មេអត់មេត្តា…
ក្លើ២នាក់ធ្វើការនៅស្ថាប័នផ្សេងគ្នា ។ ចៃដន្យបានជួបគ្នានៅហាងគ្រឿងក្លែមមួយនៅជិតផ្សារទួលសង្កែ ។ ពួកគេទាំង២នាក់រួមតុតែមួយ ។ មិនទាន់ហៅម្ហូបអីមកទេ…ក៏មិនទាន់កុំម៉ង់ស្រាផឹកដែរ
ក្លើ២នាក់ធ្វើការនៅស្ថាប័នផ្សេងគ្នា ។ ចៃដន្យបានជួបគ្នានៅហាងគ្រឿងក្លែមមួយនៅជិតផ្សារទួលសង្កែ ។ ពួកគេទាំង២នាក់រួមតុតែមួយ ។ មិនទាន់ហៅម្ហូបអីមកទេ…ក៏មិនទាន់កុំម៉ង់ស្រាផឹកដែរ
ក្លើ២នាក់ធ្វើការនៅស្ថាប័នផ្សេងគ្នា ។ ចៃដន្យបានជួបគ្នានៅហាងគ្រឿងក្លែមមួយនៅជិតផ្សារទួលសង្កែ ។ ពួកគេទាំង២នាក់រួមតុតែមួយ ។ មិនទាន់ហៅម្ហូបអីមកទេ…ក៏មិនទាន់កុំម៉ង់ស្រាផឹកដែរ ។ អ្នករត់តុដើរមកដល់សួរ ៖
-ពូពិសាអីដែរ ?
បុរសម្នាក់ដែលមកអង្គុយមុនគេ និយាយបណ្តើរចង្អុលបណ្តើរថា
-យកស្រាថ្នាំត្រាំស្វាមួយស្រីុ ជើងមាន់អាំងមួយចាន យកប៉ុណ្ណឹងសិនបានហើយ…ចាំនឹកឃើញកុំម៉ង់ទៀត ។
ឮកុំម៉ង់បែបនេះ ក្លើម្នាក់ទៀតសួរភ្លាម
-ស្អី ! អ្ហែងធ្លាក់ខ្លួនមកផឹកស្រាត្រាំ…ពីមុនអញឃើញអ្ហែងផឹកសុទ្ធតែស្រាបៀរ ជួនកាលវីស្គី…
-អ្ហែងដឹងទេ…កាលពីមុនវាផ្សេង…ពេលនេះវាផ្សឹង…ផ្សឹងនោះវាជាងមួយឆ្នាំហើយ…អញមានការងារអីធ្វើ…តាំងពីចៅហ្វាយថ្មីមកកាន់ដំណែង…អញគ្មានការងារទេ…អ្វីៗចៅហ្វាយប្រមូលទាំងអស់ ។ បើបានដាក់ឱ្យដេញថ្លៃ អញបានត្រួតពិនិត្យខ្លះ…ខ្វះអីស្រាបៀរ…វីស្គី…តែចៅហ្វាយថ្មីឈប់ដេញថ្លៃ…ឱ្យក្រុមហ៊ុនមួយៗម៉ៅការដាច់ទៅហើយ សុទ្ធតែគ្នាគាត់…អញមានសិទ្ធិអី…ស្អីៗគេឡើងទៅចៅហ្វាយទាំងអស់…តែមុខគេអត់មើលផង !
អ្ហែងដឹងទេ ! ចៅហ្វាយមុនអញបានរស់គ្រាន់បើ…គាត់ចេះប្រើ…ចេះប្រគល់ការងារឱ្យ…ជួនកាលហុចលិច ហុចកើត…សើមខ្លះដែរ…តែចៅហ្វាយនេះ ចោលលុយតែម្រ៉ង ! មិនមែនមានតែអញទេជាមន្ត្រីជំនាញ មានអាជំនាញមួយកំភ្លូសទៀត…ស្ពឹកមុខដូចអញដែរ…នុះ ! ម៉ូតូអញ…អាស៊ែរី2015 អញលក់មកទិញអាសង់កូរ៉េវិញ ។ ឃើញប៉ុណ្ណឹងអ្ហែងដឹងហើយ…ទៅ ! ផឹកដូចគ្នាទៅបានហើយ…កុំសាញ…កុំសួរ !
ចំណែកក្លើរួមតុបានឆ្លើយវិញយ៉ាងសុភាពថា
-មេអ្ហែងពិតជាអត់មេត្តាមែន !
អាឡេវ
ចែករំលែកព័តមាននេះ