ព្រះពុទ្ធសាសនាបង្រៀនមនុស្សឱ្យចេះអភិវឌ្ឍខ្លួនឯង
អ្នកទស្សនវិជ្ជាពុទ្ធសាសនាបានលើកឡើងថា ព្រះពុទ្ធសាសនាគឺជាប្រភពឬជាបណ្តុំនៃវិធីសាស្ត្រជាច្រើនដែលជួយយើងធ្វើការអភិវឌ្ឍនូវសក្តានុពលភាពជាមនុស្សឱ្យបានពេញលេញដោយមានការយល់ដឹងនូវធម្មជាតិនៃសភាវៈពិតដោយខ្លួនឯងតាមរយៈទ្រឹស្តីពុទ្ធសាសនាដ៏ជ្រាលជ្រៅ ។ ព្រះពុទ្ធសាសនាបានកើតឡើងអស់រយៈពេលជាង២៥៦០ឆ្នាំកន្លងមកហើយដោយក្សត្រមួយព្រះអង្គព្រះនាមព្រះសិទ្ធត្ថៈត្រាស់ដឹងនូវធម៌ពិតគឺអរិយសច្ចៈ៤ជាធម៌នាំឱ្យសព្វសត្វរួចចាកទុក្ខទាំងពួង ហើយចាប់តាំងពីពេលនោះមកត្រូវបានអ្នកកាន់ព្រះពុទ្ធសាសនាគោរពបង្គំក្សត្រាអង្គនោះថាជាព្រះពុទ្ធដរាបមក ។ ព្រះពុទ្ធសាសនាបានផ្សព្វផ្សាយដល់ទូទាំងទ្វីបអាស៊ីហើយនៅក្នុងពេលបច្ចុប្បន្ននេះព្រះពុទ្ធសាសនាគឺជាសាសនាចម្បងលំដាប់ទីបីនៅលើសកលលោកផងដែរ ។ ព្រះពុទ្ធអង្គបានចំណាយពេលវេលាអស់មួយជីវិតព្រះអង្គដើម្បីបង្រៀននូវវិធីសាស្ត្រជាច្រើននៃការត្រាស់ដឹងរបស់ព្រះអង្គដល់មនុស្សលោកឱ្យបានយល់ពីខ្លឹមសារពិតនៃព្រះធម៌ហើយអាចត្រាស់ដឹងក្លាយជាព្រះពុទ្ធបានដោយខ្លួនឯង ។…
ចែករំលែកព័តមាននេះ