ខេត្តបាត់ដំបង ៖ បុរសមាឌក្រអាញម្នាក់ ដែលមានសាក់លើស្មាម្ខាង និងស្រីស្រស់ម្នាក់ផង ត្រូវសមត្ថកិច្ចឃាត់ខ្លួន កាលពីវេលាម៉ោង១០និង៣០នាទីព្រឹកថ្ងៃទី១៨ ខែមេសា គ្រាដែលកំពុងសម្ងំស្នាក់នៅជាមួយគ្នានៅក្នុងបន្ទប់ផ្ទះសំណាក់មួយកន្លែង ក្នុងភូមិកម្មករ សង្កាត់ស្វាយប៉ោ ក្រុងបាត់ដំបង ។
ខេត្តបាត់ដំបង ៖ បុរសមាឌក្រអាញម្នាក់ ដែលមានសាក់លើស្មាម្ខាង និងស្រីស្រស់ម្នាក់ផង ត្រូវសមត្ថកិច្ចឃាត់ខ្លួន កាលពីវេលាម៉ោង១០និង៣០នាទីព្រឹកថ្ងៃទី១៨ ខែមេសា គ្រាដែលកំពុងសម្ងំស្នាក់នៅជាមួយគ្នានៅក្នុងបន្ទប់ផ្ទះសំណាក់មួយកន្លែង ក្នុងភូមិកម្មករ សង្កាត់ស្វាយប៉ោ ក្រុងបាត់ដំបង ។
ការឃាត់ខ្លួននេះ ក្រោយពីមានសង្ស័យថា ជននេះនិងបក្សពួកមួយចំនួនទៀត មានជាប់ពាក់ព័ន្ធនឹងសកម្មភាព «ឆក់» ទ្រព្យសម្បត្តិពីអ្នកដំណើរយ៉ាងសកម្មនាពេលកន្លងមក ។ ប្រធានក្រុមបង្ការ-បង្ក្រាបនៃការិយាល័យនគរបាលព្រហ្មទណ្ឌកម្រិតស្រាល លោកឈឿង គឹមសុង និយាយថា ជនស្រីប្រុសទាំង២នាក់នេះ បុរសឈ្មោះ ម៉ា វីហា អាយុ៣៣ឆ្នាំ ស្ត្រីឈ្មោះឈុំ ស្រីអូន អាយុ២០ឆ្នាំ ពួកគេគ្មានទីកន្លែងស្នាក់នៅពិតប្រាកដទេ តែមានប្រភពមកពីក្រុងប៉ោងប៉ែត។
លោក គឹមសុង និយាយថា ជននេះនៅមានបក្សពួកមួយចំនួនទៀតដែលបានគេចខ្លួនមុនពេលសមត្ថកិច្ចឆ្មក់ចូលទៅបង្ក្រាបដល់បន្ទប់ផ្ទះសំណាក់ ដែលមានយីហោ «ពន្លឺពេជ្រ» នៅក្នុងភូមិ សង្កាត់ខាងលើ។ លោក ឈឿង គឹមសុង បញ្ជាក់ថា ក្រុមនេះត្រូវសង្ស័យថា តែងចេញធ្វើសកម្មភាព «ឆក់» យកទ្រព្យសម្បត្តិពីអ្នកដំណើរមិនថា យប់ឬថ្ងៃទេស្ទើរគ្រប់ទីកន្លែងនៅក្នុងក្រុងបាត់ដំបង និងតាមបណ្ដាស្រុកមួយចំនួនទៀតនៅក្នុងខេត្ត ។
ប៉ុន្តែសកម្មភាពចុងក្រោយ ត្រូវគេសង្ស័យថា បាន «ឆក់»ទ្រព្យសម្បត្តិអ្នកដំណើរកាលពីវេលារំលងអធ្រាត្រឈានចូលថ្ងៃទី១៨ ខែមេសា នៅក្បែរសណ្ឋាគារ «ប្រេស៊ីដង់» ស្ថិតក្នុងភូមិរំចេក៤ សង្កាត់រតនៈក្រុងបាត់ដំបង ហើយត្រូវកម្លាំងសមត្ថកិច្ចតាមប្រមាញ់ទាំងយប់យ៉ាងប្រកិត រហូតឈានដល់ការឃាត់ខ្លួននៅព្រឹកថ្ងៃទី១៨ ខែមេសាតែម្ដង ។
ចែករំលែកព័តមាននេះ