រាជធានីភ្នំពេញ ៖ កុមារសព្វថ្ងៃនេះកំពុងធំឡើងនៅក្នុងបរិយាកាសប្រេកង់វិទ្យុ ដែលមិនធ្លាប់មានក្នុងប្រវត្តិសាស្ត្រមនុស្សជាតិពីមុនមក ។ វិទ្យុសកម្មដែលបញ្ចេញដោយទូរស័ព្ទដៃអាចមានផលប៉ះពាល់ដល់កុមារ ហើយឥទ្ធិពលអាក្រក់នៃទូរស័ព្ទចំពោះកូនរបស់អ្នកមានដូចជា ៖ ១. គ្រោះថ្នាក់ដល់សុខភាព…
រាជធានីភ្នំពេញ ៖ កុមារសព្វថ្ងៃនេះកំពុងធំឡើងនៅក្នុងបរិយាកាសប្រេកង់វិទ្យុ ដែលមិនធ្លាប់មានក្នុងប្រវត្តិសាស្ត្រមនុស្សជាតិពីមុនមក ។ វិទ្យុសកម្មដែលបញ្ចេញដោយទូរស័ព្ទដៃអាចមានផលប៉ះពាល់ដល់កុមារ ហើយឥទ្ធិពលអាក្រក់នៃទូរស័ព្ទចំពោះកូនរបស់អ្នកមានដូចជា ៖
១. គ្រោះថ្នាក់ដល់សុខភាព ៖ ក្នុងរយៈពេលប៉ុន្មានឆ្នាំចុងក្រោយនេះ មានការរំពឹងទុកជាច្រើនអំពីផលប៉ះពាល់នៃវិទ្យុសកម្មទូរស័ព្ទដៃមកលើរាងកាយរបស់យើង ។ គ្រោះថ្នាក់សុខភាពដែលអាចកើតមាននៃទូរស័ព្ទដៃសម្រាប់កុមារតូចៗមានដូចជា ៖ កើតដុំសាច់មិនសាហាវ, មហារីក និងឥទ្ធិពលមិនល្អចំពោះខួរក្បាល ។ អ្នកវិទ្យាសាស្ត្របានរកឃើញថា ការនិយាយទូរស័ព្ទត្រឹមតែ ២ នាទីអាចផ្លាស់ប្តូរសកម្មភាពនៃខួរក្បាលរបស់កុមាររហូតដល់មួយម៉ោង ។
២. ការសិក្សា ៖ កុមារតូចៗក៏ដូចជាក្មេងជំទង់ដែរ គឺញៀននឹងទូរស័ព្ទ ។ ពួកគេលេងហ្គេម ជជែក និងនិយាយជាមួយមិត្តភ័ក្តិតាមទូរស័ព្ទដៃគ្រប់ពេល ។ ដូច្នេះ ពួកគេអាចនឹងខកខានមេរៀនដែលបានបង្រៀន ហើយការសិក្សាធ្លាក់ចុះ ។
៣. អាកប្បកិរិយាមិនសមរម្យ ៖ ការប្រើប្រាស់ទូរស័ព្ទដៃអាចនាំឱ្យកុមារចូលរួមក្នុងអាកប្បកិរិយាមិនសមរម្យ ។ ការផ្ញើសារ និងផ្ញើរូបភាពមិនសមរម្យ គឺជាបញ្ហាដែលកំពុងកើនឡើងសម្រាប់មនុស្សវ័យជំទង់ ។ កុមារក៏អាចចូលប្រើគេហទំព័រអាសអាភាសពីទូរស័ព្ទរបស់ពួកគេផងដែរ ។
៤. កំហុសក្នុងការប្រឡង ៖ សិស្សភាគច្រើនបណ្ដោយខ្លួនទៅនឹងការប្រឡងមិនត្រឹមត្រូវ និងការបន្លំអំឡុងពេលប្រឡង ។
ក្នុងនាមជាឪពុកម្តាយ អ្នកត្រូវតែចាត់វិធានការបង្ការ ដើម្បីកាត់បន្ថយការប៉ះពាល់របស់កូនអ្នក ក្នុងនោះមានដូចជា ៖ កុំឱ្យទូរស័ព្ទដៃប្រើ ប្រសិនបើកូនរបស់អ្នកមានអាយុក្រោម ១៦ ឆ្នាំ ។ ខួរក្បាលរបស់កុមារមានភាពរសើបខ្លាំងពេកក្នុងការទប់ទល់នឹងឥទ្ធិពលនៃវិទ្យុសកម្មចល័ត ។
កុំឱ្យកូនអ្នកកាន់ទូរស័ព្ទផ្ទាល់ដល់ក្បាល ។ ប្រើកាសស្តាប់ត្រចៀកជំនួសវិញ ។ កុំឱ្យកូនរបស់អ្នកប្រើទូរស័ព្ទដៃនៅពេលសញ្ញាសេវាខ្សោយ ព្រោះវានឹងបង្កើនថាមពលដល់អតិបរមា ដោយសារទូរស័ព្ទព្យាយាមភ្ជាប់ទៅអង់តែនបញ្ជូនតថ្មី ។ កំណត់ការប្រើប្រាស់ទូរស័ព្ទដៃជុំវិញកុមារ ។ ត្រូវប្រាកដថា មិនមានបង្គោលទូរស័ព្ទចល័ត ឬប៉មបណ្តាញនៅជិតផ្ទះ ឬសាលារៀនរបស់កូនអ្នក ។ កុំឱ្យកូនយកទូរស័ព្ទទៅសាលា ។ កុំទុកទូរស័ព្ទដៃក្នុងបន្ទប់គេងកូននៅពេលយប់ ៕
អត្ថបទនេះផលិតឡើងក្រោមកិច្ចសហប្រតិបត្តិការជាមួយសាលារៀនវ៉េស្ទឡាញន៍ និងសាលារៀនណត្សឡាញន៍ ។ សាលារៀនវ៉េស្ទឡាញន៍ និងសាលារៀនណត្ស ឡាញន៍ ផ្តល់ជូនសេវាកម្មអប់រំមត្តេយ្យភាសាខែ្មរ និងអង់គ្លេស ចំណេះទូទៅខ្មែរ ភាសាចិន និងភាសាអង់គ្លេស និងបន្តទទួលចុះឈ្មោះសិស្ស សម្រាប់កម្មវិធីចំណេះទូទៅខ្មែរ ទី ១ ដល់ ទី ១២ ។
សាលារៀនជូននូវវេទិកា និងមធ្យោបាយសិក្សាយ៉ាងសម្បូរបែប ជាមួយនឹងប្រព័ន្ធគ្រប់គ្រងសាលារៀន ប្រព័ន្ធគ្រប់គ្រងការសិក្សា និងអេបសាលារៀន ជូនដល់មាតាបិតាសិស្ស និងសិស្សានុសិស្ស ក្នុងការគ្រប់គ្រងការសិក្សា និងតាមដានព័ត៌មានសិក្សារបស់បុត្រធីតាផងដែរ ។ សម្រាប់ព័ត៌មានបន្ថែម សូមទំនាក់ទំនងទូរស័ព្ទលេខ ៖ ០៩២ ៨៨៨ ៤៩៩ / ០១៥ ៨០៥ ១២៣ ។
ចែករំលែកព័តមាននេះ