សត្វទាំងឡាយក្នុងលោកនេះរមែងរស់ដោយសារអាហារ បើមិនបរិភោគអាហារក៏មិនអាចរស់នៅបាន ។ ព្រោះហេតុនោះទើបអាហារជាវត្ថុដែលត្រូវបរិភោគខានមិនបាន, ប៉ុន្តែបើបរិភោគមិនដឹងប្រមាណគឺ តិចពេក ច្រើនពេក ក៏ធ្វើឲ្យកើតទុក្ខវេទនាមិនស្រួលដែរ ទាំងជាផ្លូវចម្រើននៃអាសវកិលេសផង ។
ប៉ុន្តែកាលបើបរិភោគឲ្យល្មមសមគួរ និងមានសេចក្ដីត្រិះរិះដោយឧបាយនៃប្រាជ្ញាផងក៏ប្រព្រឹត្តទៅដើម្បីសេចក្ដីស្រួល រម្ងាប់ទុក្ខវេទនា, ធ្វើរាងកាយឲ្យកើតសេចក្ដីសប្បាយ ព្រោះវេទនាជាបច្ច័យឲ្យកើតតណ្ហា, កាលបើទុក្ខវេទនាស្ងប់ហើយ តណ្ហាសេចក្ដីជ្រួលច្រាល់ក៏ស្ងប់ទៅផង ។
ហេតុដូច្នោះ ការដឹងប្រមាណក្នុងការបរិភោគទើបប្រព្រឹត្តទៅដើម្បីលះបង់អាសវៈដែលមិនទាន់កើត មិនឲ្យកើត, អាសវៈដែលកើតហើយ ឲ្យសាបសូន្យទៅបាន ។
ការដែលប្រតិបត្តិឲ្យត្រូវតាមសភាវៈជាអ្នកដឹងប្រមាណក្នុងភោជននោះ ជាការប្រតិបត្តិមិនខុស គឺសុទ្ធតែត្រូវ ហើយជាការប្រតិបត្តិដ៏ប្រពៃ ៕ សាន សារិន
ចែករំលែកព័តមាននេះ