អង្គការសុខភាពពិភពលោកព្រមានពីការឆ្លងរីករាលដាលវីរុសបំប្លែងថ្មីជុំវិញពិភពលោក
WHO ៖ អង្គការសុខភាពពិភពលោក (WHO) បានព្រមានថា វីរុសបំប្លែងថ្មី Omicron កំពុងបង្កហានិភ័យខ្ពស់នៃការឆ្លងរីក
WHO ៖ អង្គការសុខភាពពិភពលោក (WHO) បានព្រមានថា វីរុសបំប្លែងថ្មី Omicron កំពុងបង្កហានិភ័យខ្ពស់នៃការឆ្លងរីក
WHO ៖ អង្គការសុខភាពពិភពលោក (WHO) បានព្រមានថា វីរុសបំប្លែងថ្មី Omicron កំពុងបង្កហានិភ័យខ្ពស់នៃការឆ្លងរីករាលដាលជុំវិញពិភពលោក និងអាចបង្កឲ្យមានផលវិបាកធ្ងន់ធ្ងរនៅក្នុងតំបន់មួយចំនួន។
លោក Tedros Adhanom Ghebreyesus ប្រធានអង្គការសុខភាពពិភពលោកកាលពីថ្ងៃច័ន្ទម្សិលមិញនេះ បន្តអំពាវនាវឲ្យមានការជំរុញជាសកលដើម្បីឲ្យប្រទេសក្រីក្រទទួលបានវ៉ាក់សាំង ដោយលោកលើកឡើងថា កូវីដ ១៩មិនទាន់ចប់ជាមួយយើងនោះទេ។
វីរុសបំប្លែងថ្មី Omicron ត្រូវបានរកឃើញនៅក្នុងប្រទេសអាហ្វ្រិចខាងត្បូងកាលពីដើមខែនេះ ដោយភស្ថុតាងដំបូងបានបង្ហាញថាវាមានហានិភ័យខ្ពស់ក្នុងការរឆ្លងរីករាលដាលខ្លាំង។ អាហ្វ្រិចខាងត្បូងបានរាយការណ៍ពីវីរុសបំប្លែងថ្មីទៅកាន់អង្គការសុខភាពពិភពលោកកាលពីថ្ងៃទី ២៤ ខែវិច្ឆការកន្លងទៅនេះ។
វីរុសបំប្លែងថ្មីនេះ ត្រូវបានរកឃើញនៅក្នុងប្រទេសមួយចំនួនដូចជា កាណាដា ចក្រភពអង់គ្លេស ព័រទុយហ្គាល់ ប៊ែលហ្សិក និងហូឡង់ជាដើម។
សូមបញ្ជាក់ថា ប្រទេសជាច្រើនបានដាក់អាហ្វ្រិចខាងត្បូង និងប្រទេសចំនួន ៧ទៀតក្នុងតំបន់អាហ្វ្រិចចូលក្នុងបញ្ជីខ្មៅ ដោយហាមប្រាមអ្នកដំណើរមកពីប្រទេសទាំងនោះ ក្រោយពេលអ្នកវិទ្យាសាស្ត្រអាហ្វ្រិចខាងត្បូងបានរកឃើញវីរុសបំប្លែងថ្មី ដែលអាចឆ្លងរីករាលដាលយ៉ាងលឿន និងធន់នឹងវ៉ាក់សាំង។
ប៉ុន្តែប្រធានាធិបតីអាហ្វ្រិចខាងត្បូងបានហៅការរឹតបន្តឹងនោះជាការរើសអើ.ងប្រឆាំងអាហ្វ្រិចខាងត្បូង និងប្រទេសក្នុងតំបន់អាហ្វ្រិច។ លោកក៏បានអំពាវនាវឲ្យមានការលុបចោលបម្រាមនោះជាបន្ទាន់។
ចាប់តាំងពីមានការផ្ទុះវីរុសកូវីដ ១៩ចេញពីប្រទេសចិនចុងឆ្នាំ ២០១៩ រហូតដល់បច្ចុប្បន្ន អាហ្វ្រិចខាងត្បូងមានអ្នកឆ្លងសរុបជាង ២,៩៦លាននាក់ និងអ្នកស្លា.ប់ជិត ៩០.០០០នាក់។ អាហ្វ្រិចខាងត្បូងមានប្រជាជនជាង ៦០លាននាក់។
នៅអាហ្វ្រិចខាងត្បូង ពលរដ្ឋប្រមាណ២៤ភាគរយប៉ុណ្ណោះ ទទួលបានការចាក់វ៉ាក់សាំងពេញលេញ ដែលការឆ្លងរីករាលដាលខ្លាំងអាចនឹងកើតមាននៅទីនោះ៕ (យោងតាមប្រភព៖ BBC)
ចែករំលែកព័តមាននេះ