ខេត្តកំពង់ឆ្នាំង ៖ ប្រជាពលរដ្ឋនៅក្នុងភូមិក្តុល ឃុំក្រាំងស្គារ ស្រុកទឹកផុស មានប្រតិកម្មលើកឡើងថា ចំណាត់ការរបស់អាជ្ញាធរខេត្តរឿងឈ្មួញឈ្មោះម៉ៅ វឿន ជាអ្នកចាប់ដីព្រៃរដ្ឋឈូសឆាយទន្ទ្រានយកលក់ឱ្យគេតាមទំនើងចិត្ត និងបក្សពួកនោះ មកដល់ពេលនេះ ជាង១ខែហើយ មិនទាន់ឃើញមានចំណាត់ការបែបណា ពីអាជ្ញាធរខេត្តនៅឡើយ ដែលករណីនេះ ត្រូវប្រជាពលរដ្ឋចោទថា អ្នកមានលុយគេចំណាត់ការមិនកើតទេ តែបើអ្នកស្រែចំការតូចតាចវិញប្រហែលជាត្រូវចាប់ឃុំខ្លួនបាត់ហើយ។
អ្នកស្រុកភូមិក្តុលបន្តថា ឈ្មោះម៉ៅ វឿន ជាអ្នកមានគ្រឿងចក្រឈូសឆាយដី និងបក្សពួកបានទន្ទ្រានចាប់យកដីព្រៃរដ្ឋជាច្រើន
ហិកតានៅក្នុងភូមិក្តុល ឃុំក្រាំងស្គារ និងឈូសឆាយបំផ្លាញដីព្រៃ យកដីលក់បន្តឱ្យឈ្មួញផ្សេងៗទៀត ។ ករណីនេះ អាជ្ញាធរខេត្តបានបង្កើតក្រុមការងារចម្រុះមួយចុះស្រាវជ្រាវជាង១ខែហើយ ប៉ុន្តែមិនទាន់ឃើញចាត់ការឈ្មួ្ញកំហូចនោះឡើយ ។ ប្រជាពលរដ្ឋនៅក្នុងភូមិក្តុល កំពុងរង់ចាំមើលចំណាត់ការរបស់លោកឈួរ ច័ន្ទឌឿន អភិបាលខេត្តកំពង់ឆ្នាំង ថាតើហ៊ានចាត់ការតាមនីតិវិធីទៅលើជនបំផ្លាញព្រៃឈើទាំងនោះដែរ ឬទេ។
ទាក់ទងនឹងប្រតិកម្មរបស់ប្រជាពលរដ្ឋខាងលើនេះ កាលពីល្ងាចថ្ងៃទី០២ ឧសភា២០១៦ នេះ លោកឈួរ ច័ន្ទឌឿន អភិបាលខេត្តកំពង់ឆ្នាំងបានថ្លែងបញ្ជាក់ថា ក្នុងករណីឈ្មួញឈូសឆាយដីព្រៃរបស់រដ្ឋនៅក្នុងភូមិក្តុល ឃុំក្រាំងស្គារ ស្រុកទឹកផុស មកដល់ពេលនេះ ក្រុមការងារចំរុះថ្នាក់ខេតចុះទៅ ស្រាវជ្រាវនោះបានបញ្ចប់ហើយ រង់ចាំតែការកោះប្រជុំបំភ្លឺពីជំនាញនីមួយៗពាក់ព័ន្ធនឹងរឿងនេះជាមួយលោកប៉ុណ្ណោះ ។
ដោយឡែក ការយឺតយ៉ាវក្នុងការចំណាត់ការក្នុងរឿងនេះ ដោយសារតែក្នុងខែមេសា និងឧសភានេះ ខេត្តយើងជួបគ្រោះប្រជា ពលរដ្ឋខ្វះទឹកប្រើប្រាស់ ដូចនេះគ្រប់មន្ត្រីរបស់អាជ្ញាធរខេត្តទាំងអស់ ត្រូវចុះជួយប្រជាពលរដ្ឋសិន ។ ពេលការងារជួយផ្តល់ទឹកស្អាតជូនប្រជាពលរដ្ឋបានគ្រប់ គ្រាន់ហើយនោះ លោកនឹងកោះហៅមន្ត្រីជំនាញពាក់ព័ន្ធមកបំភ្លឺ និងចំណាត់ការតាមផ្លូវច្បាប់ គឺមិនឱ្យជនណាម្នាក់ដែលបំផ្លាញព្រៃឈើរបស់រដ្ឋ បែរជារួចខ្លួននោះបានឡើយ។
គួរបញ្ជាក់ថា រឿងឈ្មោះម៉ៅ វឿន ជាឈ្មួញគក់ជេរដីនិងបក្ខពួកបានយកគ្រឿងចក្រជាច្រើន គ្រឿងទៅឈូសឆាយដីព្រៃរបស់រដ្ឋ នៅក្បែរតំបន់ការពារដែនជម្រកសត្វព្រៃភ្នំឱរ៉ាល់ក្នុងភូមិក្តុល ឃុំក្រាំងស្គារ អស់រាប់រយហិកតា បន្ទាប់មកប្រជាពលរដ្ឋនៅក្នុងភូមិក្តុលបាននាំគ្នាប្តឹងពីឈ្មោះនេះ និងបក្សពួក បើគិតមកដល់ពេលនេះមានរយៈពេលជាង១ខែហើយ តែរឿងនេះបែរជាស្ងាត់ឈឹងទៅវិញ ។
ចែករំលែកព័តមាននេះ