ចាន់ វឌ្ឍនាការ ផ្ញើសារជូនអ្នកគាំទ្រ ក្រោយជាពីកូវីដ
រាជធានីភ្នំពេញ ៖ ក្រោយត្រឡប់មកដល់ប្រទេសកំណើត និងជាសះស្បើយពីជំងឺកូវីដ-១៩ កីឡាករល្បីឈ្មោះ ចាន់ វឌ្ឍនាកា ហាក់
រាជធានីភ្នំពេញ ៖ ក្រោយត្រឡប់មកដល់ប្រទេសកំណើត និងជាសះស្បើយពីជំងឺកូវីដ-១៩ កីឡាករល្បីឈ្មោះ ចាន់ វឌ្ឍនាកា ហាក់មានការប្រយ័ត្នប្រយែង ដោយលោកក៏កាន់តែមានការជឿជាក់ថា កូវីដ-១៩ បើទោះជាត្រូវបានបង្ការដោយវ៉ាក់សាំងរហូតដល់ទៅ៣ដងក្តី ក៏នៅតែមានការប្រឈម ជាពិសេសអ្នកដែលខ្វះការប្រុងប្រយ័ត្ន និងមើលស្រាល។ លោកត្រូវគេឃើញបង្ហាញខ្លួននៅក្នុងទីលានបាល់ទាត់ ដោយចាត់ទុកថា កីឡា និងការហាត់ប្រាណ គឺជាដំណោះស្រាយ ដែលមហាជនត្រូវធ្វើនៅក្នុងពេលនេះ និងអំពាវនាដល់មហាជនកុំអោយមើលស្រាលជំងឺមួយប្រភេទនេះឱ្យសោះ និងកុំអោយមានការជួបជុំ ដែលបណ្ដាលអោយមានហានិភ័យដល់សុខភាព។
កីឡាកររូបនេះបានថ្លែងទៅកាន់អ្នកគាំទ្រថា កូវីដ-១៩ មិនអាចមើលស្រាលបានទេ ហើយបើលោកកុំតែមានការហាត់កីឡា មានសុខភាពល្អ និងកុំមានការព្យាបាលទាន់ពេលវេលា ច្បាស់ជាបង្កនូវហានិភ័យ ដោយសារតែជម្ងឺនេះផងដែរ។
មកទល់ពេលនេះ មានរយៈពេលច្រើនថ្ងៃហើយ ដែលកីឡាករទាំងអស់ដែលកើតជំងឺកូវីដ-១៩ នៅប្រទេសបារ៉ែន រួមទាំងលោកម្នាក់ផង បានត្រឡប់មកផ្ទះវិញច្រើនថ្ងៃមកហើយ ប៉ុន្តែលោកនៅតែប្រកាសថា មិនបានចេញទៅណាមកណាទេ គឺនៅតែបន្តដាក់ខ្លួននៅដាច់ដោយឡែក មិនជួបអ្នកណា ក្រៅតែជុំគ្នាជាមួយមិត្តភ័ក្ត្ររួមអាជីព ដើម្បីលេងបាល់ និងហាត់ប្រាណ ដើម្បីអោយមានសុខភាពល្អ។
លោកបានទាំងឆ្លើយតបអ្នកខំមិនក្នុងន័យជឿជាក់ទាំងស្រុងថា កូវីដគឺនៅតែបង្កគ្រោះថ្នាក់ ដោយកុំមើលស្រាលវា និងកុំធ្វេសប្រហែស ដែលការបញ្ចេញមតិ និងជំហររបស់លោក ក៏ជួយពញាក់អារម្មណ៍ អោយស្រទាប់មហាជន កាន់តែមានការប្រុងប្រយ័ត្នផងដែរ។ លោកបានបង្ហោះសារដដែលជាដដែលថា «ពួកយើងបានមកដល់ប្រទេសកម្ពុជាវិញហើយដោយសុវត្ថភាព ដើម្បីអោយសុវត្ថភាពខ្លួនឯងនឹងមនុស្សជុំវិញខ្លួន ពួកយើងត្រូវដាក់ដាច់ដោយឡែក ដើម្បីសុវត្ថភាពគ្រប់គ្នា នឹងធ្វើតាមវិធានការណ៍របស់ក្រសួងសុខាភិបាល អរគុណដល់រាជរដ្ធាភិបាល សហព័ន្ធបាល់ទាត់កម្ពុជា ក្រសួងសុខាភិបាលបារ៉ែនដែលបានមើលថែព្យាបាលពួកយើងយ៉ាងយកចិត្តទុកដាក់ កុំភ្លេចគោរពតាមវិធានការណ៍របស់ក្រសួងសុខាភិបាល ៣កុំ៣ការពារ» ។
លោកក៏បានបន្តថា «ពួកយើងបានត្រលប់មកទីលានហ្វឹកហាត់សាជាថ្មីវិញហើយ»។ បន្ថែមពីលើនោះ លោកក៏បានឆ្លើយតបអ្នកគាំទ្រថា កុំភ្លេចការពារខ្លួនហើយលេងកីឡាណាបងប្អូន កុំមើលស្រាលកូវីត១៩អោយសោះ ដោយគេមើលឃើញថា ក្រោយពេលទទួលបទពិសោធន៍ក្លាយជាអ្នកជម្ងឺកូវីត១៩ គឺថា លោកហាក់ដូចជាជឿតែម្ដងថា ជម្ងឺនេះមិនអាចមើលស្រាល ហើយបានទាំងនាំសារអោយមហាជនមានការប្រយ័ត្នប្រយែងខ្ពស់ ក្រោយពេលបើកប្រទេសឡើងវិញនេះ។ មិនខុសគ្នាដែរ កីឡាករផ្សេងទៀត ដែលធ្លាប់កើតកូវីដ១៩ជាមួយលោក ក៏បង្ហោះសារពញាក់អារម្មណ៍មិនខុសគ្នាជូនដល់ស្រទាប់មហាជនផងដែរ ដែលសាររបស់អ្នកមានប្រវត្តិកើតកូវីត១៩ទាំងនោះ កំពុងក្លាយជាសារដែលមានតម្លៃ ដើម្បីមហាជនយល់ថា ពលរដ្ឋកម្ពុជា បើទោះជាឆ្លងកាត់ការចាក់វ៉ាក់សាំងរហូតដល់ម្នាក់ៗ៣ដងក្តី តែមិនអាចប្រហែសនឹងមេរោគមួយនេះបានឡើយ។
គួរបញ្ជាក់ផងដែរថា បន្ទាប់ពីឡើងទៅប្រកួតនៅប្រទេសបារ៉ែន គឺកីឡាករកម្ពុជារហូតដល់៦នាក់ បានកើតជម្ងឺកូវីត១៩ រួមមានកីឡាករ ចាន់ វឌ្ឍនាកា, គួច សុកុម្ភៈ សឿយ វិសាល កីឡាករ សារ៉េត គ្រីយ៉ា កីឡាករ កែវ សុខសិលា និង អ៊ាន ពិសី។ អ្នកទាំង៦ ត្រូវបានពេទ្យជំនាញនៅក្នុងប្រទេសបារ៉ែនយកចិត្តទុកដាក់ព្យាបាលរហូតដល់ជាង១០ថ្ងៃ ហើយក៏មានការធ្វើតេស្តច្រើនលើកផងដែរ ទម្រាំអនុញ្ញាតិអោយត្រលប់មកកម្ពុជា ដោយមិនមែនគ្រាន់តែតេស្តឃើញអវិជ្ជមាន ហើយប្រកាសថាជានឹងអោយត្រឡប់មកវិញឡើយ។
យោងតាមការបង្ហោះកីឡាករទាំង៦ កំពុងសកម្មនឹងការហ្វឹកហាត់កីឡា ដែលសកម្មភាពនេះ គឺមិនមែនប្រឹងប្រែងបង្កើនសមត្ថភាពតែម្យ៉ាងទេ តែគឺជាការដាក់កំហិតមួយក្រោយពីជាពីជម្ងឺកូវីដ១៩ ដើម្បីសុវត្ថិភាព គឺដាក់ខ្លួនឯងនៅដាច់ដោយឡែក ក៏ដូចជាដើម្បីគេចចេញពីការដើរហើរ និងការជួបជុំជាមួយមិត្តភក្តិបងប្អូននេះផង ៕
ចែករំលែកព័តមាននេះ