កងទ័ពអាមេរិកប្រកាសពីការសម្លា.ប់មេដឹកនាំអាល់កៃដាម្នាក់
កងទ័ពអាមេរិក បានប្រកាសថា បានសម្លា.ប់មេដឹកនាំអាល់កៃដាម្នាក់ ក្នុងការវាយប្រហារមួយរបស់យន្តហោះគ្មានមនុស្សបើកនៅស៊ីរី ២ថ្ងៃក្រោយការ
កងទ័ពអាមេរិក បានប្រកាសថា បានសម្លា.ប់មេដឹកនាំអាល់កៃដាម្នាក់ ក្នុងការវាយប្រហារមួយរបស់យន្តហោះគ្មានមនុស្សបើកនៅស៊ីរី ២ថ្ងៃក្រោយការ
ប្រទេសស៊ីរី ៖ កងទ័ពអាមេរិក ប្រកាសកាលពីថ្ងៃទី២២ ខែតុលា ឆ្នាំ២០២១ ថា បានសម្លា.ប់មេដឹកនាំអាល់កៃដាម្នាក់ ក្នុងការវាយប្រហារមួយរបស់យន្តហោះគ្មានមនុស្សបើកនៅស៊ីរី ២ថ្ងៃក្រោយការវាយប្រហារប្រឆាំងមូលដ្ឋានយោធាមួយ នៅភាគខាងត្បូងស៊ីរី ដែលប្រើប្រាស់ ដោយកងកម្លាំងចម្រុះប្រឆាំងជីហាដនាំមុខដោយអាមេរិក។
ការវាយប្រហារនោះធ្វើឡើង ក្នុងតំបន់ SOULOUK ភាគខាងជើងស៊ីរី ស្ថិតក្រោមការត្រួតត្រារបស់តួកគី។ អាមេរិកបញ្ជាក់ថា យើងពុំកត់សម្គាល់ឃើញសញ្ញាណាមួយនៃជនរងគ្រោះស៊ីវិលឡើយ ក្នុងការវាយប្រហារនះ ដែលធ្វើឡើង ដោយយន្តហោះគ្មានមនុស្សបើកធុន MQ-9 ជាដ្រូនប្រដាប់អាវុធមានរហ័ស្សនាមថា REAPER។
អ្នកនាំពាក្យមន្ទីរប៉ង់តាហ្គោន ពុំបញ្ជាក់ថា តើការវាយប្រហារនោះ ធ្វើឡើងជាការសងសឹក? ក្រោយការវាយប្រហារមួយកាលពីថ្ងៃទី២០ ខែតុលា ប្រឆាំងមូលដ្ឋានយោធា AL-TANF ដែលប្រើប្រាស់ដោយក្រុមចម្រុះប្រឆាំងជីហាដ នៅជិតព្រំដែនស៊ីរី ជាមួយហ្ស៊កដានី និងអ៊ីរ៉ាក់ ដែលមិនបណ្ដាលឲ្យមានជនរងគ្រោះឡើយ។
កងទ័ពអាមេរិកនិយាយថា អាល់កៃដា នៅបន្តជាតំណាងនៃការគំរា.មកំហែងមួយសម្រាប់សហរដ្ឋអាមេរិក និងសម្ព័ន្ធមិត្តរបស់យើង។ ក្រុមនោះ ប្រើប្រាស់ស៊ីរី ជាមូលដ្ឋានសម្រាប់ការដកថយ និងសម្រាប់ជាកន្លែងរៀបចំកម្លាំងឡើងវិញ ដោយរួមសហការជាមួយបណ្ដាសាខារបស់ពួកគេ និងរៀបចំផែនការធ្វើប្រតិបត្តិការនៅបរទេស៕ ដកស្រង់ចេញពីវេបសាយ ៖ yahoo
ចែករំលែកព័តមាននេះ