អ្នកទោសកូរ៉េខាងជើងម្នាក់ហែកគុករត់អស់ជាង៤០ថ្ងៃ ត្រូវអាជ្ញាធរចិនចាប់បានវិញហើយ
កូរ៉េខាងជើង ៖ អ្នកទោសកូរ៉េខាងជើងម្នាក់ត្រូវបានអាជ្ញាធរចិនចាប់បានវិញ ក្រោយពេលហែកគុក និងរត់គេចអស់រយៈពេល
កូរ៉េខាងជើង ៖ អ្នកទោសកូរ៉េខាងជើងម្នាក់ត្រូវបានអាជ្ញាធរចិនចាប់បានវិញ ក្រោយពេលហែកគុក និងរត់គេចអស់រយៈពេល
កូរ៉េខាងជើង ៖ អ្នកទោសកូរ៉េខាងជើងម្នាក់ត្រូវបានអាជ្ញាធរចិនចាប់បានវិញ ក្រោយពេលហែកគុក និងរត់គេចអស់រយៈពេល ៤០ថ្ងៃ។ នេះបើតាមការចុះផ្សាយរបស់ BBC នៅរសៀលថ្ងៃច័ន្ទ ទី ២៩ ខែវិច្ឆិកា នេះ។
អ្នកទោសនោះមានវ័យ៣៩ឆ្នាំ និងមានឈ្មោះចិនថា Zhu Xianjian។ លោកត្រូវបានប៉ូលីសចិនចាប់ខ្លួនបានវិញកាលពីថ្ងៃអាទិត្យម្សិលមិញនេះ។
លោកត្រូវចាប់ខ្លួនដំបូងកាលពីឆ្នាំ ២០១៣ ក្រោយពេលហែលទឹកឆ្លងទន្លេមួយដែលខណ្ឌចែកកូរ៉េខាងជើងពីប្រទេសចិន និងបានឆ្មក់ចូលក្នុងផ្ទះអ្នកភូមិ ដោយបានលួចលុយ ទូរស័ព្ទ និងសំលៀកបំពាក់។ បុរសផ្តាច់ខ្លួនរូបនេះក៏បានចាក់ស្ត្រីម្នាក់ឲ្យរបួសផងដែរ បន្ទាប់ពីព្យាយាមរត់គេច មុនពេលត្រូវបានប៉ូលីសចាប់ខ្លួន។
Zhu Xianjiang ត្រូវបានតុលាការចិនកាត់ទោសឲ្យជាប់គុករយ់ពេល ៩ឆ្នាំពីបទឆ្លងដែនខុសច្បាប់ និងអំពើចោរកម្ម។ ហើយនៅពេលលោកសម្រេចចិត្តហែកគុករត់កាលពីជាង ១ខែមុន ការអនុវត្តន៍ទោសរបស់លោកនៅសល់ពីរឆ្នាំទៀត មុនបញ្ជូនត្រឡប់ទៅកាន់កូរ៉េខាងជើងវិញ។
អ្នកខ្លះបានលើកឡើងថា អ្នកទោសកូរ៉េខាងជើងរូបនោះ ហែកគុករត់ដើម្បីគេចពីការបញ្ជូនខ្លួនត្រឡប់ទៅកាន់កូរ៉េខាងជើងវិញ។
ការហែកគុករត់ដ៏ក្លាហានរបស់លោក បណ្តាលឲ្យមានការតាមប្រមាញ់គ្រប់ច្រកពីសំណាក់ប៉ូលីសចិន។ អាជ្ញាធរចិនថែមទាំងបានផ្តល់រង្វាន់ជាទឹកប្រាក់ជាង ១០០.០០០ដុល្លារទៀតផង សម្រាប់អ្នកផ្តល់ព័ត៌មានឈានដល់ការចាប់ខ្លួនអ្នកទោសរូបនោះត្រឡប់មកវិញ។
សូមរម្លឹកថា ចិនបានធ្វើការបញ្ជូនខ្លួនជនជាតិកូរ៉េខាងជើងដោយបង្ខំត្រឡប់ទៅកាន់ប្រទេសវិញ ទោះបីជាខ្លួនជាសមាជិកអនុសញ្ញាអង្គការសហប្រជាជាតិស្តីពីជនភៀសខ្លួនក្តី ដែលក្រោមអនុសញ្ញានេះ ប្រទេសជាសមាជិកមានកាតព្វកិច្ចមិនបញ្ជូនជនភៀសខ្លួនត្រឡប់ទៅវិញ ប្រសិនការបញ្ជូននោះអាចធ្វើឲ្យពួកគេប្រឈមនឹងការធ្វើទារុ.ណកម្ម និងការធ្វើទុក្ខបុកម្នេញ។
ប៉ុន្តែចិនមើលឃើញជនផ្តាច់ខ្លួនជាជនអន្តោប្រវេសន៍ខុសច្បាប់ជាជាងអ្នកភៀសខ្លួន។
កាលពីឆ្នាំ២០១៤ គណៈកម្មការស៊ើបអង្កេតរបស់អង្គការសហប្រជាជាតិបាននិយាយថា កូរ៉េខាងជើងទទួលខុសត្រូវលើការរំលោ.ភសិទ្ធិមនុស្ស ការរំលោ.ភបំពា.នសិទ្ធិ និងឧក្រិ.ដកម្មប្រឆាំងមនុស្សជាតិ៕ (យោងតាមប្រភព៖ BBC)
ចែករំលែកព័តមាននេះ