មហាយក្សចិនបន្តបញ្ជូនយន្តហោះឈ្លានពានដែនអាកាសរបស់តៃវ៉ាន់
ចិន ៖ យន្តហោះយោធាចិនចំនួន៥គ្រឿងបានហោះចូលតំបន់ការពារដែនអាកាសរបស់តៃវ៉ាន់កាលពីថ្ងៃពុធ ទី24 វិច្ឆិកា ម្សិលមិញ
ចិន ៖ យន្តហោះយោធាចិនចំនួន៥គ្រឿងបានហោះចូលតំបន់ការពារដែនអាកាសរបស់តៃវ៉ាន់កាលពីថ្ងៃពុធ ទី24 វិច្ឆិកា ម្សិលមិញ
ចិន ៖ យន្តហោះយោធាចិនចំនួន៥គ្រឿងបានហោះចូលតំបន់ការពារដែនអាកាសរបស់តៃវ៉ាន់កាលពីថ្ងៃពុធ ទី24 វិច្ឆិកា ម្សិលមិញនេះ ដែលវាគឺជាការឈ្លានពានលើកទី២៣ ពីសំណាក់មហាយក្សចិនក្នុងខែនេះ។
បើតាមក្រសួងការពារជាតិតៃវ៉ាន់ យន្តហោះចម្បាំងប្រភេទ Shenyang J-16 ចំនួន ៤គ្រឿង និងយន្តហោះដឹកជញ្ជូនប្រភេទ Shaanxi Y-8 មួយគ្រឿងហានហោះចូលភាគនិរតីនៃតំបន់ការពារដែនអាកាសរបស់តៃវ៉ាន់។
តៃវ៉ាន់បានឆ្លើយតបដោយការបញ្ជូនយន្តហោះរបស់ខ្លួន និងធ្វើការព្រមានតាមវិទ្យុ និងបានដាក់ពង្រាយប្រព័ន្ធមីស៊ីលការពារដើម្បីតាមដានយន្តហោះរបស់ចិន។
សូមបញ្ជាក់ថា យន្តហោះយោធាចិនបានហោះចូលដែនអាកាសរបស់តៃវ៉ាន់ជារៀងរាល់ថ្ងៃក្នុងខែនេះ លើកលែងតែថ្ងៃទី ៣ខែវិច្ឆការមួយថ្ងៃប៉ុណ្ណោះ។ ក្រសួងការពារជាតិតៃវ៉ាន់និយាយថា យន្តហោះចិនសរុបចំនួន ១១៨គ្រឿងបានហោះចូលដែនអាកាសរបស់ខ្លួនរហូតមកដល់ពេលនេះក្នុងខែវិច្ឆិកា។
ចាប់តាំងពីខែកញ្ញា ឆ្នាំមុនមក ចិនបានបង្កើតការប្រើប្រាស់យុទ្ធសាស្ត្រតំបន់ប្រផេះដោយធ្វើការបញ្ជូនយន្តហោះចូលក្នុងដែនអាកាសរបស់តៃវ៉ាន់ជាប្រចាំ ដែលការឈ្លានពាននោះភាគច្រើនកើតឡើងនៅភាគនិរតីនៃតំបន់អាកាសរបស់ខ្លួន។
ចិនតែងចាត់ទុកកោះតៃវ៉ាន់ជាផ្នែកមួយរបស់ខ្លួន និងប្រកាសរួបរួមគ្នាវិញនៅពេលអនាគត ប៉ុន្តែមេដឹកនាំតៃវ៉ាន់ បានប្រកាសធ្វើអ្វីៗគ្រប់យ៉ាងដើម្បីការពារសេរីភាព និងប្រជាជនរបស់ខ្លួន។
តៃវ៉ាន់បានផ្តាច់ចេញពីចិននៅក្នុងឆ្នាំ ១៩៤៩ បន្ទាប់ពីមានសង្គ្រាមស៊ីវិល៕
ចែករំលែកព័តមាននេះ