ខេត្តស្ទឹងត្រែង ៖ ឧក្រិដ្ឋជនគ្រឿងបានគេចខ្លួនបាត់ ខណៈកម្លាំងនគរបាលការពារព្រំដែនល្បាតតាមដងទន្លេ ដោយមានការសង្ស័យ ហៅត្រួតពិនិត្យ ស្ថិតនៅចំណុចកោះល្ង ឃុំព្រះរំកិល ស្រុកបូរីអូរស្វាយសែនជ័យ កាលពីវេលាម៉ោង៧យប់ថ្ងៃទី២៤វិច្ឆិកា ២០២១ ។
យោងតាមប្រភពព័ត៌មានពីសមត្ថកិច្ចអោយដឹងថា កាលពីវេលាម៉ោងខាងលើ កម្លាំងនគរបាលការពារព្រំដែនបានចុះល្បាតតាមដងទន្លេក៏ប្រទះឃើញទូកមួយគ្រឿងបើកបរពីកោះស្តាំ ស្រុកមឿងខូង ប្រទេសឡាវ ឆ្លងកាត់ចូកទឹកដីឃុំព្រះរំកិល ស្រុកបូរីអូរស្វាយសែនជ័យកម្ពុជា ។
ប្រភពបន្តថា ពេលនោះ ដោយឃើញលើទូកដឹកសុទ្ធតែការ៉ុងជាច្រើន ក៏សង្ស័យជារបស់គេចពន្ធ កម្លាំងនគរបាលបានដេញតាមអោយឈប់ដើម្បីត្រួតពិនិត្យ រហូតដល់ចំណុចកោះល្ង តែជនសង្ស័យបានបើកទូករត់ឡើងគោករួច រត់គេចខ្លួនបាត់ស្រមោល កម្លាំងនគរបាលបាលឆែកក្នុងការ៉ុងនោះក៏ប្រទះឃើញសុទ្ធសឹងជាថ្នាំញៀនទាំងអស់។
នគរបាលការពារព្រំដែនម្នាក់អោយដឹងថា បន្ទាប់ការគ្រប់គ្រងបទល្មើសខាងជាប់ក៏ពិនិត្យក្នុងការ៉ុងពណ៌ផ្ទៃមេឃឃើញកញ្ចប់គ្រឿងញៀនចំនួន១៧០ដុំ ប្រហែល១៧០គីឡូក្រាម នាំមកបញ្ជាការដ្ឋានវរការពារព្រំដែន និងបន្តរាយការណ៍ជូនថ្នាក់ដឹងនាំតាមថានានុក្រម និងបញ្ជូនទៅកាន់ស្នងការដ្ឋាននគរបាលខេត្តទាំងយប់ផងដែរ ៕
ចែករំលែកព័តមាននេះ