រាជធានីភ្នំពេញ ៖ រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុបានស្នើឲ្យ អ្នកជំនាញអចលនវត្ថុពិនិត្យបញ្ហាប្រឈម ដើម្បីរកនូវវិធានការល្អៗ និងថ្មីៗសំដៅផ្តល់បរិយាកាសលើទីផ្សារអចលនវត្ថក្នុងប្រទេស។
ឯកឧត្តមឧបកនាយករដ្ឋមន្ត្រីអូន ព័ន្ធមុនីរ័ត្ន រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុបានលើកឡើងក្នុងពិធីបើកសមាជលើកទី២៣នៃសមាគមន៍អ្នកវាយតម្លៃអាស៊ាន ឆ្នាំ២០២១ ក្រោមប្រធានបទ ៖«ការវាយតម្លៃអចលនវត្ថុក្នុងអំឡុងពេឡនៃការរីករាលដាលនៃជំងឺកូវីដ១៩» នៅថ្ងៃទី២៥ ខែវិច្ឆិកា តាមប្រព័ន្ធវីឌីអូថា ក្នុងនាមរដ្ឋាភិបាលនិងក្នុងនាមក្រសួងសេដ្ឋកិច្ចសូមវាយតម្លៃចំពោះការរៀបចំសមាជនេះពីព្រោះថា ការរៀបចំសមាជនេះមានគោលបំណងពង្រឹងកិច្ចសហប្រតិបត្តិការ រវាងតួអង្គសំខាន់ក្នុងផ្លាស់ប្តូរបទពិសោធន៍លើទី ផ្សាអចលនវត្ថុ និងស្តង់ដាបច្ចេកទេសក្នុងការវាយតម្លៃអចលនវត្ថុក្នុងតំបន់ អាស៊ានក្នុងបរិការនៃការឆ្លងរាលដាលជំងឺកូវីដ១៩ ពិសេសចូលរួមចំណែកក្នុងការរក្សាចរន្តរនៃទីផ្សាអចលន វត្ថុនៅក្នុងតំបន់»។
ឯកឧត្តមបន្តថា អង្គសមាជកគួរពិនិត្យបញ្ហាប្រឈម ដើម្បីរកនូវវិធានការល្អៗ និងថ្មីៗសំដៅផ្តល់បរិយាកាសលើទីផ្សារអចលនវត្ថក្នុងប្រទេសរបស់ខ្លួន និងក្នុងតំបន់ឲ្យកាន់តែប្រសើរថែមទៀតដែលនេះជាបុព្វមិនអាចខ្វះបានក្នុងការជំរុញការអភិវឌ្ឍសេដ្ឋកិច្ច និងសង្គម ។
ក្នុងនន័យនេះខ្ញុំគាំទ្រ និងលើកទឹកចិត្តឲ្យមានការរៀបចំសមាជនៃសមាគមនអ្នកវាយតម្លៃអាស៊ាននៅឆ្នាំក្រោយៗទៀត ដោយឈរលើមូលដ្ឋាននៃកិច្ចសហប្រតិបតិ្តការគ្នា និងការផ្លាស់ប្តូរបទពិសោធន៍គ្នាទៅវិញទៅមកសំដៅពង្រឹងគុណភាព និងលើកកម្ពស់វិជ្ជាជីវៈនេះដើម្បីផ្តល់ទំនុកចិត្តដល់សាធាណៈជន ។
ជាមួយគ្នានោះដែរ ឯកឧត្តមសង្ឃឹមថា នៅពេលដែលសាធារណៈជនមានជំនឿរទុកចិត្តចំនុកចិត្តចំពោះគុណភាពនូវការផ្តល់សេវាកម្មរបស់អ្នកវាយតម្លៃអចលនវត្ថុមានន័យថា អ្នកប្រកបវិជ្ជាជីវៈក្នុងវិស័យនេះ និងមានតួនាទីយ៉ាងសំខាន់ក្នុងទីផ្សារអចលនវត្ថុទាំងក្នុងប្រទេសរបស់ខ្លួន និងប្រទេសអាស៊ានទាំងមូល ហើយការប្រើប្រាស់សេវាវាយតម្លៃក៏កាន់តែរីកចម្រើនថែមទៀត ។
ឯកឧត្តមបន្ថែមថាក្នុងរយៈពេលជិត២ឆ្នាំកន្លងមកនេះ គឺចាប់ពីឆ្នាំ២០២០មកនេះពិភពលោកបានជួបនឹងវិបត្តិសកលដែលបណ្តាលមកពីការរីករាលដាលយ៉ាងឆាប់រហ័សដោយសារជំងឺកូវីដ១៩ ។ ជំងឺនេះមិនត្រឹមតែបង្ករដល់ជីវីតមនុស្សថែមទាំងបានផ្តល់ផលប៉ះពាល់ធ្ងន់ ធ្ងរដល់សេដ្ឋកិច្ច និងសង្គមទាំងមូល ។
ជាមួយគ្នានោះដែរ ឯកឧត្តមក៏បានលើកឡើងថា តាមតួលេខអ្នកឆ្លងជំងឺកូវីដ១៩ នៅក្នុងសកលលោកបានកើនឡើង២៥០លាននាក់ និងចំនួនអ្នកស្លាប់៥.១លាននាក់ ។ ក្នុងឆ្នាំ២០២០ និង២០២១ប្រទេសជាច្រើនបានកំពុងបន្តបិទប្រទេស និងដាក់ចេញវិធានការ ដើម្បីធ្វើ យ៉ាងណាទប់ស្កាត់ការរីករាលដាលជំងឺកូវីដ១៩ ។
ជាលទ្ធផលវិធានការនេះបានបន្ថែមសម្ពាធ និងបង្កាក់សកម្មភាពផលិតកម្មការផ្គត់ផ្គង់ការប្រើប្រាស់ និងការវិនិយោគដែលរុញច្រានសេដ្ឋកិច្ចសកលក្នុងឆ្នាំ២០២០ធ្លាក់ចុះយ៉ាងកំហុករហូតដល់-៣.១% និងសេដ្ឋកិច្ចនៅអាស៊ានមានចំនួន-៣.៣%។
ជាមួយគ្នានោះដែរ សេដ្ឋកិច្ចកម្ពុជាក៏បានធ្លាក់ចុះក្នុងអត្រា-៣.១%ផងដែរ ។ ឯកឧត្តមក៏បានលើកឡើងថា តាមការព្យាករណ៍សេដ្ឋកិច្ចសកលត្រូវរំពឹងថា នឹងមានការកើនឡើងក្នុងរង្វង់៥.៩% និង៤.៩% ក្នុងនោះកំណើនសេដ្ឋកិច្ចប្រទេសជាថៃគូពាណិជ្ជកម្ម និងវិនិយោគសំខាន់របស់កម្ពុជាត្រូវបានរំពឹងថានឹងងើបឡើងវិញរួមាន ៖អាមេរិក ៦% និង៥.២%និងតំបន់ចាយប្រាក់អឺរ៉ូក្នុងអត្រា៥% និង៤.៣%ក្នុងឆ្នាំ២០២១និង២០២២ រៀងគ្នា ។
ដោយឡែកសេដ្ឋកិច្ចនឹងបន្តកំណើនខ្ពស់ក្នុងអត្រា៨% និង៥.៦% និងតំបន់អាស៊ា ន២.៧% និង៥.៨%នៅឆ្នាំ២០២១ និង២០២២រៀងគ្នា ។ ដោយឡែកស្របសេដ្ឋកិច្ចសកលកម្ពុជាត្រូវបានព្យាករណ៍ថា នឹងងើបឡើងវិញក្នុងកំណើនទាបប្រមាណ២.៤% ដោយសារ ការអូសបន្លាយជំងឺកូវីដ១៩ និងការងើបឡើងវិញនូវកម្រិតយឺតនៃសេដ្ឋកិច្ចសកលជាដើម ។ នៅឆ្នាំ២០២២ សេដ្ឋកិច្ចកម្ពុជាត្រូវបានរំពឹងថាមានកំណើន៤.៨%ដោយសារបន្តងើបឡើងវិញនូវសកម្មភាពក្នុងស្រុក និងសកល ។
ជាមួយគ្នានេះអនុវិស័យសេដ្ឋកិច្ចកម្ពុជានឹងត្រូវព្យាករនឹងងើបឡើងវិញ២.៤%ក្នុង២០២១ និង៤.៨%នៅឆ្នាំ២០២២ដោយសារការកើនឡើងសន្សឹមៗនៃលំហូរទន់វិនិយោគពីបរទេស ផ្នែកវិស័យអចលនទ្រព្យ ខណៈតម្រូវការក្នុងស្រុកផ្នែកអចលនវត្ថុដែលមានតម្លៃទាប និងមធ្យមនៅរក្សាកំណើនល្អប្រសើរ ។
ឯកឧត្តមគូសបញ្ជាក់ថា៖«យ៉ាងណាក្តី ខ្ញុំសូមគូសបញ្ជាក់ថា ការព្យាករណ៍នេះ គឺជាការប៉ាន់ស្មាននៅឡើយដោយសារហានិភ័យនៃការបំម្លែងខ្លួនថ្មីនៃជំងឺកូវីដ១៩ ដែលមានសភាពកាន់តែកាចសាហាវ នៅតែមានប្រឈមចំពោះការអភិវឌ្ឍន៍ក្នុងពិភពលោកនឹងតំបន់។ ជាក់ស្តែង មេរោគនេះបានកំពុងធ្វើឲ្យប្រទេសមួយចំនួនក្នុងតំបន់អាស៊ីដែលធ្លាប់គ្រប់គ្រងបានក្លាយជាតំបន់ក្តីគគុករីករាលដាលខ្លាំង»។
លោក ច្រឹក សុខនីម ប្រធាន ប្រធានសមាគមអ្នកវាយតម្លៃអចលនវត្ថុអាស៊ាន (ASEAN Valuers Association – AVA) និងជាប្រធានសមាគមអ្នកវាយតម្លៃបានលើកឡើងថានៅឆ្នាំនេះក្នុងនាមជាប្រធាន AVAបានរៀបចំព្រឹត្តិការណ៍ដ៏មានកិត្យានុភាពនេះដែល នឹងផ្តោតលើបច្ចុប្បន្ននៃទីផ្សារអចលនទ្រព្យក្នុងតំបន់ និងសារៈសំខាន់នៃស្តង់ដារវាយតម្លៃ សម្លឹងមើលការរំពឹងទុកនៃឧស្សាហកម្មអចលនទ្រព្យ ។
លោកបញ្ជាក់ថា«ខ្ញុំជឿថា តម្លៃវិជ្ជាជីវៈ និងភ្នាក់ងារអចលនវត្ថុត្រូវតែត្រៀមខ្លួនដើម្បីឆ្លើយតបទៅនឹងការរីកចម្រើននាពេលអនាគតនេះក៏ព្រោះតែកម្ពុជាកំពុងនាំមុខគេលើវិស័យវ៉ាក់សាំង COVID-19 និងក្នុងការគ្រប់គ្រងការរីករាលដាលនៃវីរ៉ុស ដូច្នេះហើយទើបកម្ពុជាបានបន្ធូរបន្ថយលក្ខខណ្ឌតម្រូវឱ្យនៅដាច់ពីគេសម្រាប់អ្នកដំណើរពេលចូលប្រទេសដែលនឹងទាក់ទាញអ្នកវិនិយោគ ជាពិសេសពីប្រទេសចិន មកបណ្តាក់ទុនក្នុងវិស័យអចលនទ្រព្យដែលជាឧស្សាហកម្មរីកចម្រើនខ្លាំង ។ ដូច្នេះ ការងារវាយតម្លៃកាន់តែមានសារៈសំខាន់ចាប់ពីពេលនេះតទៅ» ។
លោកក៏បានលើកឡើងថា ការដែលប្រមុខរាជរដ្ឋាភិបាលប្រកាសបើកដំណើរការលើគ្រប់វិស័យឡើង គឺជាដំណឹងមួយល្អសម្រាប់វិស័យអចលនវត្ថុ ។ លោកបញ្ជាក់ថា ៖ «នៅពេលរាជរដ្ឋាភិបាលបើកដំណើរការប្រទេសបើកចរាចរណ៍លើគ្រប់អាជីវកម្មគ្រប់ប្រភេទ ធ្វើឲ្យចំនួនអ្នកវិនិយោគទន់នៅក្នុងប្រទេសនិងចាប់ផ្តើមសំឡឹងក្នុងការវិនិយោគលើវិស័យអចលនទ្រព្យ ជាពិសេសនោះអចលនទ្រព្យតាមបណ្តាញជាយក្រុងរាជធានីភ្នំពេញ និងតាមបណ្តាខេត្ត និងគម្រោងផ្សេងៗនឹងចាប់ផ្តើមដំណើការបន្តិចម្តងៗ» ។
អ្នកជំនាញផ្នែកអចលនាទ្រព្យរូបនេះក៏បានលើកឡើងថា នៅពេលអ្នកវិនិយោគបរទេសមកធ្វើការវិនិយោគនៅកម្ពុជាគាត់នឹងនាំយកធនធានថវិកាមក ដូច្នេះនឹងធ្វើកំណើរផលិតផល សរុបក្នុងស្រុកនឹងមានការកើនឡើង ។ លោកបានលើកថា៖«នៅពេលយើងមានកំណើនទន់ក្នុងស្រុកមួយចំនួនហើយមានទន់ក្រៅស្រុកមួយចំនួនទៀត ដូច្នេះទន់ទាំងពីររូមគ្នាធ្វើឲ្យវិស័យសេដ្ឋកិច្ចនៅកកម្ពុជានឹងទទួលបានរីកចម្រើនផងដែរ» ។ ខ្ញុំមើលឃើញថា មានបណ្តាប្រទេសជាច្រើនដែលជាដៃគូរធ្វើការវិនិយោគរកស៊ីនៅកម្ពុជាបានកំពុងសំឡឹងនិងចាប់អារម្មណ៍មកកម្ពុជាដូចជា ប្រទេសចិន អាមេរិក ជប៉ុន និងប្រទេសផ្សេងទៀត»៕
ចែករំលែកព័តមាននេះ