រាជធានីភ្នំពេញ ៖ យ៉ាងហោចរថយន្តចំនួន០២គ្រឿង បំពាក់អំពូលភ្លើងខុសប្រក្រតី និងបិទស្ទីកឃ័រពាក្យមិនសមរម្យ បានធ្វើចរាចរណ៍លើដងផ្លូវជាតិលេខ៤ ត្រូវបានសមត្ថកិច្ចក្រុមល្បាតចល័ត ផ្នែកចរាចរណ៍ធ្វើការឃាត់អប់រំ និងស្នើឲ្យម្ចាស់រថយន្តដកឫបកចេញពាក្យមិនសមរម្យ ។
យោងតាមប្រភពពីនាយកដ្ឋាននគរបាលចរាចរណ៍ និងសណ្តាប់ធ្នាប់សាធារណៈ បានអោយដឹងថា នៅថ្ងៃទី១០ ខែវិច្ឆិកា ឆ្នាំ២០២១ ក្រុមល្បាតចល័ត នៃនាយកដ្ឋាននគរបាលចរាចរណ៍ និងសណ្ដាប់ធ្នាប់សាធារណៈ ដែលប្រចាំការនៅតាមបណ្តោយផ្លូវជាតិលេខ៤ ក្នុងភូមិសាស្ត្រ ខេត្តព្រះសីហនុ និងផ្លូវជាតិលេខ៤១ ក្នុងភូមិសាស្ត្រខេត្តកំពង់ស្ពឺ បានឃាត់រថយន្ត ដាក់តាំងភ្លើងខុសបច្ចេកទេស និងបានបិទស្ទីកឃ័រ មានពាក្យមិនសមរម្យលើរថយន្ត ។
សមត្ថកិច្ច បានអប់រំ ណែនាំ និងអោយដោះនិងបកចេញ នៅហ្នឹងកន្លែង ព្រមទាំងបានឲ្យអ្នកបើកបរ ធ្វើកិច្ចសន្យា បញ្ឈប់ ហើយចូលរួមគោរពចច្បាប់ ស្ដីពី ចរាចរណ៍ផ្លូវគោក ។
សូមជម្រាបដែរថា នាយកដ្ឋាននគរបាលចរាចរណ៍ និងសណ្តាប់ធ្នាប់សាធារណៈ បានបង្កើតក្រុមល្បាតចល័ត ដើម្បីធ្វើការរួមគ្នាជាមួយស្នងការដ្ឋាននគរបាលរាជធានី-ខេត្តទូទាំងប្រទេស ក្នុងការត្រួតពិនិត្យបទល្មើសចរាចរណ៍ នៅតាមដងផ្លូវ ក្នុងនោះ ក្រុមល្បាតនឹងចាប់ផ្តើមអនុវត្តការងារនេះ នៅផ្លូវជាតិចំនួន ២ខ្សែ ដែលមានគ្រោះថ្នាក់ចរាចរណ៍ច្រើនជាងគេ គឺផ្លូវជាតិលេខ៤ និងលេខ៥ ស្ថិតក្នុងទឹកដី នៃខេត្តកំពង់ស្ពឺ ព្រះសីហនុ កំពង់ឆ្នាំង និងពោធិ៍សាត់ ៕
ចែករំលែកព័តមាននេះ