យ៉ាងហោចណាស់មានកម្មករ-កម្មការិនីចំនួន១៩នាក់បានរងរបួសធ្ងន់ និងស្រាល ដោយសារតែករណីគ្រោះថ្នាក់ចរាចរណ៍គួរឱ្យរន្ធត់រវាងរថយន្តម៉ាកហ៊ីយ៉ាន់ដាយ ប្រភេទក្រឡុកបេតុង ដែល
ខេត្តស្វាយរៀង ៖ យ៉ាងហោចណាស់មានកម្មករ-កម្មការិនីចំនួន១៩នាក់បានរងរបួសធ្ងន់ និងស្រាល ដោយសារតែករណីគ្រោះថ្នាក់ចរាចរណ៍គួរឱ្យរន្ធត់រវាងរថយន្តម៉ាកហ៊ីយ៉ាន់ដាយ ប្រភេទក្រឡុកបេតុង ដែលប្រើប្រាស់ល្បឿនលឿន ហើយខ្វះការប្រុងប្រយ័ត្ន ក៏បានជ្រុលទៅបុកជាមួយនឹងរថយន្តម៉ាកសាំយ៉ុង ដឹកកម្មករ ដែលបើកស្របទិសគ្នាយ៉ាងពេញទំហឹងលាន់ដូចរន្ទះ បណ្តាលឱ្យរងរបួសធ្ងន់-ស្រាលតែម្តង និង បង្កឱ្យមានការភ្ញាក់ផ្អើលដល់អ្នកធ្វើដំណើរនៅតាមដងផ្លូវជាតិលេខ១ កាលពីវេលាម៉ោង៦និង២០នាទីព្រលប់ ថ្ងៃទី១២ ខែវិចិ្ឆកា ឆ្នាំ២០២១ លើផ្លូវជាតិលេខ១ ត្រង់ចន្លោះគឺឡូម៉ែត្រលេខ១៥៣ និងលេខ១៥៤ ស្ថិតក្នុងភូមិព្រៃទប់ សង្កាត់ព្រៃអង្គុញ ក្រុងបាវិត ខេត្តស្វាយរៀង។
បើតាមសមត្ថកិច្ចនគរបាលក្រុងបាវិត បានឱ្យដឹងថា កម្មករដែលរងរបួសធ្ងន់ និងស្រាលមាន៖ ១-ឈ្មោះ ឃួន នាម ភេទប្រុស អាយុ៣២ឆ្នាំ ជនជាតិខ្មែរ មុខរបរកម្មកររោងចក្រ មានទីលំនៅភូមិល្បែង ឃុំគោកព្រីង ស្រុកស្វាយជ្រំ ខេត្តស្វាយរៀង, ២- ឈ្មោះ ឃុត សាវីសា ភេទស្រី អាយុ៣៧ឆ្នាំ ជនជាតិខ្មែរ មុខរបរកម្មកររោងចក្រ មានទីលំនៅភូមិស្វាយប្រហួត ឃុំគោកព្រីង ស្រុកស្វាយជ្រំ ខេត្តស្វាយរៀង (រងរបូសស្រាល ), ៣- ឈ្មោះរុន ឆេត ភេទស្រី អាយុ៣២ឆ្នាំ ជនជាតិខ្មែរ មុខរបរកម្មកររោងចក្រ មានទីលំនៅភូមិល្បែង ឃុំគោកព្រីង ស្រុកស្វាយជ្រំ ខេត្តស្វាយរៀង (រងរបួសស្រាល), ៤- ឈ្មោះ មាស ស៊ីនឿន ភេទស្រី អាយុ៣៨ឆ្នាំ ជនជាតិខ្មែរ មុខរបរកម្មកររោងចក្រ មានទីលំនៅភូមិថ្នា ឃុំជាមួយគ្នា (រងរបួសស្រាល)។
សមត្ថកិច្ចបន្តថា ៥- ឈ្មោះសុំ សេត ភេទស្រី អាយុ៣៥ឆ្នាំ ជនជាតិខ្មែរ មុខរបរកម្មកររោងចក្រ មានទីលំនៅភូមិហួតប្រហោង ឃុំជាមួយគ្នា (រងរបួសស្រាល), ៦- ឈ្មោះជ័យ ស៊ីណេត ភេទស្រី អាយុ២៥ឆ្នាំ ជនជាតិខ្មែរ មុខរបរកម្មកររោងចក្រ មានទីលំនៅភូមិ-ឃុំជាមួយគ្នា (រងរបួសស្រាល), ៧- ឈ្មោះឃុត សាវី ភេទស្រី អាយុ៣៧ឆ្នាំ ជនជាតិខ្មែរ មុខរបរកម្មកររោងចក្រ មានទីលំនៅភូមិស្វាយប្រហួត ឃុំជាមួយគ្នា (រងរបួសស្រាល), ៨- ឈ្មោះមាស សំអឿន ភេទស្រី អាយុ៣៧ឆ្នាំ ជនជាតិខ្មែរ មុខរបរកម្មកររោងចក្រ មានទីលំនៅភូមិ-ឃុំជាមួយគ្នា (រងរបួសស្រាល)។
ប្រភពដដែលបន្តទៀតថា ៩- ឈ្មោះរ៉ុន ឆេត ភេទស្រី អាយុ៣២ឆ្នាំ ជនជាតិខ្មែរ មុខរបរកម្មកររោងចក្រ មានទីលំនៅភូមិល្បែង ឃុំជាមួយគ្នា (រងរបួសស្រាល), ១០- ឈ្មោះយ៉ន ចន្ទថា ភេទប្រុស អាយុ២៧ឆ្នាំ ជនជាតិខ្មែរ មុខរបរកម្មកររោងចក្រ មានទីលំនៅភូមិសំឡី ឃុំសំឡី ស្រុកកំពុងរោទ៍ ខេត្តស្វាយរៀង(រងរបួសស្រាល), ១១- ឈ្មោះជា ស្នា ភេទប្រុស អាយុ២១ឆ្នាំ ជនជាតិខ្មែរ មុខរបរកម្មកររោងចក្រ មានទីលំនៅភូមិអង្គក្បាល ឃុំគោកព្រីង ស្រុកស្វាយជ្រំ ខេត្តស្វាយរៀង (រងរបួសស្រាល) និងកម្មករចំនួន៨នាក់ទៀត ក៏រងរបួសស្រាលដែរ ហើយត្រូវបានដឹកយកទៅសម្រាកព្យាបាលនៅមន្ទីរពេទ្យបង្អែកជីភូ ក្រុងបាវិតហើយ។
សមត្ថកិច្ចបន្តទៀតថា ចំណែកអ្នកបើករថយន្តបង្កហេតុ មិនត្រូវបានស្គាល់ឈ្មោះនោះទេ ខណៈពេលឃើញសភាពការណ៍មិនស្រួលក៏បានរត់គេចខ្លួនបាត់ស្រមោល បន្សល់តែរថយន្តម៉ាកហ៊ូយ៉ាន់ដាយ ប្រភេទក្រឡុកបេតុង ពណ៌ស ពាក់ស្លាកលេខ ស្វាយរៀង ៥A-០០៣៥ នៅនឹងកន្លែងកើតហេតុ។ រីឯអ្នកបើករថយន្តម៉ាកសាំយ៉ុង ពណ៌ស ពាក់ស្លាកលេខ ព្រះសីហនុ២A-២៣៧០ ដែលជារថយន្តដឹកកម្មករនោះ ក៏មិនត្រូវបានស្គាល់ឈ្មោះនោះទេ ព្រោះក្រោយពេលកើតហេតុបានរត់គេចខ្លួនភ្លាមៗផងដែរ។
សមត្ថកិច្ចបានបញ្ជាក់ថា មូលហេតុគ្រោះថ្នាក់ចរាចរណ៍ខាងលើនេះ គឺដោយសារតែរថយន្តម៉ាកហ៊ីយ៉ាន់ដាយ ប្រភេទក្រឡុកបេតុង បើកបរក្នុងល្បឿនលឿន ហើយខ្វះការប្រុងប្រយ័ត្ន ទើបមានគ្រោះថ្នាក់ចរាចរណ៍កើតឡើងបែបនេះ។ ហើយចំពោះវត្ថុតាងរថយន្តទាំង២គ្រឿង ក៏ត្រូវបានសមត្ថកិច្ចធ្វើការវាស់វែង និងអូសយកទៅរក្សាទុកជាបណ្តោះអាសន្តនៅអធិការដ្ឋាននគរបាលក្រុងបាវិត ដើម្បីបញ្ជួនទៅការិយាល័យជំនាញខេត្ត ចាត់ការបន្តតាមច្បាប់៕
ចែករំលែកព័តមាននេះ