវឌ្ឍ…ហ៊ានឱ្យសាងសង់ថ្មី…ពេលចូលលក់ដូរវិញ តូបមួយៗបើគ្មានរាប់ពាន់ រាប់ម៉ឺនដុល្លារទិញទេ…ច្បាស់ជាមេឃាហើយ ! ទឹកភ្នែកហើយ…ទោះបីរដ្ឋធ្វើល្អត្រឹមត្រូវ…ក៏លែងជឿជាក់ដែរ…។
ដោយខ្លាចអារឿងទឹកភ្នែកហ្នឹងហើយ…សម្តេចតេជោសែន បានដាក់វិធានការមួយ គឺបើចង់សង់ផ្សារត្រូវរកដីសង់ដោយខ្លួនឯងទៅ ! ហាមយកដីផ្សារដែលមានស្រាប់ទៅសង់ !
និយាយតាមត្រង់ទៅ ដោយសារតែគំរូអាក្រក់របស់សេដ្ឋីមុនៗ…ធ្វើឱ្យអាជីវករទឹកភ្នែក…ដូចជាពេលសង់រួចត្រូវទិញយកទីតាំងខ្លួនវិញហ្នឹងហើយ…បានជារកឱកាសអភិវឌ្ឍផ្សារចាស់ៗទាំងឡាយក្នុងទីក្រុងអត់បាននោះ !
តើមនុស្ស«លោក»មួយណាទៅដែលមិនមែនមនុស្ស«លោភ» ? ក្រែងដោយសារគេខ្លាចមនុស្ស«លោភ»ទេដឹង បានជាស្វែងរកស្នាដៃអភិវឌ្ឍមិនបាន…
ដោយសារតែ…ចេះតែជួបបញ្ហា…ទើបចេះតែភ័យខ្លាច…ទោះបីល្អក៏គេមិនទុកចិត្តដែរ…ហេ ! ហេ !
អាឡេវ
ចែករំលែកព័តមាននេះ