បុរសជនជាតិដើមភាគតិចម្នាក់បានស្លា.ប់ភ្លាមៗនៅនឹងកន្លែងកើតហេតុ បន្ទាប់ពីអាររលំដើមឈើដើម្បីរានដីធ្វើចំការដំណាំ ដែលហេតុការណ៍នេះបង្កឱ្យមានការភ្ញាក់ផ្អើល
ខេត្តមណ្ឌលគិរី ៖ បុរសជនជាតិដើមភាគតិចម្នាក់បានស្លា.ប់ភ្លាមៗនៅនឹងកន្លែងកើតហេតុ បន្ទាប់ពីអាររលំដើមឈើដើម្បីរានដីធ្វើចំការដំណាំ ដែលហេតុការណ៍នេះបង្កឱ្យមានការភ្ញាក់ផ្អើលកាលពីព្រឹកថ្ងៃទី២០ ខែតុលា ឆ្នាំ២០២១ នៅត្រង់ចំណុចទំរ៉ាវដាវ ស្ថិតក្នុងភូមិព្រះ ឃុំស្រែឈូក ស្រុកកែវសីមា ខេត្តមណ្ឌលគិរី។
បើតាមសមត្ថកិច្ចឱ្យដឹងថា ករណីឈើរលំសង្កត់ត្រូវមនុស្សស្លា.ប់ខាងលើនេះ ជនរងគ្រោះមានឈ្មោះ ហង្ស ញ៉ង់ ភេទប្រុស អាយុ៣៦ឆ្នាំ មុខរបរកសិករ ជាជនជាតិព្នង មានទីលំនៅបច្ចុប្បន្នភូមិព្រះ ឃុំស្រែឈូក ស្រុកកែវសីមា ខេត្តមណ្ឌលគិរី ។ ករណីនេះ បានកើតនៅវេលាម៉ោងប្រហែល៧និង១០នាទីព្រឹក ថ្ងៃទី២០ ខែតុលា ។
សមត្ថកិច្ចបានឱ្យដឹងថា មុនពេលកើតហេតុ ជនរងគ្រោះខាងលើបានទៅកា.ប់រានដីចំការជាមួយឪពុកម្ដាយក្មេក និងកូនប្រុសពីរនាក់ទៀត ដោយប្រើម៉ាស៊ីនត្រង់ស៊ីន័រ លុះពេលកំពុងតែកាត់ដើមឈើនោះ ក៏ស្រាប់តែដួលសង្កត់ចំពីលើដើមទ្រូងជនរងគ្រោះតែម្តង បណ្ដាលឲ្យស្លា.ប់ភ្លាមៗនៅនឹងកន្លែងកើតហេតុ។
ក្រោយពេលកើតហេតុ កម្លាំងប៉ុស្តិ៍ស្រែឈូក ក៏បានចុះពិនិត្យស.ពជនរងគ្រោះពុំមានឃើញមានអ្វីជាប់ពាក់ព័ន្ធនឹងករណីព្រហ្មទណ្ឌឡើយ ហើយចំពោះមូលហេតុនៃការស្លា.ប់ គឺដោយសារឈើសង្កត់ពីលើស្លា.ប់ បច្ចុប្បន្នស.ពជនរងគ្រោះត្រូវបានក្រុមគ្រួសារយកមកធ្វើបុណ្យតាមប្រពៃណី៕
ចែករំលែកព័តមាននេះ