តួកុនអាមេរិក បា.ញ់សម្លា.ប់ស្ត្រីម្នាក់ របួសបុរសម្នាក់ទៀត ក្នុងពេលថតភាពយន្ត
អាមេរិក ៖ ស្ត្រីម្នាក់បានស្លាប់ និងបុរសម្នាក់ទៀត បានរងរបួស បន្ទាប់ពីតារាសម្ដែងលោក Alec Baldwin បានបាញ់កាំភ្លើងខ្លី ក្នុងឈុតភាពយន្តមួយ…
អាមេរិក ៖ ស្ត្រីម្នាក់បានស្លាប់ និងបុរសម្នាក់ទៀត បានរងរបួស បន្ទាប់ពីតារាសម្ដែងលោក Alec Baldwin បានបាញ់កាំភ្លើងខ្លី ក្នុងឈុតភាពយន្តមួយ…
អាមេរិក ៖ ស្ត្រីម្នាក់បានស្លាប់ និងបុរសម្នាក់ទៀត បានរងរបួស បន្ទាប់ពីតារាសម្ដែងលោក Alec Baldwin បានបាញ់កាំភ្លើងខ្លី ក្នុងឈុតភាពយន្តមួយ ក្នុងរដ្ឋ New Mexico នៅភាគនិរតី នៃសហរដ្ឋអាមេរិក នេះបើយោងតាម BBC ចេញផ្សាយនៅថ្ងៃទី២២ តុលា ២០២១នេះ ។
ប៉ូលីសក្នុងរដ្ឋ New Mexico បាននិយាយថា លោក Alec Baldwin បានបញ្ចេញអាវុធភ្ជង់ ក្នុងអំឡុងពេលថតរឿង The 19th Century western Rust ។
ស្ត្រីរងគ្រោះ ត្រូវបានគេបញ្ជូនទៅមន្ទីរពេទ្យភ្លាមៗ ប៉ុន្តែនាងបានបាត់បង់ជីវិតដោយសាររបួសធ្ងន់ធ្ងរ ។ បុរសដែលរងរបួសម្នាក់ទៀត ជាអ្នកដឹកនាំរឿង កំពុងសង្គ្រោះបន្ទាន់នៅមន្ទីរពេទ្យ ។
ក្រុមមន្ត្រីប៉ូលិសជំនាញ កំពុងបើកការស៊ើបអង្កេតឧប្បត្តិហេតុនេះ នៅ ទីតាំងថតរឿងដ៏ពេញនិយម ជាទីតាំងថតរឿងដ៏ពេញនិយមមួយ ។
ស្ត្រីរងគ្រោះ មានឈ្មោះថា Halyna Hutchins អាយុ៤២ឆ្នាំ ដែលបម្រើការ ជានាយកផ្នែកថតរូប ។ ចំណែកបុរសដែលកំពុងព្យាបាលគឺលោក Joel Souza អាយុ ៤៨ឆ្នាំ ដែលជាអ្នកដឹកនាំរឿង ។
ប៉ូលិស បាននិយាយថា ការស៊ើបអង្កេតរបស់ពួកគេ បាននិងកំពុងធ្វើយ៉ាងសកម្ម ប៉ុន្តែមិនទាន់មានការចោទប្រកាន់ណាមួយលើជនសង្ស័យ ពាក់ព័ន្ធនឹងឧប្បត្តិហេតុនេះ នៅឡើយទេ ។
លោកស្រី Halyna Hutchins គឺជានិស្សិតបញ្ចប់ការសិក្សានៅវិទ្យាស្ថានភាពយន្តអាមេរិក ហើយត្រូវបានគេដាក់ឈ្មោះជា “តារាកំពុងរះ” ដោយទស្សនាវដ្តី American Cinematographer ក្នុងឆ្នាំ ២០១៩ ។
មន្ត្រីប៉ូលីស ក៏បានអោយដឹងដែរថា កម្លាំងប៉ូលីសត្រូវបានបញ្ជូនទៅកាន់ទីតាំងកើតហេតុ នៅម៉ោងប្រហែល ០១និង៥០នាទីរសៀល (ម៉ោងក្នុងតំបន់) ដោយទទួលបានការហៅទូរសព្ទចូល បន្ទាន់ពីមានការបាញ់ប្រហារ ។
ជនជាប់សង្ស័យលោក Alec Baldwin អាយុ ៦៨ឆ្នាំ គឺជាសហផលិតករ នៃខ្សែភាពយន្ត និងក្នុងភាពយន្តនេះ លោកដើរតួ ជាជនល្មើសឈ្មោះ Rust ដែលមានចៅប្រុសអាយុ១៣ឆ្នាំ ត្រូវបានកាត់ទោសពីបទឃាតកម្មដោយចៃដន្យ ។
លោក Alexander Rae Baldwin គឺជាតារាសម្តែង អ្នកនិពន្ធ តារាកំប្លែង ផលិតករភាពយន្ត និងជាសកម្មជននយោបាយជនជាតិអាមេរិកផងដែរ ។ គាត់ជាកូនច្បង ក្នុងចំណោមបងប្អូន តារាសម្ដែងទាំងបួននាក់ ក្នុងត្រកូល Baldwin ៕
ចែករំលែកព័តមាននេះ