ខេត្តកំពង់ឆ្នាំង ៖ នៅវេលាម៉ោងប្រមាណ៧ព្រឹកថ្ងៃទី២៩ ខែវិច្ឆិកា មានរថយន្តជាច្រើនគ្រឿងរបស់ក្រុមការងារអន្តរក្រសួង និងអាជ្ញាធរខេត្តព្រមទាំងមន្ត្រីជំនាញក្នុងខេត្ត បានតម្រង់ជួរគ្នាចុះសាឡាង ឆ្ពោះទៅស្រុកកំពង់លែង ហើយបានបន្តដំណើរដល់ចំណុចភូមិសាស្ត្រ គោកព្រះ…
ខេត្តកំពង់ឆ្នាំង ៖ នៅវេលាម៉ោងប្រមាណ៧ព្រឹកថ្ងៃទី២៩ ខែវិច្ឆិកា មានរថយន្តជាច្រើនគ្រឿងរបស់ក្រុមការងារអន្តរក្រសួង និងអាជ្ញាធរខេត្តព្រមទាំងមន្ត្រីជំនាញក្នុងខេត្ត បានតម្រង់ជួរគ្នាចុះសាឡាង ឆ្ពោះទៅស្រុកកំពង់លែង ហើយបានបន្តដំណើរដល់ចំណុចភូមិសាស្ត្រ គោកព្រះ ក្នុងឃុំច្រណូក ស្រុកកំពង់លែង ដែលជាចំណុចក្តៅព្រោះព្រៃលិចទឹករាប់ពាន់ហិកតា បានរងការកាប់បំផ្លាញយកធ្វើកម្មសិទ្ឋិឯកជន ។
នៅព្រឹកថ្ងៃដដែលនោះដែរ ស្ថិតនៅសាលាខេត្តកំពង់ឆ្នាំង គឺមានវត្តមានរបស់ឯកឧត្តម ជា សុផារ៉ា ឧបនាយករដ្ឋមន្ត្រី រដ្ឋមន្ត្រីក្រសួងរៀបចំដែនដីនគរូបនីយកម្ម និងសំណង់ បានដឹកនាំមន្ត្រីជាន់ខ្ពស់ជាច្រើនរូប និងអាជ្ញាធរខេត្ត រួមនិងមន្ត្រីជំនាញ ពាក់ព័ន្ឋក្នុងខេត្តប្រជុំបន្ទាន់មួយ ដើម្បីចេញប្រតិបត្តការបង្ក្រាបការរុករានដីព្រៃលិចទឹក រាប់ពាន់ហិកតា នៅស្រុកកំពង់លែងជាបឋម ហើយនឹងបន្តទៅតាមស្រុក និងខេត្តមួយចំនួនទៀត នៅជុំវិញបឹងទន្លេសាប។ សូមរំលឹកថា៖ លោក ជា សុផារ៉ា ដឹកនាំកិច្ចប្រជុំបន្ទាន់ ដើម្បីចាត់វិធានការទប់ស្កាត់ និងបង្ក្រាបបន្ទាន់នូវការកាប់ព្រៃលិចទឹក និងទន្ទ្រានដីបឹងទន្លេសាប
ក្រោយកិច្ចប្រជុំបញ្ចប់របស់ឯកឧត្តម ឧបនាយករដ្ឋមន្ត្រី រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ បានដឹកនាំក្រុមការងារអន្តរក្រសួង អភិបាលនៃគណៈអភិបាលខេត្ត និងមន្ត្រីពាក់ព័ន្ធជំវិញខេត្ត បើកយុទ្ធនាការបង្ក្រាប និងទប់ស្កាត់ចលនាកាប់ទន្ទ្រានឈូសឆាយដីព្រៃលិចទឹក នៅតំបន់ទន្លេសាប ពិសេសក្នុងភូមិសាស្ត្រខេត្តកំពង់ឆ្នាំង។
ក្រោយបញ្ចប់ការចុះត្រួតពិនិត្យនៅខេត្តកំពង់ឆ្នាំង នៅរសៀលថ្ងៃដដែលនេះ ឯកឧត្តម ឧបនាយករដ្ឋមន្ត្រី ជា សុផារ៉ា អមដំណើរដោយក្រុមការងារអន្តរក្រសួង នាយឧត្តមសេនីយ៍ សៅ សុខា មេបញ្ជាការអាវុធហត្ថលើផ្ទៃប្រទេស នាយឧត្តមសេនីយ៍ ហ៊ូ សាគុណ អគ្គស្នងការរងនគរបាលជាតិ និងថ្នាក់ដឹកនាំពាក់ព័ន្ធជាច្រើននាក់ផ្សេងទៀត បានធ្វើដំណើរទៅខេត្តកំពង់ធំ ដើម្បីចុះស្រាវជ្រាវបន្តទៀតចំពោះបទល្មើសនេះ។
សូមរលឹកថា សម្តេចអគ្គមហាសេនាបតី តេជោ ហ៊ុន សែន នាយករដ្ឋមន្ត្រីនៃកម្ពុជា កាលពីរសៀលថ្ងៃទី២៨ ខែវិច្ឆិកា ឆ្នាំ២០២១ម្សិលមិញ បានចេញសារជាសម្លេងបញ្ជាយ៉ាងម៉ឺងម៉ាត់ ឱ្យក្រសួងស្ថាប័នពាក់ព័ន្ធ និងអភិបាលខេត្តជាប់បឹងទន្លេសាប ត្រូវធ្វើការទប់ស្កាត់ និង បង្ក្រាបជាបន្ទាន់ចំពោះការលួចកាប់ព្រៃលិចទឹក និងវាទទីយកដីនៅតាមបឹងទន្លេសាប ជាពិសេសនៅខេត្តកំពង់ឆ្នាំងតែម្តង។
សម្រាប់ខេត្តកំពង់ឆ្នាំង ក្រោយពីបទបញ្ជារយ៉ាងម៉ឹងម៉ាត់ របស់សម្តេច តេជោ ហ៊ុន សែន ធ្វើឱ្យប្រជាពលរដ្ឋ មន្ត្រីរាជការ មានសេចក្តីរីករាយសប្បាយចិត្ត ព្រោះបទល្មើសកាប់ទន្ទ្រានដីព្រៃលិចទឹកនេះ បានបំផ្លាញ ដល់ជីវចម្រុះ ជម្រកត្រីពងកូន ក៍ដូចជាបំផ្លាញ ការបន្តពូជត្រីគ្រប់ប្រភេទផងដែរ។ ចំណែក អ្នកប្រព្រឹត្តបទល្មើសទាំងនេះ មិនមែនប្រជាពលរដ្ឋក្រីក្រអាចធ្វើទៅបានទេ គឺសុទ្ឋតែអ្នកមានអំណាច មានសក្តិយស លើស្មា ទើបអាចធ្វើទៅបាន ។
ប្រជាពលរដ្ឋ ភាគច្រើនរស់តាមដងទន្លេ បានបញ្ជាក់ថា៖ ភូមិសាស្ត្រដែលរងការកាប់បំផា្លញព្រៃលិចទឹក ក្នុងខេត្តកំពង់ឆ្នាំងមាន៖ ឃុំច្រណូក និង ឃុំផ្លូវទូក ក្នុងស្រុកកំពង់លែង , ឃុំឆ្នុកទ្រូ និងឃុំខុនរ៉ង ក្នុងស្រុកបរិបូណ៌ និងឃុំពាមឆ្កោក ស្រុកជល
គីរី ៕ សូមរំលឹក៖ សម្តេចតេជោ ព្រមានដកហូត រឹបអូសទ្រព្យ និងចាប់ខ្លួនមន្ត្រី អ្នកពាក់ព័ន្ធ ដែលរំលោភដីព្រៃលិចទឹកបឹងទន្លេសាប បើមិនចេញមកសារភាព
ចែករំលែកព័តមាននេះ