ដោយប្រកាន់ខ្ជាប់គោលការណ៍សាធារណជនជាធំ វ៉េបសាយកោះសន្តិភាពថ្ងៃនេះ បានទទួលការគាំទ្រពីប្រិយមិត្តអ្នកអានជាង១លាននាក់ នៅក្នុងបណ្តាញហ្វេសប៊ុក ដោយធ្វើឱ្យវ៉េបសាយកោះសន្តិភាព ក្លាយទៅជាវ៉េបសាយព័ត៌មាន ដែលមានអ្នកគាំទ្រជាងគេនៅតាមបណ្តាញសង្គមមួយនេះ ។
ដោយប្រកាន់ខ្ជាប់គោលការណ៍សាធារណជនជាធំ វ៉េបសាយកោះសន្តិភាពថ្ងៃនេះ បានទទួលការគាំទ្រពីប្រិយមិត្តអ្នកអានជាង១លាននាក់ នៅក្នុងបណ្តាញហ្វេសប៊ុក ដោយធ្វើឱ្យវ៉េបសាយកោះសន្តិភាព ក្លាយទៅជាវ៉េបសាយព័ត៌មាន ដែលមានអ្នកគាំទ្រជាងគេនៅតាមបណ្តាញសង្គមមួយនេះ ។
សំខាន់ជាងនេះទៀត ជារៀងរាល់ថ្ងៃអត្ថបទស្ទើរទាំងអស់របស់វេបសាយកោះសន្តិភាព www.kohsanteapdaily.com.kh បានទទួល «like» រាប់ពាន់ និង «share» រាប់ពាន់ផងដែរ ។ នេះវាឆ្លុះបញ្ចាំងអំពីការចូលរួមយ៉ាងសកម្មរបស់មហាជនជាមួយកោះ សន្តិភាព នៅក្នុងបេសកកម្មចែករំលែងព័ត៌មាន និងចំណេះដឹង ដើម្បីផលប្រយោជន៍ប្រជាជន និងប្រទេសកម្ពុជាទាំងមូល ។
វ៉េប សាយកោះសន្តិភាព មានសេចក្តីសោមនស្សរីករាយ ព្រមទាំងមានការដឹងគុណយ៉ាងជ្រាលជ្រៅ ចំពោះការចូលរួមយ៉ាងសកម្មរបស់មហាជននៅក្នុងជោគជ័យរបស់វ៉េបសាយ កោះសន្តិភាព ។ ការគាំទ្ររបស់ប្រជាជនកម្ពុជា បានធ្វើឱ្យក្រុមការងារកាសែតកោះសន្តិភាព និងវ៉េបសាយកោះសន្តិភាព កាន់តែមានកម្លាំងចិត្ត ក្នុងការដើរតួនាទីយ៉ាងសកម្ម នៅក្នុងសង្គមក្នុងនាមជាអ្នកនាំសារប្រកបដោយការទទួលខុសត្រូវ និងក្រមសីលធម៌ ។
ផលប្រយោជន៍ប្រជាជនជាធំ គឺជាគោលការណ៍ដ៏សំខាន់របស់កាសែតកោះសន្តិភាព និងវ៉េបសាយកោះសន្តិភាព ។ នៅគ្រប់កាលៈទេស:ទាំងអស់ កាសែត និងវ៉េបសាយកោះសន្តិភាព ធ្វើការសម្រេចចិត្តដោយឈរលើគោលការណ៍មួយនេះ ។
ជោគជ័យរបស់ កាសែត និងវ៉េបសាយកោះសន្តិភាព មិនអាចកាត់ផ្តាច់ពីការគាំទ្ររបស់សាធារណជនឡើយ ។ សូមឱ្យការគាំទ្រនេះបន្តមានតទៅទៀត ដោយរីកធំធាត់គ្រប់ពេលវេលា ។ ជាមួយគ្នានេះ កោះសន្តិភាព ក៏ធ្វើការដឹងគុណចំពោះបុគ្គលិកទាំងអស់ ដែលធ្វើការងារជាក្រុមយ៉ាងសស្រាក់សស្រាំ ដើម្បីផលិតចេញជាព័ត៌មានដែលបម្រើដល់ផលប្រយោជន៍ប្រជាជន ។
វ៉េប សាយកោះសន្តិភាព និងអ្នកគាំទ្រជាង១លាននាក់ នឹងអាចរួមគ្នាជាកម្លាំងចលករដ៏ធំមួយ ដើម្បីធ្វើឱ្យមានការផ្លាស់ប្តូរសង្គមកាន់តែប្រសើរតាមរយ:ការ ផ្តល់ព័ត៌មានពិតដែលសំខាន់ និងដែលមានប្រយោជន៍ សម្រាប់ប្រជាជនគ្រប់រូប និងប្រទេសកម្ពុជាទាំងមូល ។ កោះសន្តិភាពលើកទឹកចិត្តអ្នកគាំទ្រទាំងអស់ ឱ្យចូលរួមបន្តចែករំលែក ( share) ព័ត៌មាន ដែលមានប្រយោជន៍សម្រាប់ជីវិតមនុស្សរស់នៅទាំងអស់គ្នា ។
ជយោកោះសន្តិភាព ! ជយោប្រជាជនកម្ពុជា ! ។
ចែករំលែកព័តមាននេះ