រាជធានីភ្នំពេញ ៖ ស្របពេលដែលកម្ពុជាឈានទៅបើកទទួលអ្នកទេសចរបរទេសដែលចាក់វ៉ាកសាំងឡើងវិញនោះ មន្ត្រីជាន់ខ្ពស់ក្រសួងទេសចរណ៍ បានជំរុញឱ្យនិស្សិតដែលសិក្សានៅប្រទេសរុស្ស៊ី ផ្សព្វផ្សាយពីសក្តានុពលទេសចរណ៍កម្ពុជាទាក់ទាញជនបរទេសឲ្យមកកម្សាន្ត ។ មន្ត្រីបញ្ជាក់ថា វិស័យអាទិភាពមួយក្នុងការជំរុញនូវការអភិវឌ្ឍវិស័យសេដ្ឋកិច្ចជាតិ ព្រមទាំងបានជួយផ្សព្វផ្សាយអំពីកិត្យានុភាពជាតិ…
រាជធានីភ្នំពេញ ៖ ស្របពេលដែលកម្ពុជាឈានទៅបើកទទួលអ្នកទេសចរបរទេសដែលចាក់វ៉ាកសាំងឡើងវិញនោះ មន្ត្រីជាន់ខ្ពស់ក្រសួងទេសចរណ៍ បានជំរុញឱ្យនិស្សិតដែលសិក្សានៅប្រទេសរុស្ស៊ី ផ្សព្វផ្សាយពីសក្តានុពលទេសចរណ៍កម្ពុជាទាក់ទាញជនបរទេសឲ្យមកកម្សាន្ត ។ មន្ត្រីបញ្ជាក់ថា វិស័យអាទិភាពមួយក្នុងការជំរុញនូវការអភិវឌ្ឍវិស័យសេដ្ឋកិច្ចជាតិ ព្រមទាំងបានជួយផ្សព្វផ្សាយអំពីកិត្យានុភាពជាតិ ពិសេសគឺបានជំរុញការអភិវឌ្ឍប្រទេសជាតិបានមួយកម្រិតផងដែរ ។
លោក ទិត ចន្ថា រដ្ឋមន្ត្រីស្តីទី ក្រសួងទេសចរណ៍ បានលើកឡើងដូច្នេះនៅពេលលោកជួបនិស្សិតខ្មែរដែលត្រូវចេញទៅរៀននៅប្រទេសរុស្សីក្នុងពេលឆាប់ៗនេះ ។ លោកបញ្ជាក់ថា វិស័យទេសចរណ៍បានកំពុងយកចិត្តទុកដាក់នៅក្នុងការស្ដារ និងលើកស្ទួយឡើងវិញ ហើយចរន្តភ្ញៀវទេសចរក៏ចាប់ផ្ដើមមានសន្ទុះឡើងវិញ ជាក់ស្ដែងក្នុងឱកាសព្រះរាជពិធីបុណ្យអុំទូកនិងថ្ងៃឈប់សម្រាក ៤ ថ្ងៃនេះ កម្ពុជាទទួលបានភ្ញៀវទេសចរផ្ទៃក្នុងប្រមាណជាង ១ លាននាក់ កើនឡើងខ្ពស់ជាងឱកាសផ្សេងៗក្នុងបរិបទជំងឺកូវីដ១៩ នេះ ។
កម្ពុជានឹងបើកទទួលអ្នកទេសចរបរទេសដែលចាក់វ៉ាក់សាំងឲ្យមកកម្សាន្តនៅខេត្តព្រះសីហនុ និងកោះកុង នៅចុងខែវិច្ឆិកានេះ ហើយនៅខេត្តសៀមរាប ទឹកដីវប្បធម៌អាចនឹងនៅដើមឆ្នាំ ២០២០ ។ កម្ពុជាបានលប់ចោលលក្ខណ្ឌធ្វើចក្តាឡីស័កដល់ជនបទបរទេសដែលចូលមកកម្ពុជានៅពេកធ្វើតេស្តអវិជ្ជាមានកូវីដ ១៩ ហើយនោះ ។ ការមិនតម្រូវឲ្យធ្វើចក្តាឡីស័ក បានទទួលការស្វាគមន៍ និងថានោះជាយន្តការសំខាន់នៅក្នុងការទាក់ទាញអ្នកទេចរ និងវិនិយោគិនបរទេស ។
ក្នុងឆ្នាំ ២០១៩ កម្ពុជាទទួលបានប្រាក់ចំណូលពីវិស័យទេសចរណ៍អន្តរជាតិ ៤,៩១៩ លានដុល្លារកើនឡើង ១២,៤ ភាគរយបើធៀបនឹងឆ្នាំ ២០១៨ ដែលមានចំនួន ៤,៣៧ លានដុល្លារ ។ សម្រាប់ឆ្នាំ ២០២១ នេះក្រសួងទេសចរណ៍បានព្យាករណ៍ថា ឥទ្ធិពលនៃការឆ្លងរាលដាលជំងឺកូវីដ ១៩ នឹងធ្វើឱ្យវិស័យទេសចរណ៍នៅកម្ពុជាបន្តនូវអត្រាកំណើនអវិជ្ជមានប្រមាណចន្លោះពី -៦០ ទៅ -៧០ ភាគរយ៕
ចែករំលែកព័តមាននេះ