ធនាគារពិភពលោក និងអាមេរិក បង្កកជំនួយទៅស៊ូដង់ បន្ទាប់ពីមានរដ្ឋប្រហារយោធា
ស៊ូដង់ ៖ ធនាគារពិភពលោក បានធ្វើការបង្កកជំនួយទៅកាន់ប្រទេសស៊ូដង់ ក្រោយពេលពួកយោធាធ្វើរដ្ឋប្រហារដណ្តើមអំណាច
ស៊ូដង់ ៖ ធនាគារពិភពលោក បានធ្វើការបង្កកជំនួយទៅកាន់ប្រទេសស៊ូដង់ ក្រោយពេលពួកយោធាធ្វើរដ្ឋប្រហារដណ្តើមអំណាច
ស៊ូដង់ ៖ ធនាគារពិភពលោក បានធ្វើការបង្កកជំនួយទៅកាន់ប្រទេសស៊ូដង់ ក្រោយពេលពួកយោធាធ្វើរដ្ឋប្រហារដណ្តើមអំណាចពីរដ្ឋាភិបាលស៊ីវិល។
កាលពីថ្ងៃច័ន្ទដើមសប្តាហ៍នេះ អ្នកនយោបាយជាច្រើន រួមទាំងនាយករដ្ឋមន្ត្រីស៊ូដង់ផងដែរ ត្រូវបានចាប់ខ្លួនក្នុងរដ្ឋប្រហារយោធា បណ្តាលឲ្យមានការផ្ទុះការតវ៉ាទូទាំងប្រទេស និងការថ្កោលទោសយ៉ាងខ្លាំងពីអន្តរជាតិ។
សហភាពអាហ្វ្រិច (AU) ក៏បានដកស៊ូដង់ចេញពីប្លុកបណ្តោះអាសន្នផងដែរ ជុំវិញការដណ្តើមអំណាចដោយខុសច្បាប់។ ចំណែកអាមេរិកវិញ បានផ្អាកជំនួយចំនួន ៧០០លានដុល្លារ។
ការប្រកាសផ្តាច់ជំនួយដ៏ច្រើនសន្ធឹកសន្ធាប់នេះទំនងជាធ្វើឲ្យសេដ្ឋកិច្ចរបស់ប្រទេសស៊ូដង់មានផលវិបាកធ្ងន់ធ្ងរ នៅពេលប្រទេសនេះកំពុងតែចាប់ផ្តើមងើបឡើងវិញ។
ចំណាត់ការរបស់ធនាគារពិភពលោក និងសហភាពអាហ្វ្រិចបានដាក់សម្ពាធបន្ថែមទៅដល់មេដឹកនាំរដ្ឋប្រហារគឺឧត្តមសេនីយ៍ Abdel Fattah Burhan ដើម្បីឲ្យមានការដឹកនាំបែបស៊ីវិលឡើយវិញ។
ប្រធានធនាគារពិភពលោក លោក David Malpass ថ្លែងក្នុងសេចក្តីប្រកាសថា «ខ្ញុំមានការព្រួយបារម្ភយ៉ាងខ្លាំងចំពោះព្រឹត្តិការណ៍ថ្មីៗក្នុងប្រទេសស៊ូដង ហើយខ្ញុំបារម្ភថាវាអាចធ្វើឲ្យប៉ះពាល់ខ្លាំងទៅដល់ការងើបឡើងវិញនៃសេដ្ឋកិច្ច និងសង្គម និងការអភិវឌ្ឍន៍របស់ស៊ូដង់»។
កាលពីខែមីនា ប្រទេសស៊ូដង់បានទទួលជំនួយរាប់ពាន់លានដុល្លារពីធនាគារពិភពលោកជាលើកដំបូងក្នុងរយៈពេលជិត ៣០ឆ្នាំចុងក្រោយ ក្រោយពេលប្រទេសនេះបានជម្រះបំណុលរបស់ខ្លួន។ នៅពេលនោះ ប្រធានធនាគារពិភពលោកបាននិយាយថា ស៊ូដង់កំពុងមានការរីកចម្រើនផ្នែកសេដ្ឋកិច្ចយ៉ាងខ្លាំង បន្ទាប់ពីមានវិបត្តិធ្ងន់ធ្ងរអស់ជាច្រើនឆ្នាំ។
ធនាគារពិភពលោកបានផ្តល់ជំនួយចំនួន ៣ពាន់លានដុល្លារទៅដល់ស៊ូដង់ ដើម្បីគាំទ្រវិស័យកសិកម្ម ដឹកជញ្ជូន ថែទាំងសុខភាព និងវិស័យអប់រំជាដើម។
សូមរម្លឹកថាក្រោយពេលធ្វើរដ្ឋប្រហារបានមួយថ្ងៃ មេដឹកនាំរដ្ឋប្រហារស៊ូដង់ ឧត្តមសេនីយ៍ Abdel Fattah al-Burhan បានចេញមុខអះអាងថា ការធ្វើរដ្ឋប្រហារកាលពីថ្ងៃច័ន្ទកន្លងទៅនោះគឺដើម្បីការពារកុំឲ្យសង្គ្រាមស៊ីវិលកើតឡើង។
ក្រុមយោធា និងក្រុមស៊ីវិល បានធ្វើការចែករំលែកអំណាចគ្នាក្នុងសម្ព័ន្ធភាពមួយដែលគេហៅថាក្រុមប្រឹក្សាអធិបតេយ្យ ចាប់តាំងពីផ្តួលរំលំប្រធានាធិបតី Omar al-Bashir ដែលកាន់តំណែងយូរអង្វែងកាលពីឆ្នាំ ២០១៩។
ប៉ុន្តែបន្ទាប់ពីការប៉ុនប៉ងធ្វើរដ្ឋប្រហារយោធាបរាជ័យកាលពីខែកញ្ញាមកដោយកងកម្លាំងស្មោះស្ម័គ្រនឹងលោកប្រធានាធិបតីOmar al-Bashir មេដឹកនាំយោធាបានធ្វើការទាមទារឲ្យមានកំណែទម្រង់ចំពោះសម្ព័ន្ធកងកម្លាំងសេរីភាព និងការផ្លាស់ប្តូរ (FF) និងការប្តូរគណៈរដ្ឋមន្ត្រី។
ប៉ុន្តែមេដឹកនាំស៊ីវិល បានចោទប្រកាន់ពួកគេពីបទចង់ដណ្តើមអំណាច ហើយបច្ចុប្បន្ន ស៊ូដង់កំពុងប្រឈមនឹងវិបត្តិនយោបាយដ៏ធំបំផុត៕ (យោងតាមប្រភព៖ BBC)
ចែករំលែកព័តមាននេះ