រាជធានីភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រីបានប្រាប់អ្នកវិភាគមួយចំនួនថា ចាំតែវិភាគគ្រួសារសម្តេចបានហើយមិនចាំបាច់វិភាគរឿងផ្សេងនោះទេ ។
សម្តេចតេជោ បានសរសេរលើបណ្តាញសង្គម នៅថ្ងៃទី៤ ខែធ្នូ ឆ្នាំ២០២១ថា កន្លងមកមានក្មួយៗដែលនិយមលេងរូបថតបានផ្គុំរូបថតខ្ញុំជាមួយកូនប្រុសច្បង របស់ខ្ញុំហ៊ុន ម៉ាណែត និងផ្គុំរូបថតខ្ញុំ និងភរិយាជាមួយរូបថតម៉ាណែត និងភរិយា ។
គាត់បានប្រាប់ខ្ញុំថា លោកអុំសង្ហាដូចបង ម៉ាណែត និងក្មួយខ្លះនិយាយថា អុំប្រុស អុំស្រីសង្ហារដូចបងម៉ាណែត និងប្រពន្ធគាត់ ។ សម្តេចថា ៖«ខ្ញុំបានប្រាប់ទៅក្មួយៗវិញថា តើម៉ាណែតបង្កើតអុំ ឬអុំបង្កើតម៉ាណែត? ។ អត្ថបទមួយនេះនឹងធ្វើឱ្យក្រុមវិភាគយកទៅវិភាគបានហោចណាស់មួយសប្តាហ៍ ដើម្បីមានការងារធ្វើរកលុយចិញ្ចឹមជិវិត ឬសុំសិទ្ធជ្រកកោននៅក្រៅប្រទេស ។ ថ្ងៃមុនគេវិភាគរឿងចៅទី២១ ស្រក់ទឹកភ្នែកតែមិនយំ» ។
សម្តេចបញ្ជាក់ថា ៖«ល្អហើយខ្ញុំមានចៅ២២នាក់ និងកូនបង្កើតកូនប្រសា១០នាក់ ទៀត ដែលខ្ញុំនឹងជួយពួកអ្នកឱ្យធ្វើការវិភាគតែរឿងគ្រួសារខ្ញុំដោយមិនចាំបាច់ទៅវិភាគរឿងផ្សេងនាំលំបាក ។ នេះជាវិធីរុញទូកបណ្តោយទឹក ដើម្បីតម្រូវ ចិត្តក្រុមវិភាគល្ងង់ទូ» ៕
ចែករំលែកព័តមាននេះ