រាជធានីភ្នំពេញ ៖ កងទ័ពជើងទឹក កំពុងឈរជើងនៅ បុរីពិភពថ្មីកួរស្រូវ២ ត្រៀមរួចជាស្រេចដើម្បីជម្លៀសប្រជាពលរដ្ឋមកទីទួលសុវត្ថិភាព ក្នុងភូមិស្រាស្ត្រ ខណ្ឌដង្កោ រាជធានីភ្នំពេញ ដោយសារស្ថានភាពទឹក…
រាជធានីភ្នំពេញ ៖ កងទ័ពជើងទឹក កំពុងឈរជើងនៅ បុរីពិភពថ្មីកួរស្រូវ២ ត្រៀមរួចជាស្រេចដើម្បីជម្លៀសប្រជាពលរដ្ឋមកទីទួលសុវត្ថិភាព ក្នុងភូមិស្រាស្ត្រ ខណ្ឌដង្កោ រាជធានីភ្នំពេញ ដោយសារស្ថានភាពទឹក នៅតាមសណ្តរស្ទឹងព្រែកត្នោត កំពុងហក់ឡើងយ៉ាងខ្លាំង ។
កងនាវាល្បាតទន្លេ នៃទីបញ្ជាការដ្ឋានកងទ័ពជើងទឹក បានមកដល់ទីតាំងសួនបុរីពិភពថ្មីគួរស្រូវ២ នៅម៉ោង ០៥និង៣០នាទីល្ងាចថ្ងៃទី២៥ តុលា ២០២១ និងបានបោះទីតាំង ស្ថិតក្នុងភូមិក្រាំងស្វាយ សង្កាត់ព្រែកកំពឹស ខណ្ឌដង្កោ រាជធានីភ្នំពេញ ដើម្បីត្រៀមក្នុងការជួយសង្គ្រោះបងប្អូនប្រជាពលរដ្ឋខណ្ឌដង្កោ និងបងប្អូនដែលរងគ្រោះដោយទឹកជំនន់ ។
ជាការត្រៀមបឋមនាពេលនេះ កងកម្លាំងមានចំនួន ១៥០នាក់ អរប័រចំនួន ៣០គ្រឿង រថយន្តដឹកជញ្ជូនចំនួន ១២គ្រឿង និងមានរថយន្តពេទ្យ ១គ្រឿង និងរថយន្តដឹកស្បៀង ១គ្រឿងផងដែរ ។
ក្នុងករណីស្ថានភាពទឹកហក់ឡើងកាន់តែខ្លាំង កងទ័ពជើងទឹក នឹងបញ្ជូនកម្លាំង បន្ថែមតាមស្ថានភាពជាក់ស្ដែង ដើម្បីជួយសង្គ្រោះប្រជាពលរដ្ឋ អោយទាន់ពេលវេលា ។
សូមជម្រាបផងដែរថា នាវេលាអធ្រាតយប់ថ្ងៃទី២៥ ឈានចូលថ្ងៃទី២៦ ខែតុលា ឆ្នាំ២០២១ ឯកឧត្តម លឹម គានហោ រដ្ឋមន្ត្រីក្រសួងធនធានទឹក និងឧតុនិយម រួមជាមួយលោក ឃួង ស្រេង អភិបាល នៃគណៈអភិបាលរាជធានីភ្នំពេញ ថ្នាក់ដឹកនាំ អាជ្ញាធរមូលដ្ឋាន និងក្រុមមន្ត្រីបច្ចេកទេសក្រសួង ដឹកនាំក្រុមការងារ ចុះពិនិត្យ និងបញ្ជាការងារអន្តរាគមន៍ នៅលើទំនប់សណ្តស្ទឹងព្រែកត្នោត ដែលបានកំពុងយាយីដោយជំនន់ទឹកភ្លៀង ដើម្បីជួយសម្រួលធ្វើយ៉ាងណាបន្ថយការប៉ះពាល់ឲ្យបានជាអតិបរមា ដល់បងប្អូនប្រជាពលរដ្ឋរស់នៅក្នុងតំបន់ប្រឈម ៕
ចែករំលែកព័តមាននេះ