តែមួយខែកងទ័ពចិនវាយលុកតំបន់តៃវ៉ាន់ដល់ទៅ១៥៩លើកដោយយន្តហោះចម្បាំង
បណ្ដាទិន្នន័យដែលថា បណ្ដាយន្តហោះរបស់កងទ័ពចិនក្នុងខែវិច្ឆិកា បានហោះលុកលុយចូលក្នុងតំបន់ការពារអាកាសតៃវ៉ាន់ ដល់ទៅ១៥៩លើក ពេលកំពុងមានការគាបសង្កត់ខាង
បណ្ដាទិន្នន័យដែលថា បណ្ដាយន្តហោះរបស់កងទ័ពចិនក្នុងខែវិច្ឆិកា បានហោះលុកលុយចូលក្នុងតំបន់ការពារអាកាសតៃវ៉ាន់ ដល់ទៅ១៥៩លើក ពេលកំពុងមានការគាបសង្កត់ខាង
ប្រទេសចិន ៖ ទីភ្នាក់ងារព័ត៌មានបារាំង AFP បានចេញផ្សាយកាលពីថ្ងៃទី១ ខែធ្នូ ឆ្នាំ២០២១ បណ្ដាទិន្នន័យដែលថា បណ្ដាយន្តហោះរបស់កងទ័ពចិនក្នុងខែវិច្ឆិកា បានហោះលុកលុយចូលក្នុងតំបន់ការពារអាកាសតៃវ៉ាន់ ដល់ទៅ១៥៩លើក ពេលកំពុងមានការគាបសង្កត់ខាងយោធាកាន់តែខ្លាំងរបស់ក្រុងប៉េកាំងលើតៃវ៉ាន់។
តាមសេចក្ដីរាយការណ៍នោះថា ខែវិច្ឆិកា ជាខែទី៣ ជាប់ៗគ្នាដែលយន្តហោះចម្បាំងចិន ជាង១០០ក្រឿងហោះចូលដែនអាកាសដ៏រសើបនេះ។ ក្នុងចំណោមយន្តហោះទាំងនេះ មានយន្តហោះប្រដេញ១០០គ្រឿង យន្តហោះទម្លាក់គ្រាប់បែកយុទ្ធសាស្ត្រធុន H6 មានសមត្ថភាពនុយក្លេអ៊ែរ៩គ្រឿង។ រយៈពេល១៤ខែចុងក្រោយនេះ ការគំរា.មកំហែងមានដល់កម្រិតកំពូលថ្មី បន្ទាប់ពីចិនចាប់ផ្ដើម បញ្ជូនយន្តហោះកាន់តែច្រើនទៅកាន់តំបន់ការពារអាកាសតៃវ៉ាន់។
ការបង្កើនការគាបសង្កត់តាមអាកាសនោះរបស់ក្រុងប៉េកាំងចំពោះតៃវ៉ាន់ ក៏បង្កើនការបារម្ភរបស់បណ្ដាសម្ព័ន្ធមិត្តលោកខាងលិច ដូចជាសហរដ្ឋអាមេរិក និងជប៉ុនជាដើម ដែលសង្ស័យថា ចិនអាចលុកលុយតៃវ៉ាន់ដែលខ្លួនចាត់ទុកថា ជាអាណាខេត្តមួយរបស់ខ្លួន។ កាលពីថ្ងៃទី៣០ វិច្ឆិកា មន្ទីរប៉ង់តាហ្គោន ក៏បានលាតត្រដាងពីផែនការនានា ដែលសំដៅពង្រឹងការដាក់ពង្រាយទ័ព និងបង្កើតមូលដ្ឋាននានាប្រឆាំងចិន ដោយធ្វើឲ្យទំនើប និងពង្រីកបណ្ដាទីតាំងយោធានៅកោះហ្គាមនិងនៅអូស្ត្រាលី៕ ដកស្រង់ចេញពីវេបសាយ ៖ yahoo
ចែករំលែកព័តមាននេះ