ទីបំផុត! រកឃើញក្រុមខ្លាំងចំនួន២ ត្រៀមខ្លួនប្រជែងកាន់ពានជើងឯក
- ភ្នំពេញ
រាជធានីភ្នំពេញ ៖ នៅទីបំផុត ការប្រកួតដណ្ដើមពានរង្វាន់សម្ដេចតេជោ ហ៊ុន សែន-Hun Sen Cup លើក ទី១៥ (ថ្នាក់ខេត្ត) ឆ្នាំ
រាជធានីភ្នំពេញ ៖ នៅទីបំផុត ការប្រកួតដណ្ដើមពានរង្វាន់សម្ដេចតេជោ ហ៊ុន សែន-Hun Sen Cup លើក ទី១៥ (ថ្នាក់ខេត្ត) ឆ្នាំ
រាជធានីភ្នំពេញ ៖ នៅទីបំផុត ការប្រកួតដណ្ដើមពានរង្វាន់សម្ដេចតេជោ ហ៊ុន សែន-Hun Sen Cup លើក ទី១៥ (ថ្នាក់ខេត្ត) ឆ្នាំ ២០២១ បានរកឃើញបេក្ខភាពវគ្គផ្ដាច់ព្រ័ត្រហើយ គឺក្រុមកោះកុង អេហ្វស៊ី និងខេត្តត្បូងឃ្មុំ បន្ទាប់ពីក្រុមទាំងពីរ បានក្លាយជាអ្នកឈ្នះនៅវគ្គបញ្ចប់ការប្រកួតវគ្គពាក់កណ្ដាលផ្ដាច់ព្រ័ត្រ កាលពីល្ងាចថ្ងៃទី២០ ខែតុលា ឆ្នាំ២០២១។
លទ្ធផលដែលបានស្ដែងឡើង គឺក្រុមកោះកុងអេហ្វស៊ី បានយកឈ្នះក្រុមខេត្តបន្ទាយមានជ័យ ក្នុងលទ្ធផល ១-០ នៅកីឡដ្ឋាន AEU Sport Park។ ក្នុងជំនួបយ៉ាងស្វិតស្វាញនោះ ក្រុមកោះកុង បានបើកការនាំមុខគូប្រជែង ១គ្រាប់មុន នៅវគ្គទី១ តាមរយៈការទាត់បាល់ចេញពីជ្រុង ហើយបំប៉ោងសំណាញ់ទីដ៏ល្អ ពីសំណាក់កីឡាករ ហ៊ឹម រ៉ស់សាលី នៅនាទី៤៥+១ ហើយលទ្ធផលនេះ បានរក្សារហូតដល់ចប់ ៩០នាទី បន្ទាប់ពីក្រុមបន្ទាយមានជ័យដែលជាក្រុមម្ចាស់ផ្ទះ បានព្យាយាមវាយបកវិញ តែធ្វើពុំបានសម្រេច។
ក្នុងជំនួបវគ្គពាក់កណ្ដាលផ្ដាច់ព្រ័ត្រ សម្រាប់១គូទៀត ត្រូវបានគណៈកម្មការប្រកួតបាល់ទាត់ជាតិកម្ពុជា-CNCC សម្រេចលុប ចោលការប្រកួត ភ្លាមៗដោយផ្ដល់ជ័យជម្នះដល់ខេត្តត្បូងឃ្មុំ ក្នុងលទ្ធផល៣-០ លើខេត្តបាត់ដំបងតែម្ដង បន្ទាប់ពីរកឃើញថា កីឡាករខេត្តបាត់ដំបង៤រូប មានវិជ្ជមានកូវីដ-១៩ ហើយមិនអនុញ្ញាតអោយក្រុមទាំងពីរធ្វើការប្រកួតគ្នា។ ការតេស្តរកឃើញកូវីត១៩ លើក្រុមកីឡាកររបស់ខេត្តបាត់ដំបងនោះ ក៏ផ្ដល់ឱកាសអោយក្រុមម្ចាស់ផ្ទះ គឺក្រុមខេត្តបន្ទាយមានជ័យ ទទួលបានចំណាត់ថ្នាក់៣ ដោយស័យប្រវត្តិផងដែរ។ ក្រុមខេត្តបាត់ដំបង ដែលជាក្រុមខ្លាំងមួយ បានបង្ហាញពីការខកចិត្តយ៉ាងខ្លាំង ដោយសារតែកីឡាកររបស់ពួកគេ៤នាក់ បែរជារកឃើញថាផ្ទុកកូវីដ១៩ ហើយបង្ខំអោយទទួលការព្យាបាល និង អ្នកផ្សេងទៀត ត្រូវធ្វើចត្តាឡីស័ក្ត។
យោងតាមការជូនដំណឹងរបស់ CNCC គឺបានរកឃើញកីឡាករ២រូប របស់ខេត្តបាត់ដំបង ពេលធ្វើតេស្ដមុនការប្រកួតលើកទី១ កាលពីថ្ងៃទី១៨ ខែតុលា និងបន្ដរកឃើញកីឡាករ២រូបបន្ថែមទៀត មានវិជ្ជមាន កូវីដ-១៩ ក្នុងការធ្វើតេស្ដលើកទី២ មុនការប្រកួតនៅថ្ងៃទី២០ ខែតុលា នេះ។ ដូច្នេះ យោងតាមបទបញ្ជាការប្រកួត ក៏ដូចជាយោងតាមស្មារតីកិច្ចប្រជុំបន្ទាន់រវាងភាគីពាក់ព័ន្ធ CNCC ក៏សម្រេចលុបចោលការប្រកួតតែម្ដង។
លទ្ធផលនេះ បានធ្វើអោយក្រុមកោះកុងអេហ្វស៊ី និងខេត្តត្បូងឃ្មុំ នឹងត្រូវជួបគ្នា ក្នុងវគ្គផ្ដាច់ព្រ័ត្រ នាថ្ងៃទី២៣ ខែតុលា នេះ ដើម្បីប្រជែងពានរង្វាន់សម្ដេចតេជោ ហ៊ុន សែន (ថ្នាក់ខេត្ត) ឆ្នាំ២០២១។ ទាំងក្រុមកោះកុង និងត្បូងឃ្មុំ សុទ្ធតែបង្ហាញជំហររៀងខ្លួនថា នឹងកាន់ពានជើងឯកអោយបាន ប៉ុន្តែក្ដីសង្ឃឹមមួយនេះ ក៏ត្រូវផ្នែកលើសំណាងផងដែរ ព្រោះតែការប្រកួតជាក់ស្ដែង គឺតិចនិក និងសមត្ថភាពតែម្យ៉ាង។ យ៉ាងណាមិញ ក្រុមមួយក្នុងចំណោមរបស់ពួកគេ សុទ្ធតែស័ក្តិសមកាន់ពាន ដោយអ្នកតាមដានក៏ពិបាកវាយតម្លៃពីអ្នកទទួលជ័យជម្នះមុនប្រកួត៕
ចែករំលែកព័តមាននេះ