ទណ្ឌិត២៩៤ត្រូវបានក្រសួងយុត្តិធម៌ ប្រជុំពិភាក្សាលើកលែង និងបន្ថយទោស
រាជធានីភ្នំពេញ ៖ ក្រសួងយុត្តិធម៌កាលពីរសៀលថ្ងៃទី២៦ ខែមេសា បានបើកកិច្ចប្រជុំរួមមួយ ពីតំណាងពាក់ព័ន្ធជាច្រើនសម្រាប់ស្នើសុំលើកលែង
រាជធានីភ្នំពេញ ៖ ក្រសួងយុត្តិធម៌កាលពីរសៀលថ្ងៃទី២៦ ខែមេសា បានបើកកិច្ចប្រជុំរួមមួយ ពីតំណាងពាក់ព័ន្ធជាច្រើនសម្រាប់ស្នើសុំលើកលែង
រាជធានីភ្នំពេញ ៖ ក្រសួងយុត្តិធម៌កាលពីរសៀលថ្ងៃទី២៦ ខែមេសា បានបើកកិច្ចប្រជុំរួមមួយ ពីតំណាងពាក់ព័ន្ធជាច្រើនសម្រាប់ស្នើសុំលើកលែងនិងបន្ថយទោសនៅក្នុងថ្ងៃវិសាខបូជាខាងមុខ។
នៅក្នុងកិច្ចប្រជុំនេះគេឃើញមានការចូលរួមពីសំណាក់លោក អង្គវង្ស វឌ្ឍានា រដ្ឋមន្ត្រីក្រសួងយុត្តិធម៌ និងជាប្រធានគណៈកម្មាធិការថ្នាក់ជាតិពិនិត្យ និងវាយតម្លៃបញ្ជីឈ្មោះទណ្ឌិតស្នើសុំបន្ធូរបន្ថយទោសនិងលើកលែងទោស ព្រមជាមួយតំណាងមកពីក្រសួងមហាផ្ទៃ ព្រមទាំងគណៈកម្មាធិការវាយតម្លៃជាច្រើនរូបទៀតចូលរួម។
លោក អង្គវង្ស វឌ្ឍានា បានមានប្រសាសន៍ក្នុងពិធីនេះថាកិច្ច ប្រជុំនេះបានធ្វើឡើងសម្រាប់បើកកិច្ចប្រជុំស្នើសុំលើកលែងទោស បន្ធូបន្ថយទោស ក្នុងថ្ងៃបុណ្យចូលឆ្នាំប្រពៃណីខ្មែរកន្លងមក និងថ្ងៃវិសាខបូជាខាងមុខ ហើយចំនួនអ្នកទោសដែលនឹងនាំយកមកពិចារណា អាចមានច្រើនជាងនាពេលកន្លងមក។ លោកបញ្ជាក់ថា ដោយសារកន្លងមកក្រសួងជាប់រវល់ ហេតុនេះកិច្ចប្រជុំសម្រាប់ស្នើសុំលើកលែងទោសបន្ធូរបន្ថយទោស សម្រាប់ចូលឆ្នាំខ្មែរកន្លងមក បានពន្យាពេលតែពេលនេះយើងធ្វើសរុបចូលគ្នាជាមួយថ្ងៃវិសាខបូជាតែម្តង។ បើតាមក្រសួងយុត្តិធម៌បានឱ្យដឹងថា ក្នុងការបើកកិច្ចប្រជុំនេះធ្វើឡើងរយៈពេល២ថ្ងៃគឺ ចាប់ពីថ្ងៃទី២៦ដល់ថ្ងៃទី២៧ ខែមេសាឆ្នាំ២០១៦។
ចំពោះអ្នកទោសយកមកពិចារណាស្នើសុំលើកលែងទោសបន្ធូបន្ថយទោសលើកនេះដែរមានចំនួន២៩៤នាក់មកពីខេត្តចំនួន១២។ គួរបញ្ជាក់ថាការលើកលែងទោស និងបន្ធូបន្ថយទោសដល់ទណ្ឌិតទូទាំងប្រទេសកម្ពុជាតែងត្រូវបានធ្វើឡើងបីលើកក្នុងមួយឆ្នាំដែលក្នុងនោះមានបុណ្យចូលឆ្នាំថ្មី វិសាខបូជា និងបុណ្យអំទូក។ សម្រាប់ទណ្ឌិតទាំងនេះមានទាំងប្រព្រឹត្តិបទល្មើសមជ្ឈឹមដល់ឧក្រិដ្ឋ ប៉ុន្តែយ៉ាងណាអ្នកទោសដែលត្រូវបានគណៈកម្មាធិការលើកយកមកវាយតម្លៃនេះចាំបាច់ត្រូវអនុវត្តទោសយ៉ោងហោចណាស់២ភាគ៣ហើយពិសេសមានការអនុវត្តខ្លួនបានល្អនៅពេលជាប់ពន្ធនាគារថែមទៀត។ ដោយឡែកសម្រាប់ការពិចារណា ក្នុងការលើកលែងទោស និងបន្ធូបន្ថយទោសនេះធ្វើឡើងដោយ គណៈកម្មាធិការថ្នាក់ក្រោមយ៉ាងល្អិតល្អន់ ដោយក្នុងនេះបានត្រួតពិនិត្យទៅលើការអនុវត្តខ្លួនតាមទម្រង់ច្បាប់របស់ទណ្ឌិតការអនុវត្តទោសបាន២ភាគ៣នោះនឹងត្រូវបានគេពិចារណាក្នុងការលើកលែងទោស។នៅពេលគណៈកម្មាធិការថ្នាក់ក្រោមវាយតម្លៃរួចហើយបញ្ជីឈ្មោះនេះនឹងត្រូវគេលើកយកមកជូនដល់គណៈកម្មាធិការថ្នាក់ជាតិវាយតម្លៃ និងសម្រេចចុងក្រោយបន្តទៀត។
ក្នុងនាពេពេលបច្ចុប្បន្ននេះដែរដោយសារចំនួនអ្នកទោសមានការកើនឡើងបន្តបន្ទាប់ធ្វើឱ្យពន្ធនាគារជាច្រើននៅប្រទេសកម្ពុជាពោរពេញទៅភាពចង្អៀតណែន ហើយក្នុងនេះបើគេធ្វើអត្រាប្រៀបធៀបហើយគឺចំនួនអ្នកទោសបានលើសចំណុះប្រមាណ២៣,៧៣ភាគរយ។នេះបើតាមការឱ្យដឹងរបស់ក្រសួងយុត្តិធម៌នាកន្លងមក។សូមរម្លឹកថា ក្រសួងយុត្តិធម៌បានសម្រេចមិនលើកលែងទោសសម្រាប់ចូលឆ្នាំប្រពៃណីជាតិខ្មែរ តាមការស្នើសុំពីប្រធានពន្ធនាគារចំនួន១២ខេត្តក្រុងនោះទេ។ ដោយអះអាងថាលើកមកពិភាក្សា នៅថ្ងៃ បុណ្យពិសាខបូជាដែលនឹងប្រព្រឹត្តិនៅថ្ងៃខាងមុននេះ វិញ៕
ចែករំលែកព័តមាននេះ