ប្លែកៗ ! ក្រវិលពេជ្រមួយគូនេះមានពណ៌ខុសគ្នា ឯតម្លៃវិញថ្លៃកប់ពពក
រាជធានីភ្នំពេញ ៖ ប្រសិនបើយើងនិយាយអំពីគូ យើងនឹងឃើញថា គូនីមួយៗមានពណ៌ រូបរាង សណ្ឋាន ឬទ្រង់ទ្រាយដូចគ្នា ចុះហេតុអ្វី ក្រវិលពេជ្រមួយគូនេះ…
រាជធានីភ្នំពេញ ៖ ប្រសិនបើយើងនិយាយអំពីគូ យើងនឹងឃើញថា គូនីមួយៗមានពណ៌ រូបរាង សណ្ឋាន ឬទ្រង់ទ្រាយដូចគ្នា ចុះហេតុអ្វី ក្រវិលពេជ្រមួយគូនេះ មានពណ៌ខុសគ្នា ។ វាពិតជាគួរឱ្យចាប់អារម្មណ៍ណាស់ ក៏ព្រោះក្រវិលពេជ្រមួយគូនេះ ជាក្រវិលដែលថ្លៃបំផុតក្នុងលោក ដែលមានតម្លៃ ៥៧,៤ លានដុល្លារអាមេរិក ។
បើយើងនិយាយសំដៅទៅលើសុភាពនារី ក្រៅពីសម្លៀកបំពាក់ដែលធ្វើឱ្យទាក់ទាញហើយ សម្រស់បន្ទាប់ប្រាកដជា គ្មានអ្វីបន្ថែមភាពឆើតឆាយដល់រូបរាងរបស់គាត់ជាងក្រវិលដ៏ស្រស់ស្អាតនោះទេ ។ សូមមកមើលសម្រស់របស់ក្រវិលមួយគូដែលមានពណ៌ខុសគ្នា ហើយជាក្រវិលដែលថ្លៃបំផុតក្នុងលោក ជាប់ក្នុងបញ្ជីក្រវិលថ្លៃបំផុតទាំង ១០ ។
Blue and pink diamond earrings គឺជាក្រវិលដែលធ្វើឡើងពីពេជ្រ មានតម្លៃ ៥៧,៤ លានដុល្លារអាមេរិក ក្រវិលមួយគូនេះមានពណ៌ខៀវ និងពណ៌ផ្កាឈូក វាត្រូវបានគេច្នៃឱ្យចេញជារូបរាងដូចជាផ្លែសារ៉ី ហើយវាក៏មានឈ្មោះមកជាគូផងដែរ ថា Apollo និង Artemis និងបានដាក់ដេញថ្លៃនៅក្រុមហ៊ុន Sotheby ។ បើទោះបីជាវាលក់ដាច់ដោយឡែកពីគ្នាក៏ដោយ ប៉ុន្តែអ្នកទិញបានទិញវាទាំងគូតែម្តង ដោយក្រវិលមួយចំហៀងដែលមានពណ៌ខៀវមានតម្លៃជាង ៤២ លានដុល្លារអាមេរិក និងពណ៌ផ្កាឈូកមានតម្លៃជាង ១៥ លានដុល្លារអាមេរិក ៕ ប្រភព ៖ expensive-world
ចែករំលែកព័តមាននេះ