មន្ត្រីនគរបាលមួយរូប ជួបគ្រោះអកុសលតាមផ្លូវ៦០ម៉ែត្រ យ៉ាងអាណោចអាធ័ម
- ភ្នំពេញ
រាជធានីភ្នំពេញ ៖ បុរសម្នាក់ដែលគេស្គាល់ថា ជាមន្ត្រីនគរបាលជិះម៉ូតូតាមផ្លូវត្រូវរថយន្តបែនដឹកខ្សាច់ជ្រុលទៅបុ.កពីក្រោយនិង
រាជធានីភ្នំពេញ ៖ បុរសម្នាក់ដែលគេស្គាល់ថា ជាមន្ត្រីនគរបាលជិះម៉ូតូតាមផ្លូវត្រូវរថយន្តបែនដឹកខ្សាច់ជ្រុលទៅបុ.កពីក្រោយនិង
រាជធានីភ្នំពេញ ៖ បុរសម្នាក់ដែលគេស្គាល់ថា ជាមន្ត្រីនគរបាលជិះម៉ូតូតាមផ្លូវត្រូវរថយន្តបែនដឹកខ្សាច់ជ្រុលទៅបុ.កពីក្រោយនិងកិ.នអូស បណ្ដាលឲ្យបា.ក់កស្លា.ប់យ៉ាងអាណោចអាធ័មនៅកណ្តាលផ្លូវ កាលពីវេលាម៉ោង១០និង៣០នាទីយប់ថ្ងៃទី១១ ខែវិច្ឆិកា ឆ្នាំ២០២១ ចំនុចច្រកចូលក្រោយផ្សារក្រមួន ផ្លូវ៦០ម៉ែត្រ ភូមិទួលរកា៣ សង្កាត់ចាក់អង្រែក្រោម ខណ្ឌមានជ័យ រាជធានីភ្នំពេញ ។
ជនរងគ្រោះឈ្មោះ ជា សំណាង ភេទប្រុស អាយុ៥១ឆ្នាំ មុខរបរមន្ត្រីនគរបាល មានឋានន្តរសក្ដិ អនុសេនីយ៍ឯក ឋានៈ នាយរងផ្នែកថែរក្សា មានស្រុកកំណើត ភូមិអំពិលទឹក ឃុំកំពង់ភ្នំ ស្រុកលើកដែក ខេត្តកណ្ដាល ជាអ្នកបើកបរម៉ូតូមួយគ្រឿងម៉ាកយ៉ាម៉ាហា ហ្វីណូ ពណ៌សលាយផ្កាឈូក ពាក់ស្លាកលេខ ភ្នំពេញ 1S-4763 ។
ដោយឡែកខាងរថយន្តដឹកខ្សាច់វិញម៉ាក DAEWOO ពណ៌ឈាមជ្រូក ពាក់ស្លាកលេខ ត្បូងឃ្មុំ 3A-0858 បើកបរដោយបុរសមិនស្គាល់អត្តសញ្ញាណម្នាក់ បានរត់គេចខ្លួនបាត់ ក្រោយពីបង្កគ្រោះថ្នាក់រួច ។
យោងតាមប្រភពព័ត៌មានបានអោយដឹងថា មុនពេលកើតហេតុ គេបានឃើញបុរសម្នាក់ដែលគេស្គាល់ថាជាមន្ត្រីនគរបាលមួយរូប បានជិះម៉ូតូមួយគ្រឿងម៉ាកយ៉ាម៉ាហា ហ្វីណូ ពណ៌សលាយផ្កាឈូក ធ្វើដំណើរតាមបណ្ដោយផ្លូវ៦០ម៉ែត្រ ក្នុងទិសដៅពីត្បូងទៅជើង ដោយមិនដឹងថាគោលបំណងទៅណានោះទេ លុះមកដល់ចំនុចកើតហេតុ ក៍ស្រាប់តែបុរសម្នាក់ទៀតបើករថយន្តប្រភេទបែនដឹកខ្សាច់ ម៉ាក DAEWOOពណ៌ឈាមជ្រូក បានធ្វើដំណើរតាមទិសដៅស្របគ្នា ក្នុងល្បឿនលឿន មិនដឹងយ៉ាងម៉េចទេ ក៏ស្រាប់តែជ្រុលទៅបុ.កម៉ូតូរបស់ជនរងគ្រោះពីក្រោយ និងអូសម៉ូតូខ្ទា.តទៅចិញ្ចើមផ្លូវ១០ម៉ែត្រ រងការខូចខាតយ៉ាងដំណំ រីឯអ្នកបើកបរម៉ូតូហោះទៅផ្ទុបនឹងបង្គោលភ្លើងបំភ្លឺផ្លូវបា.ក់កស្លា.ប់យ៉ាងអាណោចអាធ័មនៅកន្លែងកើតហេតុភ្លាមៗតែម្ដង ។ ដោយឡែករថយន្តវិញ នៅពេលបង្កគ្រោះហើយបើករត់ទៅមុខប្រហែល១០០ម៉ែត្រ ហើយក៏ឈប់ រួចអ្នកបើកបរក៏រត់គេចខ្លួនបាត់ស្រមោលតែម្តង ។
ក្រោយពេលកើតហេតុ សមត្ថកិច្ចមូលដ្ឋានក៏ជាជំនាញចរាចរណ៍ខណ្ឌមានជ័យបានចុះទៅកន្លែងកើតហេតុ តែមិនអាចទំនាក់ទំនងសាច់ញាតិបាន ក៍សម្រេចអោយរថយន្តដឹកស.ពជនរងគ្រោះយកទៅតម្កល់ទុកនៅវត្តទឹកថ្លា ក្នុងខណ្ឌសែនសុខ ដើម្បីស្វែងរកសាច់ញាតិឱ្យមកទទួលយកទៅធ្វើបុណ្យតាមប្រពៃណី ។ ចំនែកម៉ូតូនិងរថយន្តវិញ ត្រូវបានផ្នែកជំនាញធ្វើការវាស់វែងយកទៅរក្សាទុកនៅការិយាល័យនគរបាលចរាចរណ៍ជើងគោកនៃស្នងការដ្ឋានរាជធានីភ្នំពេញ ដើម្បីរង់ចាំធ្វើការដំណោះស្រាយតាមនីតិវិធីនៅពេលក្រោយទៀត ៕
ចែករំលែកព័តមាននេះ