កំណាព្យ (ងើបឡើងកូន!) ដោយ ណុប ច័ន្ទតារា
ព្រលប់ហើយកូនប្រញាប់ចូលគេង រៀនទាន់នៅក្មេងកូនគេងឱ្យលក់
ភ្ញាក់ឡើងខំរៀនមិនត្រូវទ្រមក់ សួគ៌និងនរកភ្លឺនិងងងឹត។
ព្រលប់ហើយកូនប្រញាប់ចូលគេង រៀនទាន់នៅក្មេងកូនគេងឱ្យលក់
ភ្ញាក់ឡើងខំរៀនមិនត្រូវទ្រមក់ សួគ៌និងនរកភ្លឺនិងងងឹត។
ងើបឡើងកូន!
ដោយៈ ណុប ច័ន្ទតារា Long Beach, California
ព្រលប់ហើយកូនប្រញាប់ចូលគេង រៀនទាន់នៅក្មេងកូនគេងឱ្យលក់
ភ្ញាក់ឡើងខំរៀនមិនត្រូវទ្រមក់ សួគ៌និងនរកភ្លឺនិងងងឹត។
សម័យឥឡូវកូនត្រូវចងចាំ ពាក្យពុកផ្ដែផ្ដាំនិយាយការពិត
កូនត្រូវតស៊ូចិញ្ចឹមជីវិត រៀនប្រើគំនិតគិតមើលឱ្យឆ្ងាយ។
ចំណេះចេះដឹងប្រឹងទាន់នៅក្មេង មិនត្រូវបែកឆ្វេងដើរលេងសប្បាយ
វិជ្ជាជាទ្រព្យជាប់តាមរាងកាយ បើកូនចង់ចាយក៏ចាយមិនអស់។
កូនជាទំញំងតាមស្នងឫស្សី ប្រទេសយើងល្បីខ្មែរយើងមានឈ្មោះ
ចំណេះចេះដឹងសាងនូវកិត្ដិយស ពូជពង្សខ្មែររស់ក៏ព្រោះតែកូន។
ចែករំលែកព័តមាននេះ