អាសន្នធំ! កីឡាករ១៣នាក់នៅលីគកំពូលព័រទុយហ្គាល់ ឆ្លងកូវីដបំប្លែងថ្មី «អូមីក្រុង»
លីសបោន ៖ កីឡាករ១៣នាក់ របស់ក្រុមបាល់ទាត់ Belenenses នៅលីគកំពូលព័រទុយហ្គាល់ (Primeira Liga) ធ្វើតេស្តវិជ្ជមានកូវីដ
លីសបោន ៖ កីឡាករ១៣នាក់ របស់ក្រុមបាល់ទាត់ Belenenses នៅលីគកំពូលព័រទុយហ្គាល់ (Primeira Liga) ធ្វើតេស្តវិជ្ជមានកូវីដ
លីសបោន ៖ កីឡាករ១៣នាក់ របស់ក្រុមបាល់ទាត់ Belenenses នៅលីគកំពូលព័រទុយហ្គាល់ (Primeira Liga) ធ្វើតេស្តវិជ្ជមានកូវីដ១៩ បំប្លែងថ្មី «អូមីក្រុង» (Omicron)។
ដោយសារមានកីឡាករឆ្លងកូវីដ បានធ្វើឱ្យក្រុម Belenenses មានកីឡាករត្រឹមតែ៩នាក់ប៉ុណ្ណោះ ធ្វើការប្រកួតតទល់នឹងក្រុមភ្ញៀវ Benfica កាលពីថ្ងៃសៅរ៍សប្តាហ៍មុន។ ប៉ុន្តែជំនួបនេះ ត្រូវបញ្ឈប់នៅក្នុងតង់ទី២ នៅពេលក្រុមភ្ញៀវនាំមុខ ៧-០ បន្ទាប់ពីក្រុម Belenenses សល់គ្នាត្រឹម៦នាក់ ដោយសារកីឡាករ២នាក់រងរបួស និងគ្មានកីឡាករប្តូរចូលជំនួស។
ដោយឡែកយោងតាមប្រភពពី BBC ចេញផ្សាយកាលពីថ្ងៃទី២៩ ខែវិច្ឆិកា បានឱ្យដឹងថា ឥឡូវនេះ រឿងដ៏ភ្ញាក់ផ្អើលបានកើតឡើង ដោយវិទ្យាស្ថានសុខភាពជាតិរបស់ព័រទុយហ្គាល់ (INSA) បញ្ជាក់ថា កីឡាករ១៣នាក់ និងបុគ្គលិក៤នាក់ របស់ក្រុម Belenenses បានធ្វើតេស្តវិជ្ជមានកូវីដទម្រង់ថ្មី «អូមីក្រុង» ដ៏សាហាវបំផុតនាពេលបច្ចុប្បន្ន ដែលលេចចេញដំបូងនៅអាហ្វ្រិកខាងត្បូងសប្តាហ៍មុន។
ប្រភពដដែលបានបន្តថា ខ្សែការពារ Cafu Phete ជាកីឡាករម្នាក់ក្នុងចំណោមកីឡាករផ្សេងទៀត ដែលតេស្តវិជ្ជមាន កាលពីពេលថ្មីៗនេះ បន្ទាប់ពីត្រឡប់មកពីអាហ្វ្រិកខាងត្បូងវិញ ក្រោយបញ្ចប់ភារកិច្ចជាក្រុមជម្រើសជាតិ។
អ្នកនាំពាក្យក្លិប Belenenses បានប្រាប់ Reuters ថា បច្ចុប្បន្នកីឡាករ និងបុគ្គលិកចំនួន៤៤នាក់កំពុងធ្វើចត្តាឡីស័ក ខណៈអ្នកឆ្លងភាគច្រើនមិនបានបង្ហាញរោគសញ្ញានោះទេ។
ទាំងក្លិប Benfica និង Belenenses បានរិះគន់លីគបាល់ទាត់ព័រទុយហ្គាល់ និងអគ្គនាយកដ្ឋានសុខភាព (DGS) ចំពោះការមិនសម្រេចចិត្តផ្អាកការប្រកួតលីគ ចំពេលមានការព្រួយបារម្ភយ៉ាងខ្លាំងពាក់ព័ន្ធនឹងវីរុសបំប្លែងថ្មី «អូមីក្រុង» នៅទូទាំងពិភពលោក៕
ចែករំលែកព័តមាននេះ