ប្រទេសប៉ូឡូញ ៖ ទំនាស់រវាងប៉ូឡូញ និងសហភាពអឺរ៉ុប មានកាន់តែខ្លាំងឡើង។ តុលាការយុត្តិធម៌សហភាពអឺរ៉ុប ដែលទាមទារចាប់តាំងពីរដូវក្ដៅនេះមក ឲ្យបិទសភាវិន៏យនៅប៉ូឡូញ បានកាត់ក្ដីឲ្យប៉ូឡូញបង់ប្រាក់ពិន័យ១លានអឹរ៉ូក្នុង១ថ្ងៃ។
ទណ្ឌកម្មហិរញ្ញវត្ថុនោះត្រូវបានស្នើឡើងកាលពីថ្ងៃទី៧ ខែកញ្ញា ដោយគណៈកម្មាធិការអឺរ៉ុបដែលឲ្យប៉ូឡូញត្រូវបង់ប្រាក់នេះ ព្រោះតែមិនគោរពការសម្រេចមួយទាក់ទិននឹងការបញ្ឈប់សកម្មភាពរបស់សភាវិន័យ នៃតុលាការកំពូលប៉ូឡូញ។ តុលាការយុត្តិធម៌អឹរ៉ុបCJUE មានទីតាំងនៅលុចហ្សំបួរអះអាងថា ការគោរពបណ្ដាវិធានការបណ្ដោះអាសន្ន ដែលមានពីថ្ងៃទី១៤កក្កដាមកគឹចាំបាច់ដើម្បីចៀសវាងការខាតបង់ធ្ងន់ធ្ងរ និងមិនអាចកែកុនបានខាងផ្លូវច្បាប់របស់សហភាពអឺរ៉ុប ព្រមទាំងបណ្ដាគុណតម្លៃ ដែលសហភាពអឺរ៉ុបផ្អែកលើនោះ ពិសេសគុណតម្លៃនៃនីតិរដ្ឋ។
ការបាត់បង់ឯករាជ្យភាពរបស់តុលាការប៉ូឡូញ និងឧត្ដមភាពនៃច្បាប់អឹរ៉ុបលើច្បាប់ជាតិ ជារបៀបវារៈសំខាន់នៃកិច្ចប្រជុំកំពូល របស់ប្រទេសទាំង២៧ជាសមាជិក សហភាពអឺរ៉ុប កាលពីដំណាច់សប្ដាហ៍មុន។ ប្រមុខរដ្ឋាភិបាលប៉ូឡូញ ជាអ្នកអភិរក្សនិយម និងជាតិនិយម លោកMATEUSZ MORAWIECKI បានសន្យាលុបបំបាត់ចោលសភាវិន័យ ដែលការលុបចោលនោះធ្លាប់ប្រកាសកាលពីខែសីហា ដោយក្រុងវ៉ាសូវីតែសភានេះនៅតែដំណើរការ។
អង្គការនោះជាចំណុចសំខាន់ នៃការកែទម្រង់ប្រព័ន្ធតុលាការដ៏ចម្រូងចម្រាស់ ដែលត្រូវបានសហភាពអឹរ៉ុប ចោទប្រកាន់ថាបំផ្លាញស្វ័យភាពអឺរ៉ុប៕ ដកស្រង់ចេញពីវេបសាយ ៖ yahoo
ចែករំលែកព័តមាននេះ