នាង Holly Madison រស់នៅក្នុងភាពភ័យខ្លាចនៅវិមានស្កឹមស្កៃ Playboy ។ តារាម៉ូដែលវ័យ៣៦ឆ្នាំរូបនេះបានចំណាយពេលរស់នៅក្នុងវិមានអស់រយៈពេល៧ឆ្នាំជាមួយអតីតគូស្នេហ៍វ័យ៩០ឆ្នាំលោកតាមហាសេដ្ឋី Hugh Hefner និងស្រីស្នេហ៍ច្រើននាក់ទៀតរបស់គាត់ ។
នាង Holly Madison បានទម្លាយអាថ៌កំបាំងឱ្យដឹងថា រយៈពេលនៃជីវិតរបស់នាងគឺ ការតស៊ូយូរអង្វែង ហើយនាងតែងតែបង្ហាញអារម្មណ៍ឱ្យឃើញភាពសប្បាយរីករាយ តែក្នុងចិត្តវិញភ័យខ្លាច ។
វិមាន Playboy Mansion អ្វីៗគ្រប់យ៉ាងគឺគោរពទៅតាមបទបញ្ជាផ្ទៃក្នុង ។ នាង Holly Madison និយាយថា «នាងខ្ញុំមិនចូលចិត្តធ្វើជាមនុស្សសម្តែងក្លែងក្លាយពីអារម្មណ៍ទេ ពោលគឺបរិយាកាសក្នុងវិមានបានរំខាននាងខ្ញុំគ្រប់ពេល។ ទោះបីជាវិមានមានទីតាំងធំទូលាយ និងកន្លែងកម្សាន្តច្រើន តែវាមិនបានផ្តល់ភាពរីករាយចេញចិត្តរបស់ស្រីស្នេហ៍លោកតា Hugh Hefner ទេ ។ វិមាន Playboy មិនបានបង្កើតទំនុកចិត្តទេ តែជាកន្លែងដែលឧបាយកលត្រូវប្រើប្រាស់ដើម្បីយកស្នាដៃឱ្យលោកតា Hugh Hefner បានឃើញ ។ វាប្រៀបដូចជាការប្រកួតប្រជែងក្នុងចំណោមស្រីផ្សេងទៀត។ រស់នៅទីនោះនាងខ្ញុំបានរៀនពីការមិនទុកចិត្តទៅលើមនុស្សស្មោះត្រង់» ។
នាង Holly Madison បានចាកចេញពីវិមាន Playboy កាលពីឆ្នាំ២០០៨ ហើយបានស្វែងរកស្នេហាថ្មីដោយរៀបការជាមួយលោក Pasqual Rotella នៅខែកញ្ញា ២០១៣ ។ ទោះបីជានាងមិនត្រឡប់ទៅរស់នៅក្នុងវិមានវិញក៏ដោយ តែនាងនឹងប្រើអាកប្បកិរិយាផ្សេងដោយមិនស្ថិតក្នុងភាពភ័យខ្លាចទៀតទេ ។ នេះមិនមែនជារឿងអាស្រូវក្នុងវិមាន Playboy ទេតែផ្ទុយទៅវិញគឺជាការណ៍ពិតដែលពី មុនៗធ្លាប់មានស្រីស្នេហ៍របស់លោកតា Hugh Hefner រៀបរាប់ពីទុក្ខលំបាកស្រដៀងគ្នានេះដែរ ៕
ចែករំលែកព័តមាននេះ