បាត់កម្មករម្នាក់ លុះដើររកតាមខ្សែភ្លើងតឆ.ក់ត្រី ក៏ប្រទះឃើញយ៉ាងរន្ធ.ត់ក្នុងវាលស្រែ
- ភ្នំពេញ
រាជធានីភ្នំពេញ ៖ បុរសពោះម៉ាយកូន១ម្នាក់ ជាកម្មករសំណង់ ឆ្លៀតពេលទំនេរពីការងារក៏បានតខ្សែភ្លើងរាយពីកន្លែងស្នាក់នៅ
រាជធានីភ្នំពេញ ៖ បុរសពោះម៉ាយកូន១ម្នាក់ ជាកម្មករសំណង់ ឆ្លៀតពេលទំនេរពីការងារក៏បានតខ្សែភ្លើងរាយពីកន្លែងស្នាក់នៅទៅកាន់វាលស្រែ ដើម្បីឆ.ក់ត្រីធ្វើម្ហូប ប៉ុន្តែជាអកុសលឆ្លងចរន្ត បណ្ដាលឲ្យឆ.ក់បាត់បង់ជីវិតនៅនឹងកន្លែង ។
ហេតុការណ៍ខាងលើនេះបានបង្កឲ្យមានការភ្ញាក់ផ្អើលកើតឡើងកាលពីវេលាម៉ោង២រសៀលថ្ងៃទី២៩ ខែវិច្ឆិកា ឆ្នាំ២០២១ នៅក្នុងភូមិព្រៃកី«ខ» សង្កាត់ភ្លើងឆេះរទេះ ខណ្ឌកំបូល រាជធានីភ្នំពេញ។
បុរសរងគ្រោះខាងលើឈ្មោះម៉េង និញ អាយុ៣០ឆ្នាំ មុខរបរកម្មករសំណង់ស្នាក់នៅក្នុងការដ្ឋានសំណង់ ហើយគាត់ជាពោះម៉ាយមានកូនប្រុសអាយុ៥ឆ្នាំម្នាក់ ស្នាក់នៅក្នុងការដ្ឋានសំណង់កើតហេតុខាងលើ និងមានស្រុកកំណើតនៅស្រុកដងទង់ ខេត្តកំពត។
តាមប្រភពពីកម្មករសំណង់នៅកន្លែងកើតហេតុបាននិយាយថា បុរសរងគ្រោះរូបនេះទើបតែមកធ្វើការនៅក្នុងការដ្ឋានសំណង់ខាងលើនេះបានរយៈពេលជាង១ខែប៉ុណ្ណោះ ។ ដោយឡែកនៅវេលាព្រឹកថ្ងៃកើតហេតុអត់មានការងារធ្វើគាត់បានរាយខ្សែភ្លើងតចេញពីរោងស្នាក់នៅក្នុងការដ្ឋានសំណង់ឆ.ក់ត្រីធ្វើម្ហូប ។ ខណៈនោះពុំមាននរណាបានដឹង និងនៅជាមួយគាត់ឡើយ ព្រោះអ្នកផ្សេងទៅធ្វើការអស់ លុះដល់វេលាថ្ងៃត្រង់ ក៏បាត់ អត់ឃើញបុរសរងគ្រោះ ទើបសាច់ញាតិនិងមិត្តភក្ដិរួមការងារបាននាំគ្នាដើររក តែមិនឃើញឡើយ។
តាមប្រភពដដែលបានបន្តថា ខណៈនោះបានឃើញខ្សែភ្លើងតចេញពីរោងស្នាក់នៅទើបដើររកតាមខ្សែភ្លើង រហូតដល់វាលស្រែ ក៏ស្រាប់តែប្រទះឃើញបុរសរងគ្រោះដេកស្លា.ប់បាត់ទៅហើយ ពេលនោះបង្កឲ្យមានការភ្ញាក់ផ្អើលយ៉ាងខ្លាំង ហើយសាច់ញាតិបានរាយការណ៍ជូននគរបាលប៉ុស្តិ៍ភ្លើងឆេះរទេះឱ្យចុះទៅពិនិត្យមើល ដើម្បីរាយការណ៍បន្តទៅកាន់នគរបាលការិយាល័យបច្ចេកទេសវិទ្យាសាស្ត្រនៃស្នងការដ្ឋានរាជធានីភ្នំពេញចុះទៅធ្វើកោសល្យវិច័យ មុននឹងនាំយកស.ពទៅធ្វើបុណ្យតាមប្រពៃណីនៅស្រុកកំណើត៕
ចែករំលែកព័តមាននេះ