Messi ឈ្នះ Ballon d’Or លើកទី៧ ខណៈ Putellas ឈ្នះលើកដំបូងក្នុងអាជីព
បារាំង ៖ កីឡាករ Lionel Messi និងកីឡាការិនី Alexia Putellas បានឈ្នះពានរង្វាន់ Ballon d’Or ប្រចាំឆ្នាំ ២០២១ ដែលប្រព្រឹត្តិទៅ
បារាំង ៖ កីឡាករ Lionel Messi និងកីឡាការិនី Alexia Putellas បានឈ្នះពានរង្វាន់ Ballon d’Or ប្រចាំឆ្នាំ ២០២១ ដែលប្រព្រឹត្តិទៅ
បារាំង ៖ កីឡាករ Lionel Messi និងកីឡាការិនី Alexia Putellas បានឈ្នះពានរង្វាន់ Ballon d’Or ប្រចាំឆ្នាំ ២០២១ ដែលប្រព្រឹត្តិទៅនៅឯសាលមហោស្រព du Chatelet ទីក្រុងប៉ារីស ប្រទេសបារាំង កាលពីយប់រំលងអាធ្រាត្រថ្ងៃទី២៩ ឈានចូលថ្ងៃទី៣០ ខែវិច្ឆិកា ឆ្នាំ២០២១។
Lionel Messi ឈ្នះពានកីឡាករបាល់ទាត់ល្អបំផុតលើលោក Ballon d’Or ប្រចាំឆ្នាំ ២០២១ និងជាលើកទី៧ (២០០៩, ២០១០, ២០១១, ២០១២, ២០១៥, ២០១៩ និង ២០២១) កំណត់ត្រាអ្នកឈ្នះច្រើនបំផុតក្នុងប្រវត្តិសាស្ត្រ។ បន្ទាប់ពីខ្សែប្រយុទ្ធចំណូលថ្មីក្រុម PSG វ័យ៣៤ឆ្នាំរូបនេះ បានឈ្នះការបោះឆ្នោត ដោយនាំមុខខ្សែប្រយុទ្ធ Robert Lewandowski របស់ Bayern Munich នៅលេខ២ និងខ្សែបម្រើ Jorginho របស់ Chelsea នៅលេខ៣។
ចំណែកលេខ៤ បានលើខ្សែប្រយុទ្ធ Karim Benzema របស់ Real Madrid និងលេខ៥ ខ្សែបម្រើ N’Golo Kante របស់ Chelsea ខណៈខ្សែប្រយុទ្ធ Cristiano Ronaldo របស់ក្រុម Manchester United ដែលធ្លាប់ឈ្នះពាននេះ ចំនួន៥ដង ស្ថិតនៅលេខ៦។
Messi បានជួយអាហ្សង់ទីនឈ្នះជើងឯក Copa America ហើយបានស៊ុតបញ្ចូលទី៤០គ្រាប់ក្នុងឆ្នាំ២០២១ ដោយក្នុងនោះ ២៨គ្រាប់ជាមួយ Barcelona, ៤គ្រាប់ជាមួយ PSG និង៨គ្រាប់ជាមួយក្រុមជម្រើសជាតិ។
ងាកមកកាន់ Alexia Putellas ខ្សែបម្រើក្រុម Barcelona វិញ បានឈ្នះពានកីឡាការិនីបាល់ទាត់ល្អបំផុតលើលោក Ballon d’Or ប្រចាំឆ្នាំ ២០២១ និងជាលើកដំបូងក្នុងអាជីពរបស់នាង។ បន្ទាប់ពីឈ្នះការបោះឆ្នោតនាំមុខមិត្តរួមក្រុមខ្លួន គឺខ្សែប្រយុទ្ធ Jennifer Hermoso នៅលេខ២ និងខ្សែប្រយុទ្ធ Sam Kerr របស់ Chelsea នៅលេខ៣។
ខ្សែបម្រើអេស្ប៉ាញ Putellas វ័យ២៧ឆ្នាំ បានឈ្នះជើងឯកលីគ (Primera División) និង Champions League ជាមួយ Barcelona ក្នុងឆ្នាំនេះ។ នាងគឺជាខ្សែបម្រើដែលស៊ុតបាល់បញ្ចូលទីច្រើនជាងគេនៅអឺរ៉ុប ដោយរកបាន២៦គ្រាប់ គ្រប់ការប្រកួតទាំងអស់កាលពីរដូវកាលមុន។
គួរបញ្ជាក់ថា Ballon d’Or ត្រូវបានបង្កើតឡើងដោយទស្សនាវដ្តីបារាំង France Football ដើម្បីប្រគល់ជូនកីឡាករ និងកីឡាការិនីបាល់ទាត់ល្អបំផុតប្រចាំឆ្នាំ។ ដោយត្រូវឆ្លងកាត់ការបោះឆ្នោតពីអ្នកកាសែតជំនាញ១៨០រូប។ ទោះយ៉ាងណា កាលពីឆ្នាំ ២០២០ ពានរង្វាន់មួយនេះ ត្រូវបានរំសាយចោល ដោយសារតែការរាតត្បាតខ្លាំងនៃជំងឺកូវីដ១៩៕ (ដកស្រង់ចេញពី BBC និង The Guardian)
ចែករំលែកព័តមាននេះ