សន្តិសុខឮសំឡេងលាន់ដូចរន្ទះ លុះមើលក្រោមស្ពានបាឡេ ឃើញសាឡង់ដឹកខ្សាច់ផ្អើ.ល
- ភ្នំពេញ
រាជធានីភ្នំពេញ ៖ សាឡង់ដឹកខ្សាច់ធុនយក្សមួយគ្រឿងដឹកខ្សាច់ពេញសាឡង់ធ្វើដំណើរឆ្លងកាត់ក្រោមស្ពានដែកបាឡេ ដែលមាន
រាជធានីភ្នំពេញ ៖ សាឡង់ដឹកខ្សាច់ធុនយក្សមួយគ្រឿងដឹកខ្សាច់ពេញសាឡង់ធ្វើដំណើរឆ្លងកាត់ក្រោមស្ពានដែកបាឡេ ដែលមាន
រាជធានីភ្នំពេញ ៖ សាឡង់ដឹកខ្សាច់ធុនយក្សមួយគ្រឿងដឹកខ្សាច់ពេញសាឡង់ធ្វើដំណើរឆ្លងកាត់ក្រោមស្ពានដែកបាឡេ ដែលមានទឹកហូរខ្លាំង កាច់ចង្កូតមិនឈ្នះ បណ្តាលអោយសាឡង់កៀរបង្គោលស្ពានធ្វើអោយវៀចរងការខូចខាត ចំណែកសាឡង់ដឹកខ្សាច់ ក្រពិត និងឆ្កូតតួសាឡង់អស់មួយចំហៀង តែមិនបង្កឲ្យមានអ្នករងរបួសនោះទេ ។
ហេតុការណ៍ខាងលើនេះបានកើតឡើងកាលពីវេលាម៉ោង7និង30នាទីយប់ថ្ងៃទី1 ខែធ្នូ ឆ្នាំ2021 នៅចំណុចក្រោមស្ពានដែកបាឡេ តាមបណ្ដោយដងទន្លេសាប ស្ថិតក្នុងសង្កាត់ជ្រោយចង្វារ ខណ្ឌជ្រោយចង្វារ រាជធានីភ្នំពេញ។
តាមប្រភពពីសន្តិសុខយាមនៅក្នុងក្រុមហ៊ុន នៅក្បែរច្រាំងទន្លេកើតហេតុ បានឱ្យដឹងថា ពួកគាត់បានឮសំឡេងប៉ះទង្គិចលាន់សូរដូចរន្ទះនៅក្រោមស្ពានដែកបាឡេ ។ ភ្លាមៗនោះពួកគាត់ ក៏ចុះមកពិនិត្យមើល ឃើញសាឡង់ដឹកខ្សាច់បើកឆ្លងកាត់ក្រោមស្ពាននោះ សង្ស័យក៏រាយការណ៍ប្រាប់សមត្ថកិច្ចមូលដ្ឋាន និងអាជ្ញាធរពាក់ព័ន្ធជួយឃាត់សាឡង់ដឹកខ្សាច់នោះសួរនាំ ។ បន្ទាប់ពីបង្កហេតុ សាឡង់ដឹកខ្សាច់ខាងលើ បានបន្តដំណើរមកហួសស្ពានជ្រោយចង្វាបន្តិច ក៏ឈប់សាឡង់ នៅកណ្ដាលទន្លេ ពេលសមត្ថកិច្ចចុះត្រួតពិនិត្យឃើញមានស្នាមប៉ះទង្គិច ក៏ឃាត់សាឡង់នោះបណ្តោះអាសន្នសិន ។
យោងតាមប្រភពពីអ្នកបើកសាឡង់បានរាយការណ៍ប្រាប់សមត្ថកិច្ចអោយដឹងថា មុនពេលកើតហេតុ គាត់បើកសាឡង់ដែលមានដឹកខ្សាច់ពេញសាឡង់ ធ្វើដំណើរតាមបណ្ដោយដងទន្លេសាប ក្នុងទិសដៅពីជើងទៅត្បូង ឆ្លងកាត់ក្រោមស្ពានដែកបាឡេដោយស្ថានភាពទឹកហូរខ្លាំង គាត់កាច់ចង្កូតមិនឈ្នះ បណ្តាលឲ្យសាឡង់ទៅកៀរនឹងបង្គោលស្ពានយ៉ាងពេញទំហឹង តែប៉ះត្រូវនិង ពោងសុវត្ថិភាព ការពារបង្គោលស្ពានបណ្តាលឲ្យខូចខាតតិចតួច ចំណែកសាឡង់គាត់ឆ្កូតក្រពិតមួយចំហៀងខាងស្ដាំតិចតួច ។ បន្ទាប់ពីកើតហេតុភ្លាមៗ សាឡង់មិនទាន់អស់ល្បឿនក៏បន្តទៅមុខរហូតហួសស្ពានជ្រោយចង្វាបន្តិច ទើបពួកគាត់បញ្ជាអោយឈប់ដើម្បីដោះស្រាយជាមួយសមត្ថកិច្ខពាក់ព័ន្ធ។
ក្រោយកើតហេតុ សមត្ថកិច្ចបានសម្រេចផ្អាកដំណើរការលើស្ពានដែកបាឡេបណ្តោះអាសន្នដើម្បីធានាសុវត្ថិភាពជូនប្រជាពលរដ្ឋ រង់ចាំខាងជំនាញចុះត្រួតពិនិត្យសិន ទើបសម្រេចជាថ្មីម្តងទៀត ។ ចំណែកសាឡង់ ត្រូវសមត្ថកិច្ចឃាត់ និងផ្អាកដំណើរការ
បណ្តោះអាសន្ន រង់ចាំដោះស្រាយសងកាខូចខាតនៅពេលក្រោយ ៕
ចែករំលែកព័តមាននេះ