នៅក្រសួងខ្លះ…ឬក្រសួងស្ទើរតែទាំងអស់…ក្រសួងណាក៏ដូចក្រសួងណាដែរ…មន្ត្រីខ្លះជ្រួល !…បាយកំពុងឆ្ងាញ់ស្រាប់តែចង់ចត់…ដេកកំពុងលក់ស្រួល ស្រាប់ដេកលែងសូវលក់…ដឹងជាអញបាននៅទៀតអត់ ? ដឹងគេដកអញដាក់ណាទេ ? កៅអីអញដឹងយ៉ាងម៉េច ?
ភ័យរឿងធ្វើខុស គឺគ្មានទេ…ភ័យជាងគេ អញដាច់ខ្សែ…អញអស់ខ្សែ…អញមិនមែនខ្សែគេ…ដឹងគេដាក់អញទៅណាវិញទេ…ធម្មតាទេ…កាលណាមេថ្មីមកដឹកនាំ…គេមិនចោលខ្សែគេទេ…គេណាទៅជឿយើង…ដែលយើងមិនដែលស្គាល់គ្នាផង !
ខាងលើនេះជាពាក្យថ្ងូររហ៊ឹមៗដូចព្រាបវត្ត…ក្រោយពីកំពុងបំរើការងារសុខៗ ស្រាប់តែមានការរៀបចំដោះដូរមេ…កែសម្រួលមេក្រសួង…ដែលនិយាយឱ្យចំថា ផ្លាស់ប្តូររដ្ឋមន្ត្រី ។
ពិតប្រាកដហើយ…ដូរខាងលើ…
រង្គើរញ្ជួយខាងក្រោមអីចឹងហើយ…
ចាប់ពីថ្ងៃទី៤ មេសានេះតទៅ ក្រសួងប្រមាណ៨បង្វិលដាក់រដ្ឋមន្ត្រីថ្មី…មិនមែនថ្មីចែសទេ…គឺថ្មីយើង ចាស់គេ…
ចិត្តមេដឹកនាំមិនដូចគ្នាទាំងអស់ទេ…ខ្លះគេចម្រាញ់យកអ្នកមានសមត្ថភាព…អ្នកឯកទេស…ជំនាញនិងបទ
ពិសោធន៍ ។ ប៉ុន្តែក្រែងវាមិនអីចឹង ?
ខ្លាចគ្មានអីធំជាងបក្សពួក…គ្មានអីធំជាងខ្សែវល្លិ៍…ចេះជ្រៅពេកមិនទុកចិត្ត !
ជួនកាលមេថ្មីគេដាក់គ្នាគេមួយចង្កោម…ដូច្នេះមួយចង្កោមចាស់ត្រូវតែរកកៅអីផ្សេងដែរ…។
មិនអីទេ…មិនហ៊ាននិយាយមុនទេ…ចាំមើលជាក់ស្តែងសិន…មានប៉ើងរបើករបាញកៅអីមែនឬអត់ ?
អាឡេវ
ចែករំលែកព័តមាននេះ