ប្រទេសចិន ៖ ចិនបានដំឡើងអត្រាប្តូរប្រាក់យន់របស់ខ្លួនដើម្បីទប់ទល់នឹងប្រាក់ដុល្លារសហរដ្ឋអាមេរិក ក្នុងអត្រា០,៥៦% ចាប់ពីថ្ងៃព្រហស្បតិ៍មក ដែលនេះជាការកើនឡើងខ្ពស់បំផុតក្នុងរយៈពេលជិត១១ឆ្នាំកន្លងទៅ ។
ប្រទេសចិន ៖ ចិនបានដំឡើងអត្រាប្តូរប្រាក់យន់របស់ខ្លួនដើម្បីទប់ទល់នឹងប្រាក់ដុល្លារសហរដ្ឋអាមេរិក ក្នុងអត្រា០,៥៦% ចាប់ពីថ្ងៃព្រហស្បតិ៍មក ដែលនេះជាការកើនឡើងខ្ពស់បំផុតក្នុងរយៈពេលជិត១១ឆ្នាំកន្លងទៅ ។
ធនាគារ The People’s Bank of China បានកំណត់ប្រាក់៦,៤៧យន់ក្នុង១ដុល្លារ។ នេះបើតាមប្រព័ន្ធពាណិជ្ជកម្មប្តូរប្រាក់បរទេស ដែលបានធ្វើប្រតិបត្តិការក្នុងទីផ្សារប្តូរប្រាក់បរទេស ។ អត្រាប្តូរប្រាក់បានកើនឡើងខ្លាំងចាប់តាំងពីខែកក្កដា ឆ្នាំ២០០៥មក ។ នេះបើតាមរបាយការណ៍របស់ Bloomberg News ។
ចិនបានអនុញ្ញាតឲ្យប្រាក់យន់ឡើងថ្លៃ ឬធ្លាក់ថ្លៃនៅត្រឹមអត្រា២% នៃការកំណត់ប្រចាំថ្ងៃ ដើម្បីការពារ និងថែរក្សារូបិយប័ណ្ណ ។
លោក Ken Cheung អ្នករៀបចំយុទ្ធសាស្ត្ររូបិយប័ណ្ណក្រុងហុងកុង បានឲ្យដឹងថា ៖ « នេះជាការឆ្លើយតបទៅនឹងប្រាក់ដុល្លារធ្លាក់ចុះខ្សោយក្នុងរយៈពេលមួយថ្ងៃប៉ុណ្ណោះ»។
ក្នុងនោះដែរ ប្រាក់ដុល្លារអាមេរិកបានធ្លាក់ចុះ បើធៀបនឹងប្រាក់យេនជប៉ុន កាលពីថ្ងៃព្រហស្បតិ៍កន្លងទៅនេះ ខណៈប្រទេសជប៉ុនបានជំរុញសេដ្ឋកិច្ចរបស់ខ្លួន ហើយធនាគារជប៉ុនបានធ្វើឲ្យទីផ្សាររំជើបរំជួល ។
លោក Patrick Bennett អ្នកយុទ្ធសាស្ត្រ នៃធនាគារ Canadian Imperial Bank of Commerce ប្រចាំក្រុងហុងកុង បានថ្លែងថា ៖ « ការរំពឹងទុកសម្រាប់ការកំណត់អត្រាប្រាក់យន់ឡើងខ្លាំងនេះ គឺបណ្តាលមកពីការកើនឡើងនៃប្រាក់យេន បន្ទាប់ពីការប្រកាសរបស់ធនាគារជប៉ុន » ៕
ចែករំលែកព័តមាននេះ