តារាសម្តែងលោក សន ពិសិដ្ឋ បានចេញមុខបកស្រាយពាក់ព័ន្ធទៅនឹងការចោទប្រកាន់ពីអតីតគូស្នេហ៍នាង ម៉ានីតា ថា លួចទាក់ទងជាមួយបេក្ខភាព Miss World Cambodia ក្នុងពេលដែលជម្លោះស្នេហាត្រីកោណនេះ បាននិងកំពុងទទួលការចាប់អារម្មណ៍យ៉ាងណាខ្លាំងពី
រាជធានីភ្នំពេញ ៖ តារាសម្តែងលោក សន ពិសិដ្ឋ បានចេញមុខបកស្រាយពាក់ព័ន្ធទៅនឹងការចោទប្រកាន់ពីអតីតគូស្នេហ៍នាង ម៉ានីតា ថា លួចទាក់ទងជាមួយបេក្ខភាព Miss World Cambodia ក្នុងពេលដែលជម្លោះស្នេហាត្រីកោណនេះ បាននិងកំពុងទទួលការចាប់អារម្មណ៍យ៉ាងណាខ្លាំងពីមហាជនអ្នកលេងហ្វេសប៊ុក។
អតីតគូស្នេហ៍លោក សន ពិសិដ្ឋ គឺនាង ម៉ានីកា បានបង្ហោះសារ និងរូបភាពរបស់តារារូបនេះ និងគូស្នេហ៍ថ្មី អមជាមួយនឹងសារ ដោយបានចោទប្រកាន់ទៅលើតារារូបនេះថា បានលួចទាក់ទងស្នេហាថ្មី ខណៈពេលដែលនាងក៏បានព្រមាននឹងបញ្ចេញភស្តុតាងដែលលោក សន ពិសិដ្ឋ លួចទាក់ទងគ្នាជាមួយនារីថ្មី។
ម៉ានីតា បានបង្ហោះសារថា ខ្ញុំនាងនឹងបញ្ចេញនូវភស្តុតាងគ្រប់យ៉ាងដែលនាង Sary Sovattey និង សន ពិសិដ្ឋ លួចផិតក្បត់យកគ្នាអោយមហាជនបានដឹង ព្រោះខ្ញុំបានអោយទៅយកគ្នាដោយមិនរករឿងដោយស្រួលហើយ តែបែរជាមកប្តឹងខ្ញុំវិញ សូមទោសមហាជនដែលមានរឿងបែបនេះ នាងខ្ញុំខំរក្សាឈ្មោះក្នុងនាមជាសិល្បៈ18ឆ្នាំមកហើយ មិនដែលមានរឿងមិនល្អណាមួយទ្បើយ តែពេលនេះត្រូវនាង Sary Sovattey និង សន ពិសិដ្ឋ នាំនាងខ្ញុំចូលទៅក្នុងរឿងដែលសង្គមស្អប់ខ្ពើមបែបនេះទៅវិញ នាងខ្ញុំលែងលាក់បាំងទៀតហើយ។
ពាក់ព័ន្ធបញ្ហាខាងលើនេះ តារាសម្តែងសាច់ដុំលោក សន ពិសិដ្ឋ បានអះអាងប្រាប់កោះសន្តិភាពតាមសារអេឡិចត្រូនិចនៅថ្ងៃទី២៤ ខែវិច្ឆិកា ឆ្នាំ២០២១នេះថា រវាងលោក និងនាង ម៉ានីតា មិនមែនជាប្តីប្រពន្ធត្រឹមត្រូវចាប់ច្បាប់នោះឡើយ ពោលគឺត្រឹមជាការសេពគប់គ្នាប៉ុណ្ណោះ ហើយនាងក៏គ្មានសិទ្ធិយករូបភាពលោក និងសរសេរពាក្យដៀមដាមមិនល្អជាសាធារណៈមកលើរូបលោកនោះឡើយ។
លោកបញ្ជាក់ថា ត្រង់គាត់ (ម៉ានីតា) សរសេរ បើដណ្តើមគេហើយហ៊ានប្តឹងគេទៀត ត្រង់នេះវាមិនត្រូវព្រោះក្តីស្នេហាមិនមែនជាការបង្ខិតបង្ខំ និងបោះដណ្តើមទៅដណ្តើមមកនោះដែរ ហើយប្រសិនបើលោកស្រឡាញ់អ្នកណាម្នាក់ លោកប្រាកដជារស់នៅជាមួយអ្នកនោះ។
លោកថា នៅពេលដែលខ្ញុំបញ្ចប់ជាមួយគាត់ហើយ តែបែរជាគាត់ប្រើពាក្យស្នេហាថ្មី ខ្ញុំនឹងដណ្តើមខ្ញុំពីគាត់ ពាក្យនេះមិនសមរម្យទេ ហើយគាត់ហ៊ានទាំងព្រមានបញ្ចេញភស្តុតាងរឿងនេះថែមទៀត ដែលនោះជារឿងដែលមិនអាចទៅរួច ព្រោះខ្ញុំនឹងគាតមិនមែនជាប្តីប្រពន្ធត្រឹមត្រូវតាមច្បាប់នោះឡើយ។
យ៉ាងណាលោកលោក សន ពិសិដ្ឋ បានសារភាពថា លោកពិតជាមានទំនាក់ទំនងស្នេហាជាមួយអ្នកក្រោយនេះពិតមែន ហើយប្រសិនបើមិនមានបញ្ហាជំងឺកូវីដ១៩ ពួកលោកទាំងពីរនឹងឈានទៅដល់ពិធីភ្ជាប់ពាក្យជាផ្លូវការរួចហើយ ព្រោះស្នេហាពួកលោកគឺត្រូវបានដឹងលឺដល់ចាស់ៗទាំងសងខាង។
លោកបន្ថែមថា រហូតមកទល់ពេលនេះ លោកបានព្យាយាមមិនតប.ត និងបកស្រាយបញ្ហាខាងលើនេះឡើយ ប៉ុន្តែមួយរយៈចុងក្រោយនេះ នាងបានធ្វើអោយប៉ះពាល់ដល់កិត្តិយសមនុស្សស្រីជាទីស្រឡាញ់របស់លោក ដែលកំពុងជាប់តំណែងកិត្តិយសដ៏ធំមួយ (Miss World) ហេតុនេះទាមទារអោយលោកត្រូវតែចេញមុខបកស្រាយអោយមហាជនដឹង។
លោកថា រវាងលោក និងម៉ានីតា មិនមានអ្វីទាក់ទងគ្នាទៀតឡើយ ហើយនាងក៏គ្មានសិទ្ធិផ្លូវច្បាប់ណាមួយដែលអាចហាមឃាត់រូបលោកទៅទាក់ទងអ្នកថ្មីនោះឡើយ ខណៈពេលដែលលោកនឹងមិនរំលឹកឈ្មោះរបស់នាងទៀតឡើយ ក្នុងករណីដែលនាងមិនបានធ្វើអ្វីអោយប៉ះពាល់ដល់រូបលោក។
ទោះជាយ៉ាងណាបើតាមលោក សន ពិសិដ្ឋ ថា ប្រសិនបើ ម៉ានីតា នៅបន្តនិយាយអ្វីដែលមិនពិតប៉ះពាល់ដល់កិត្តិយសរបស់លោក នោះលោកនឹងមានវិធានការតាមផ្លូវច្បាប់ ប៉ុន្តែពេលនេះលោកនៅមិនទាន់ធ្វើនៅឡើយទេ ប៉ុន្តែសម្រាប់គូស្នេហ៍របស់លោកបានដាក់ពាក្យបណ្តឹងរួចហើយ៕
ចែករំលែកព័តមាននេះ