ទីបញ្ជាការកណ្តាលអាមេរិកបានបើកការស៊ើបអង្កេតមួយ ក្រោយពេលការវា.យប្រហារដោយហោះដ្រូនប្រឆាំងនឹងមេដឹកនាំក្រុមអាល់កៃដា នៅថ្ងៃសុក្រប្រហែលជាសម្លា.ប់ជនស៊ីវិលជាច្រើននាក់។ ការវា.យប្រហារតាមដែនអាកាសនៅក្នុងទីក្រុង Idlib ប្រទេសស៊ីរី ប្រតិបត្តិការដោយយន្តហោះដ្រូន MQ-9 Reaper និងសំដៅទៅលើមេដឹកនាំក្រុមអាល់កៃដា…
ទីបញ្ជាការកណ្តាលអាមេរិកបានបើកការស៊ើបអង្កេតមួយ ក្រោយពេលការវា.យប្រហារដោយហោះដ្រូនប្រឆាំងនឹងមេដឹកនាំក្រុមអាល់កៃដា នៅថ្ងៃសុក្រប្រហែលជាសម្លា.ប់ជនស៊ីវិលជាច្រើននាក់។
ការវា.យប្រហារតាមដែនអាកាសនៅក្នុងទីក្រុង Idlib ប្រទេសស៊ីរី ប្រតិបត្តិការដោយយន្តហោះដ្រូន MQ-9 Reaper និងសំដៅទៅលើមេដឹកនាំក្រុមអាល់កៃដា និងអ្នករៀបចំផែនការនៃក្រុមនេះ។ នេះបើតាមប្រធានក្រុមអាមេរិកឈ្មោះ Bill Urban និយាយនៅក្នុងសេចក្តីប្រកាស។
ឈ្មោះរបស់មេដឹកនាំក្រុមអាល់កៃដាមិនត្រូវបានបញ្ចេញឡើយ ប៉ុន្តែលោក Bill Urban ថ្លែងថាការវា.យប្រហារប្រឆាំងមេដឹកនាំរូបនោះនឹងរំខានដល់ប្រតិបត្តិការរបស់ក្រុមអាល់កៃដា និងសមត្ថភាពរបស់ពួកគេក្នុងការរៀបចំផែនការវា.យប្រហារ។
ប៉ុន្តែការពិនិត្យឡើងវិញអំពីការវា.យប្រហារនោះ បង្ហាញថាជនស៊ីវិលជាច្រើននាក់ប្រហែលស្លា.ប់។
លោកបានថ្លែងដូច្នេះថា«យើងស្អប់ជាខ្លាំងចំពោះការបាត់បង់ជីវិតជនស្លូតត្រង់ និងចាត់វិធានការដើម្បីការពារពួកគេ។ លទ្ធភាពនៃការស្លា.ប់ជនស៊ីវិលត្រូវបានរាយការណ៍មកកាន់ទីបញ្ជាការកណ្តាលអាមេរិក។ យើងកំពុងចាប់ផ្តើមការស៊ើបអង្កេតពេញលេញលើការចោទប្រកាន់ ហើយនឹងធ្វើការបញ្ចេញលទ្ធផលនៅពេលសមស្របណាមួយ»។
ការទទួលស្គាល់ពីការស្លា.ប់ជនស៊ីវិល និងការបើកការស៊ើបអង្កេតភ្លាមៗកើតឡើងក្រោយពេលរដ្ឋមន្ត្រីការពារជាតិអាមេរិកលោក Lloyd Austin បានបញ្ជាឲ្យពិនិត្យឡើងវិញនូវការវា.យប្រហារក្នុងប្រទេសស៊ីរីកាលពីខែមីនា ឆ្នាំ ២០១៩ ដែលមន្ទីរបញ្ចាកោណអាមេរិកកាលពីពេលថ្មីៗនេះបានទទួលស្គាល់ថាបានសម្លា.ប់ជនស៊ីវិលជាច្រើននាក់៕ (យោងតាមប្រភព៖ CNN)
ចែករំលែកព័តមាននេះ