រាជធានីភ្នំពេញ ៖ ក្រសួងធនធានទឹក និងឧតុនិយមបានប្រកាសនៅថ្ងៃទី២៣ មេសា ២០១៦ នេះថា សីតុណ្ហភាពនៅតំបន់ខ្ពង់រាបអាចឡើងកំដៅរហូតដល់ ៤២អង្សាសេ ហើយតំបន់វាលទំនាប់កណ្តាលមានពី៣៨ ទៅ៤១អង្សាសេ និងតំបន់មាត់សមុទ្រ មានចន្លោះពី៣៥ ទៅ៣៧អង្សាសេ ។
បើតាមសេចក្តីប្រកាសរបស់ក្រសួងធនធានទឹក និងឧតុនិយម បាតុភូតធម្មជាតិផ្គរ រន្ទះនិងខ្យល់កន្ត្រាក់ខ្លាំង មានចាប់ពីថ្ងៃទី២៨ មេសា ដល់ថ្ងៃទី០១ ឧសភា ២០១៦ ។ក្រសួងបានបញ្ជាក់បន្ថែមទៀតថា ខេត្តដែលអាចនឹងត្រូវប្រឈមមុខនឹងបាតុភូតផ្គរ រន្ទះ និងខ្យល់កន្ត្រាក់ខ្លាំងជាងគេ គឺមានខេត្ត ៖ នៅខេត្តព្រះវិហារ កំពង់ធំ រតនគិរី មណ្ឌលគិរី ស្ទឹងត្រែង ក្រចេះ កំពង់ចាម ត្បូងឃ្មុំ ព្រៃវែង និងខេត្តស្វាយរៀង ៕
ចែករំលែកព័តមាននេះ