ចិនប្រឆាំងការអញ្ជើញតៃវ៉ាន់ចូលរួមកិច្ចប្រជុំកំពូលប្រជាធិបតេយ្យអាមេរិក
ចិន ៖ ប្រទេសចិនបានប្រឆាំងទៅនឹងការអញ្ជើញកោះតៃវ៉ាន់ ពីសំណាក់អាមេរិកដើម្បីឲ្យចូលរួមកិច្ចប្រជុំកំពូលដើម្បីប្រជា
ចិន ៖ ប្រទេសចិនបានប្រឆាំងទៅនឹងការអញ្ជើញកោះតៃវ៉ាន់ ពីសំណាក់អាមេរិកដើម្បីឲ្យចូលរួមកិច្ចប្រជុំកំពូលដើម្បីប្រជា
ចិន ៖ ប្រទេសចិនបានប្រឆាំងទៅនឹងការអញ្ជើញកោះតៃវ៉ាន់ ពីសំណាក់អាមេរិកដើម្បីឲ្យចូលរួមកិច្ចប្រជុំកំពូលដើម្បីប្រជាធិបតេយ្យ ដែលនឹងប្រព្រឹត្តិទៅនៅថ្ងៃទី ៩-១០ ខែធ្នូ ខាងមុខនេះ។ គួររំលឹកថា អាមេរិកអញ្ជើញតៃវ៉ាន់ចូលរួមកិច្ចប្រជុំកំពូលខែក្រោយ តែចិន និងរុស្សីគ្មានឈ្មោះឡើយ
នៅក្នុងកិច្ចសន្និសីទសារព័ត៌មានកាលពីថ្ងៃពុធ ទី24 វិច្ឆិកា ម្សិលមិញនេះ លោក Zhao Lijian អ្នកនាំពាក្យក្រសួងការបរទេសចិនបានជំទាស់ទៅនឹងការអញ្ជើញនោះ ដោយបាននិយាយថា «មានចិនតែមួយប៉ុណ្ណោះក្នុងពិភពលោកនេះ។ រដ្ឋាភិបាលសាធារណៈប្រជាមានិតចិនគឺជារដ្ឋាភិបាលស្នូលស្របច្បាប់តំណាងឲ្យចិនទាំងអស់ ហើយតៃវ៉ាន់គឺជាផ្នែកមួយមិនអាចកាត់ផ្តាច់បានរបស់ចិន»។
លោកថ្លែងថា «គោលនយោបាយចិនតែមួយគឺជាបទដ្ឋានដែលមានការទទួលយកជាសកល។ តៃវ៉ាន់គ្មានឋានៈនយោបាយផ្សេងក្រៅពីជាផ្នែកមួយរបស់ចិនឡើយ»។
អ្នកនាំពាក្យរូបនេះបានទាមទារឲ្យអាមេរិកបញ្ឈប់ការលើកទឹក និងគាំទ្រ «កងកម្លាំងឯករាជ្យតៃវ៉ាន់» ព្រោះការធ្វើបែបនោះបានត្រឹមតែធ្វើឲ្យទីក្រុងវ៉ាស៊ីនតោនស្ថិតក្នុងស្ថានភាពអាម៉ាស់ប៉ុណ្ណោះ។
លោកបានព្រមានថា ការចូលរួមជាមួយឯករាជ្យតៃវ៉ាន់នឹងមិនមានលទ្ធផលល្អឡើយ និងបានចោទប្រកាន់អាមេរិកថា ប្រើប្រាស់ប្រជាធិបតេយ្យជាមុខសញ្ញាដើម្បីជំរុញគោលដៅភូមិសាស្ត្ររបស់ខ្លួន គាបសង្កត់លើប្រទេសផ្សេងៗ បែងចែកពិភពលោក និងបម្រើផលប្រយោជន៍របស់ខ្លួន និងរក្សាការត្រួតត្រារបស់ខ្លួនក្នុងពិភពលោក។
សូមបញ្ជាក់ថា តៃវ៉ាន់ស្ថិតក្នុងចំណោមប្រទេសចំនួន១១០ ដែលត្រូវអាមេរិកអញ្ជើញចូលរួមកិច្ចប្រជុំកំពូលដើម្បីប្រជាធិបតេយ្យនៅខែក្រោយ។
ចិនចាត់ទុកកោះតៃវ៉ាន់ជាផ្នែកមួយរបស់ខ្លួនដែលគ្មានសិទ្ធិលើកិច្ចការរដ្ឋឡើយ ប៉ុន្តែតៃវ៉ាន់ឆ្លើយតបវិញថា ខ្លួនជាប្រទេសឯករាជ្យមានឈ្មោះជាផ្លូវការថា សាធារណៈរដ្ឋចិន ហើយទីក្រុងប៉េកាំងមិនមានសិទ្ធិនិយាយឲ្យតៃវ៉ាន់ឡើយ។
តៃវ៉ាន់បានផ្តាច់ចេញពីចិននៅក្នុងឆ្នាំ១៩៤៩ បន្ទាប់ពីមានសង្គ្រាមស៊ីវិល៕ (យោងតាមប្រភព៖ Taiwan News)
ចែករំលែកព័តមាននេះ