ប្តីផ្តាច់ជីវិតប្រពន្ធ រួចផ្តាច់ជីវិតខ្លួនឯង ក្រោយដើរប្រាប់អ្នកជិតខាងថា «អញលាហើយ មើលកូនអញផង»
- កណ្តាល
ខេត្តកណ្តាល ៖ ភ្លើងប្រច័ណ្ឌ ធ្វើឱ្យប្តីមានកំហឹងបៀមទុករាប់ឆ្នាំបានសម្រេចបញ្ចប់ជីវិតប្រពន្ធ រួចបញ្ចប់ជីវិតខ្លួនឯងតាម
ខេត្តកណ្តាល ៖ ភ្លើងប្រច័ណ្ឌ ធ្វើឱ្យប្តីមានកំហឹងបៀមទុករាប់ឆ្នាំបានសម្រេចបញ្ចប់ជីវិតប្រពន្ធ រួចបញ្ចប់ជីវិតខ្លួនឯងតាម
ខេត្តកណ្តាល ៖ ភ្លើងប្រច័ណ្ឌ ធ្វើឱ្យប្តីមានកំហឹងបៀមទុករាប់ឆ្នាំ បានផ្តាច់ជីវិតប្រពន្ធ រួចផ្តាច់ជីវិតខ្លួនឯងតាមក្រោយ ដោយបន្សល់ទុកកូនប្រុស២នាក់ឱ្យរស់នៅកំព្រា ។
ហេតុការណ៌ខាងលើនេះបានបង្កឱ្យមានការភ្ញាក់ផ្អើលកើតឡើងកាលពីវេលាម៉ោង៧និង៣០នាទីព្រឹកថ្ងៃទី២៦ ខែតុលា ឆ្នាំ២០២១ នៅចំណុចភូមិកំពង់ទួល ឃុំអន្លង់រមៀត ស្រុកកណ្ដាលស្ទឹង ខេត្តកណ្ដាល ។
នគរបាលស្រុកកណ្តាលស្ទឹងបានប្រាប់អោយដឹងថា ស្ត្រីជាប្រពន្ធដែលបាត់បង់ជីវិតខាងលើឈ្មោះ គឹម ពៅ អាយុ៤០ឆ្នាំ មុខរបរនៅផ្ទះ ចំណែកបុរសជាប្តីដែលបាត់បង់ជីវិតដែរនោះឈ្មោះ ពេជ្រ វិចិត្រ អាយុ៣៩ឆ្នាំ មុខរបរកម្មកររោងចក្រ ។ ដោយកូនទាំង២នាក់របស់ជនរងគ្រោះ ក្នុងនោះម្នាក់ឈ្មោះ វិចិត្រ រតនា ភេទប្រុស អាយុ១៤ឆ្នាំ និងម្នាក់ទៀតឈ្មោះ វិចិត្រ រតនៈ ភេទប្រុស អាយុ៦ឆ្នាំ ។ គ្រួសារនេះមានទីលំនៅក្នុងភូមិឃុំកើតហេតុខាងលើ ។
នគរបាលបានបញ្ជាក់ថា នៅមុនពេលកើតហេតុ ស្ត្រីជាប្រពន្ធមានទំនាស់ជាមួយប្តីនៅក្នុងផ្ទះ ដោយកូនប្រុសទាំងពីរនៅអង្គុយកៀនផ្ទះ ហើយកូនប្រុសច្បងឮសូរសម្លេងវា.យគ្នា ក៏ចូលទៅមើលឃើញឪពុកកំពុងយកកាំបិ.តអា.រ.កម្តាយ ក៏រត់ទៅហៅអ្នកជិតខាងអោយមកជួយ លុះពេលមកដល់ឃើញម្តាយដេកស្លា.ប់ដោយមានស្នាមអា.រ.ក ចំណែកឪពុកដេកឱបស.ពម្តាយក៏មានស្នាមអា.រ.កផងដែរ តែនៅមានដង្ហើម ទើបអ្នកជិតខាងក៏ទូរស័ព្ទទៅប៉ូលីស និងរថយន្តសង្គ្រោះ លុះមួយសន្ទុះក្រោយមក ទើបរថយន្តសង្គ្រោះក៏ដឹកឪពុកទៅមន្ទីពេទ្យបង្អែកស្រុកកណ្តាលស្ទឹងដែរ ប៉ុន្តែពេលទៅដល់មន្ទីរពេទ្យ ក៏ដាច់ខ្យល់ស្លា.ប់បាត់តែម្តង។
តាមប្រភពខាងលើបានបន្តថា កន្លងមក ជនសង្ស័យជាប្តីធ្លាប់ប្រច័ណ្ឌ ដោយសារប្រពន្ធលេងឆាតជាមួយប្រុសផ្សេង លុះមកដល់ថ្ងៃកើតហេតុ ជនសង្ស័យបានដើរនិយាយប្រាប់អ្នកជិតខាងថា «អញលាហើយ មើលកូនអញផង»។
ក្រោយពេលកម្លាំងជំនាញការពិនិត្យរួចរាល់ បានប្រគល់ស.ពប្តីប្រពន្ធខាងលើជូនក្រុមគ្រួសារ ដើម្បីរៀបចំធ្វើបុណ្យតាមប្រពៃណី ៕
ចែករំលែកព័តមាននេះ