ចក្រភពអង់គ្លេស អាល្លឺម៉ង់ និងអ៊ីតាលី បានបញ្ជាក់ពីករណីដំបូងរបស់ពួកគេចំនួន ២ករណីនៃជំងឺកូវីដ១៩ ដែលបង្កឡើងដោយកូវីដបម្លែងថ្មី “អូមីក្រុង”។
កូវីដប្រភេទថ្មីនេះ ត្រូវបានរកឃើញជាលើកដំបូងនៅក្នុងប្រទេសបូតស្វាណា។ ក្រៅពីករណីពីរនៅហុងកុង មានតែ៩ករណីផ្សេងទៀតប៉ុណ្ណោះដែលត្រូវបានកំណត់អត្តសញ្ញាណ ដែល៣ករណីនៅបូតស្វាណា និង៦ករណីនៅអាហ្វ្រិកខាងត្បូង។ តែពេលនេះ គេបានរកឃើញបន្ថែមទៀតហើយ។
ទោះបីជាការឆ្លងនៃកូវីដប្រភេទថ្មីនៅតែមិនទាន់ដឹងច្បាស់ក៏ដោយ អ្នកវិទ្យាសាស្ត្រនៅក្រៅប្រទេសមួយចំនួនបានណែនាំថា វាអាចជាការព្រួយបារម្ភពិតប្រាកដដោយសារ តែការប្តូររួបរាងថ្មីលើកនេះ គឺខុសគ្នាច្រើនធៀបទៅនឹងការប្តូរថ្មីលើកមុន ស្ទើរតែមិនគួរឱ្យជឿ។
កូវីដប្រភេទថ្មីនេះ បានជម្រុញឱ្យប្រទេសមួយចំនួនរឹតបន្តឹង ការធ្វើដំណើរ ក៏ដូចជាហាមមិនឱ្យមានការធ្វើដំណើរមកពីអាព្រិចខាងត្បូង ខណៈដែលប្រទេសខ្លះដាក់វិធានការបិទខ្ទប់ភ្លាមៗ ក្រោយពីមានការកើនឡើងនៃការឆ្លងកូវីដ១៩។
កូវីដប្រភេទអូមីក្រុង ដែលអ្នកវិទ្យាសាស្ត្រនិយាយថា មានចំនួននៃការប្រែប្រួលខ្ពស់ត្រូវបានរកឃើញដំបូងនៅអាហ្វ្រិកខាងត្បូងកាលពីសប្តាហ៍មុន។ ករណីក៏ត្រូវបានគេរាយការណ៍ដែរចំពោះអ្នកធ្វើដំណើរនៅបែលហ្សិក អ៊ីស្រាអែល និងហុងកុង។
ការផ្លាស់ប្តូរនៅក្នុងកូវីដអូមីក្រុង ដែលត្រូវបានគេស្គាល់ថា B.1.1.529 អាចជួយឱ្យមេរោគគេចចេញពីការឆ្លើយតបនៃប្រព័ន្ធភាពស៊ាំរបស់រាងកាយ និងធ្វើឱ្យវាអាចឆ្លងបានកាន់តែលឿន។ នេះបើយោងតាមអ្នកវិទ្យាសាស្ត្រ៕
ចែករំលែកព័តមាននេះ