អង្ករ ស្រូវ ផ្តល់ចំណូលឱ្យកម្ពុជាបានជាង ១ ពាន់លានដុល្លារអាមេរិកជិតមួយឆ្នាំមកនេះ
- ភ្នំពេញ
រាជធានីភ្នំពេញ ៖ គិតត្រឹមរយៈពេល ១១ ខែក្នុងឆ្នាំ ២០២១ នេះកម្ពុជា បាននាំអង្ករ និងស្រូវទៅក្រៅប្រទេសសរុបបានជាង ៣,៦…
រាជធានីភ្នំពេញ ៖ គិតត្រឹមរយៈពេល ១១ ខែក្នុងឆ្នាំ ២០២១ នេះកម្ពុជា បាននាំអង្ករ និងស្រូវទៅក្រៅប្រទេសសរុបបានជាង ៣,៦…
រាជធានីភ្នំពេញ ៖ គិតត្រឹមរយៈពេល ១១ ខែក្នុងឆ្នាំ ២០២១ នេះកម្ពុជា បាននាំអង្ករ និងស្រូវទៅក្រៅប្រទេសសរុបបានជាង ៣,៦ លានតោន បើគិតជាសាច់ប្រាក់ ពោលគឺកម្ពុជាទទួលបានចំណូលពីការនាំចេញនូវកសិផលទាំងពីរប្រភេទនេះមានជាង ១.០០១ លានដុល្លារអាមេរិក ។
អគ្គនាយកដ្ឋានកសិកម្ម ក្រសួងកសិកម្មបានឱ្យដឹងថា ក្នុងរយៈពេល ១១ ខែ ឆ្នាំ ២០២១ នេះកម្ពុជាបានការនាំចេញអង្ករក្នុងបរិមាណចំនួន ៥៣២.១៧៩ តោន មានការថយចុះចំនួន ១១,៤៦% បើធៀបនឹងបរិមាណនាំចេញក្នុងរយៈពេល ១១ ខែឆ្នាំ ២០២០ ដែលមានចំនួន ៦០១ ០៤៥ តោន និងការនាំចេញស្រូវមានជាង ៣,១ លានតោន ទៅកាន់ប្រទេសវៀតណាម (មានវិញ្ញាបនបត្រភូតគាមអនាម័យចំនួន ១,៩ លានតោន) ដែលមានការកើនឡើងចំនួន ១,៣ លានតោន ឬស្មើ ៧៥,៧៥% បើធៀបនឹងរយៈពេលដូចគ្នានៅឆ្នាំ ២០២០ ដែលមានចំនួន ១,៧ លានតោន ។
បើយោងតាមរបាយការណ៍ ក្នុងរយៈពេល ១១ ខែឆ្នាំ ២០២១ នេះកម្ពុជាបាននាំចេញអង្ករក្រអូបគ្រប់ប្រភេទមានចំនួន ៣៨៩. ៩១២ តោន ស្មើនឹង ៧៣,២៧% ។ អង្ករសគ្រប់ប្រភេទមានចំនួន ១៣២.៦៧៥ តោន ស្មើនឹង ២៤,៩៣% និងអង្ករចំហុយមានចំនួន ៩.៥៩២ តោន ស្មើនឹង ១,៨០% ។
នាំចេញទៅកាន់ទិសដៅសហភាពអឺរ៉ុបចំនួន ២២ ប្រទេស មានបរិមាណសរុបចំនួន ១៣៤.៤៣៨ តោន (ថយចុះ ២៨,៦៦%), ទិសដៅប្រទេសចិនមានបរិមាណសរុបចំនួន ២៦៥.២៤៤ តោន កើនឡើងជាង ១២% , ទិសដៅអាស៊ានចំនួន ៧ ប្រទេស មានបរិមាណសរុបចំនួន ៥៤. ៣៥០ តោនថយចុះជាង ៣០% និងទិសដៅដទៃទៀតចំនួន ២៤ ប្រទេស មានបរិមាណសរុប ៧៨.១៤៧ តោន ថយចុះជាង ២១% ។
ការនាំចេញអង្ករទៅខាងក្រៅប្រទេស កម្ពុជាមាន ៦១ ក្រុមហ៊ុន ហើយបរិមាណអង្ករដែលបាននាំចេញដោយក្រុមហ៊ុនធំៗចំនួន ១០ មានរហូតដល់ ៣៩៣.១៣១ តោនស្មើ ៧៣,៨៨% និងក្រុមហ៊ុន ៥១ ដទៃទៀតបាននាំចេញត្រឹមតែ ១៣៩.០៤៨ តោន ឬស្មើប្រមាណ ២៦,១២% ។ តាមការវាយតម្លៃថា រយៈពេល ១១ ខែមកនេះ ការនាំចេញអង្ករមានជាង ៤៥៤ លានដុល្លារអាមេរិក និងការនាំចេញស្រូវមានជាង ៥៤៦ លានដុល្លារអាមេរិក ៕
ចែករំលែកព័តមាននេះ