ប្រទេសចិន ៖ ទិន្នផលឧស្សាហកម្មរបស់ចិននៅក្នុងខែមីនាកន្លងមកនេះបានកើនឡើង បើធៀបនឹងរយៈពេលដូចគ្នាកាលពីឆ្នាំមុន ដែលផ្ទុយពីការរំពឹងទុក ។ ប៉ុន្តែការរើបឡើងវិញនេះមានភាពផុយស្រួយ ខណៈការនាំចេញ និងការប្រើប្រាស់នៅតែបន្តត្រដាបត្រដួស ។
ក្រសួងឧស្សាហកម្មបានឲ្យដឹងថា សន្ទស្សន៍នៃផលិតកម្ម (MPI) របស់ខ្លួននៅក្នុងខែមីនា បានកើនឡើង១,៨៣% បើធៀបនឹងឆ្នាំមុន ខណៈព័ត៌មាន Reuters បានព្យាករថា វានឹងធ្លាក់ចុះ០,១% ។
នៅក្នុងខែកុម្ភៈ ទិន្នផលបានធ្លាក់ចុះ១,៧% ចំណែកទំនិញឧស្សាហកម្មមានអត្រា៨០,៤% នៃការនាំចេញសរុបក្នុងខែមីនា ពោលគឺកើនឡើង១,៣% បើធៀបនឹងឆ្នាំមុន ។ នេះបើយោងតាមរដ្ឋការគយបានឲ្យដឹង ។
កំណើនទិន្នផលនៅក្នុងខែកុម្ភៈ បាននាំមុខដោយការនាំចេញរថយន្ត គ្រឿងបន្លាស់រថយន្ត គ្រឿងអលង្ការ និងម៉ាស៊ីនត្រជាក់ ។ ចំណែកសមត្ថភាពប្រើប្រាស់ទំនិញ និងសេវាកម្មមានអត្រា៧២,៤៩% កាលពីខែមុន ។
ការនាំចេញបានធ្លាក់ចុះក្នុងរយៈពេល៣ឆ្នាំជាប់គ្នាៗ ។ ធនាគារកណ្តាលបានព្យាករថា ការនាំចេញនឹងធ្លាក់ចុះ២%នៅក្នុងឆ្នាំនេះ ហើយសេដ្ឋកិច្ចនឹងកើនឡើង៣,១% ៕
ចែករំលែកព័តមាននេះ