ខេត្តកំពត ៖ លំនៅឋានប្រជាពលរដ្ឋចំនួន៥២ខ្នងនៅភូមិស្ដេចគង់ ឃុំស្ដេចគង់ ខាងត្បូងស្រុកបន្ទាយមាស ត្រូវបានខ្យល់កន្ទ្រាក់កួចបោកដួលរលំ កើតឡើងកាលពីវេលាម៉ោង៤រសៀលថ្ងៃទី២០ តុលា ។ នេះបើយោងតាមការអោយដឹងពីលោកសៅ…
ខេត្តកំពត ៖ លំនៅឋានប្រជាពលរដ្ឋចំនួន៥២ខ្នងនៅភូមិស្ដេចគង់ ឃុំស្ដេចគង់ ខាងត្បូងស្រុកបន្ទាយមាស ត្រូវបានខ្យល់កន្ទ្រាក់កួចបោកដួលរលំ កើតឡើងកាលពីវេលាម៉ោង៤រសៀលថ្ងៃទី២០ តុលា ។ នេះបើយោងតាមការអោយដឹងពីលោកសៅ អ៊ក មេភូមិស្ដេចគង់បាននិយាយរៀបរាប់ កាលពីព្រឹកថ្ងៃទី២១ តុលា នេះ ។
លោកសៅ អ៊ក បាននិយាយប្រាប់អោយដឹងថា កាលពីល្ងាចថ្ងៃទី២០ តុលា មានភ្លៀងធ្លាក់ជោកជាំលាយឡំនិងផ្គររន្ទះខ្យល់
កន្ទ្រាក់ផងដែរ ធ្វើឱ្យផ្ទះប្រជាពលរដ្ឋរងការដួលរលំមានចំនួន52ខ្នងផ្ទះ ។ លោកមេភូមិបានឱ្យដឹងទៀតថា នៅព្រឹកថ្ងៃទី២១ តុលាអាជ្ញាធរមូលដ្ឋានបានចុះពិនិត្យដល់លំដ្ឋានប្រជាពលរដ្ឋបានរកឃើញថា ក្នុងចំណោមផ្ទះប្រជាពលរដ្ឋ៥២ខ្នង មានផ្ទះចំនួន៨ខ្នងរងការខូចខាតទាំងស្រុង ។
លោកសៅ អ៊ក និយាយប្រាប់បន្តថា គ្រោះធម្មជាតិកាលពីម៉ោង៤រសៀលនេះក៏មានប្រជាពលរដ្ឋរងរបួសចំនួន2នាក់ដែរ តែមិនស្ថានភាពធ្ងន់ធ្ងរទេ។ ហើយដើមឈើវិញបានដួលរំលំបាក់លើផ្លូវដើរឆ្លងកាត់ ត្រូវបានគ្រឿងចក្ររបស់លោកលី គឹមវន សមាជិកក្រុមប្រឹក្សាក្រុងបូកគោ ជួយសម្រួលកាយផ្លូវអោយប្រជាពលរដ្ឋធ្វើចរាចរឡើងវិញហើយ ។
ចែករំលែកព័តមាននេះ