រាជធានីភ្នំពេញ ៖ ក្រសួងសុខាភិបាលបានបញ្ជាក់ថា គិតត្រឹមថ្ងៃទី២៧ ខែតុលា ក្រុមគ្រូពេទ្យបានចាក់វ៉ាក់សាំងបង្ការជំងឺកូវីដនៅទូទាំងប្រទេសសម្រាប់មនុស្សពេញវ័យមានចំនួន៩៩.៩០% និងកុមារមានចំនួន៩០.៧៨%បើធៀបនឹងគោលដៅ ។ ក្រសួងសុខភិបាលបានឲ្យដឹង នៅថ្ងៃទី២៨…
រាជធានីភ្នំពេញ ៖ ក្រសួងសុខាភិបាលបានបញ្ជាក់ថា គិតត្រឹមថ្ងៃទី២៧ ខែតុលា ក្រុមគ្រូពេទ្យបានចាក់វ៉ាក់សាំងបង្ការជំងឺកូវីដនៅទូទាំងប្រទេសសម្រាប់មនុស្សពេញវ័យមានចំនួន៩៩.៩០% និងកុមារមានចំនួន៩០.៧៨%បើធៀបនឹងគោលដៅ ។
ក្រសួងសុខភិបាលបានឲ្យដឹង នៅថ្ងៃទី២៨ តុលា ឆ្នាំ២០២១ថា កំណើនអត្រាចាក់វ៉ាក់សាំងកូវីដ-១៩ នៅកម្ពុជា គិតត្រឹមថ្ងៃទី២៧ ខែតុលា ឆ្នាំ២០២១ មាន៩៩,៩០% ធៀបជាមួយចំនួនប្រជាជនគោលដៅ១០លាននាក់ និងលើកុមារ-យុវវ័យអាយុពី១២ឆ្នាំទៅក្រោម១៨ឆ្នាំ មាន៩០,៧៨% ធៀបជាមួយចំនួនប្រជាជនគោលដៅ១,៩៦៦,៩៣១នាក់ និងលើកុមារអាយុពី០៦ឆ្នាំដល់ក្រោម ១២ឆ្នាំ មាន១០០,៨៣% ធៀបជាមួយនឹងប្រជាជនគោលដៅ ១,៨៩៧, ៣៨២នាក់។
ក្រសួងបានឲ្យដឹងទៀតថា ចំពោះអ្នកចាក់វ៉ាក់សាំងបង្ការជំងឺកូវីដ១៩ដូសទី៣ ឬដូសជំរុញនៅទូទាំងប្រទេសមានចំនួន១.៧៥៩.២៩១នាក់ (ស្រីចំនួន៧៩៦.៧៩៦នាក់)។
សូមជម្រាបថា រាជរដ្ឋាភិបាលតាមរយៈក្រសួងសុខាភិបាលបានកំពុងតែបើកយុទ្ធនាការចាក់វ៉ាក់សាំងដូសជំរុញនៅទូទាំងប្រទេស ពិសេសនោះមន្ត្រីជួរមុខទាំងអស់ ។ យុទ្ធានាការនេះ បានចាប់ផ្តើមចាក់ចេញពីរាជធានីភ្នំពេញមុនគេ ៕
ចែករំលែកព័តមាននេះ